...เกินสิทนฮอดเช้าได้นอนเฝ้าบ่น้ำตา...

**คนไกลบ้าน2009** · 25-09-2009, 00:43

เป็นกลอนอีสานที่เพราะ/ซิ้ง/เศร้า/เหงา คุณภาพคับเเก้วเหมือนเดิมครับอ้าย จักมาอีกเรื่อยๆเด้อครับ

**xeep** · 25-09-2009, 10:52

กระทู้ต้นฉบับโดยคุณ บ่าวโจ่โล่

อยากฮู้ว่ามื้ออื่นเช้า แสงแดดเหงาสิยังบ่ น้ำตาห่อชีวิตฮ้าง ผู้เคียงข้างเป็นอื่นไป

น้ำตาไหลด้วยความแพ้ ยาล้างแผลหัวใจหม่น เกินสิทนฮอดมื้อเช้า เมื่อนอนเฝ้าบ่น้ำตา

บ่อาจหาทางได๋ช่วย คือล้มป่วยเหมิดแฮงยืน กัดฟันกลืนความผิดหวัง มื้อฮักพังบ่มีเจ้า

เมฆสีเทาเป็นเหมิดฟ้า ปานถูกทาด้วยสีหม่น ตามถนนคนอ้างว้าง เส้นทางเงียบเปรียบป่าหนาว

แสงดวงดาวดับทั้งฟ้า แสงจันทราเงียบมิดมี่ ข้ามราตรีกว่าฮอดเช้า แนวเผาอ้ายแม่นทุกข์ทน

ทุกแห่งหนคือความว่าง ตอนแดดสางฮอดมื้อใหม่ หวังหัวใจที่บอบช้ำ สิทำให้ได้ชื่นบาน แน่บ่น้อ

[Radio]jolo/Paya/Sad-123.mp3[/Radio]

...เปลี่ยนภาพประกอบให้แล้วคร๊าบบบบ...

:l-

เซ็ดน้ำตาพันหมืนเทียว ใจเปลี่ยวบ่เซาหมอง
ใจอาวรณ์คึดนำเขา กะบ่เซาดอกญาอ้าย
ชิขยับไปซ่าย ขวาตื่มบ่ลืมหลง อ้ายเอ้ย
แม่นสิเสยเตยเวย แห่งบ่เคยสิลืมเค่า
เมฆสีเทาเป็นเหมิดฟ้า จั่งอ้ายว่าแม่นอีหลี
ปานว่าถืกทาสี มิดจี่หลี ทางไกล ใกล้
บ่มีไผมาเทียวข่าง ย่างนำให้ฮ้องใส่
ตอนแดดสางฮอดมื้อใหม่ เตรียมหัวใจไว้เด้ออ้าย เหงาบ่ย้ายดอกห่างหนี
สิบปีเลื่อน ซาวเดือนกาย กะบ่หายอ้ายซายใหญ่
มีทางเดียวซิซ่อยได้ หาผู่ใหม่มาอยู่เคียงสาเด้อ ครับอ้าย

**พลายแก้ว** · 25-09-2009, 14:08

ในเมื่อเขาบ่เห็นค่า เก็บน้ำตาไว้สาพี่
ความหวังดีที่ส่งให้ จากใจเจ้าเขาบ่เห็น
เขาหากไปหลงเต้น นำผุบ่าวเมืองเกาหลี
คนที่อยู่ในใจเขา บ่แม่นเฮาดอกเด้ออ้าย
เซ็ดน้ำตาอย่าฮ้องให้ ถอนหัวใจกลับคืนถิ่น
หันมากินข้าวน้ำ ลืมความช้ำที่ก่ำหมอง
ลองหันมาเบิ่งถะแม้ ลองเทคแคร์เจ้าของเบิ่ง
ว่าแม่นเกิ่งแก่วก้ำ หล่อล้ำซ่ำดารา
อย่าหัวซาเถาะอ้าย เฮากะหล่อเลือกได้..คือกันแหล่ว
แนวผู้หญิงหลายใจ สิห่วงใยเฮ็ดหยังท่าน...พี่เอย