น้องเขมกลับเมือยามบ้านค่ะ ถูกช่วงบุญข้าวประดับดินพอดีเลยเอามาสู่พี่น้องเิบิ่งค่ะ
ก่อนมื่อยายข้าวประดับดินจะมีการห่อข้าวต้ม ข้าวหนมเด้อค่ะ แต่มื่อห่อข้าวต้ม
น้องเขมมีภาระกิจสำคัง โอ๊ะ สำคัญ เลยบ่มีรูปมาฝาก มีแต่ตอนเฒ่าแม่กับน้า
เพิ่นกำลังเฮ็ดห่อข้าวน้อย
อันนี่คือกระทงใส่แนวกินแนวอยากที่จะให้บรรพบุรุษที่เพิ่นล่วงลับไปแล้วค่ะ
คนอีสานมีความเชื่อว่าใน 1 ปียมโลกจะเปิดให้คนที่ล่วงลับไปแล้วมารับเอา
แนวกินแนวอยาก ซุมลูกหลานกะเย็บใบตองใส่ของกินให้แนวนี่ล่ะค่ะ
เพิ่นจะใช้ทั้งหมด 9 กระทงค่ะ แล้วการเย็บ และการกลัดไม้กลัดห้ามกลัดทางขวาง
เพิ่นผู้มารับจะไขกินบ่ได้ว่าซั่นค่ะ
อั่นนี่กะเป็นแนวอยากแนวกินที่จะใส่ในกระทงค่ะ ในตอนหัวค่ำแต่ละบ้านเพิ่นกะจะ
เอามาแบ่งมาปันกันค่ะไผ๋มีหยังกะเอามาแลกกันค่ะ เบิ่งเอาโลดเด้อค่ะมีหยังแหน่กะดาย
หลายคักค่ะน้องเขมสาธยายบ่เบิดค่ะ
คำหมาก กอกยา ขาดบ่ได้เลยค่ะ ต้องมี
บาดนี่กะมาหั่นลงในกระทงค่ะอีกอย่างที่ขาดบ่ได้กะคือ เกลือ ปลาแดก
หน่อไม้ส้มเด้อค่ะ
นางแบบ(สายเดี่ยว) กิตติมศักดิ์ค่ะ ฮ่าๆๆๆๆๆๆๆๆๆๆๆ ตอนนั่นประมาณ 3 ทุ่มกว่าค่ะ
ห่อข้าวน้อยพร้อมแล้ว เพิ่นกะจะเอาไปยายในวัดตอนกลางดึกเด้อค่ะ
บ่มีรูปตอนไปยายดอกค่ะ เฒ่าแม่เลาไปเอง น้องเขมนอนถ่าอยู่บ้าน
ปล. ถ้าพี่น้องท่านได๋มีลำกลอน วิญญาณแม่ ของแม่มนฤดี พรมจักร
ขอความอนุเคราะห์เอามาลงประกอบให้น้องเขม จะเป็นพระคุณอย่างยิ่งค่ะ
ขอบพระคุณล่วงหน้าเด้อค่ะ
หากไม่ต้องการฟังเสียงเพลง คลิกปิดเสียงนะครับ
Bookmarks