ขั่นแรกแฮกหมานกะต้องไปหาซื้อเนื้อกระต่ายก่อน(ไปหานำดงพุ้นแหล่ว) หายากๆ แต่ฮังบ้านผมมีหลายๆไผอยากกินกะแวะมาทางบ้านผมเด้อ อยู่บุรีรัมย์พี้ละ 8)เฮ็ดบ่ยากดอกกะคือเฮ้ดลาบงัวทั่วไปนี้ละ แต่ฮังแซบอีหลีเด้อพี่น้อง
ขั่นแรกแฮกหมานกะต้องไปหาซื้อเนื้อกระต่ายก่อน(ไปหานำดงพุ้นแหล่ว) หายากๆ แต่ฮังบ้านผมมีหลายๆไผอยากกินกะแวะมาทางบ้านผมเด้อ อยู่บุรีรัมย์พี้ละ 8)เฮ็ดบ่ยากดอกกะคือเฮ้ดลาบงัวทั่วไปนี้ละ แต่ฮังแซบอีหลีเด้อพี่น้อง
..แซบอีหลีติครับ..เทียบกับ ลาบกะปอมฮั่นเดะไผคักก่อ..ผมบ่เคยกินลาบกระต่ายครับ
![]()
เป็นตาหากินยากน๊อ...
เป็นตาแซบ....
:welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc
.....แซบตั้วครับ ผมเคยกินหลายเทื่อแล้ว ก่อนเฮ็ดเพิ่นสิเจาะหนังเป็นฮอยจักหน่อย เอาก้านหมากหุ่งเสียบเข่าแล้วเป่า ให่หนังมันยะออกจากเนื้อ บ่อต้องแล่ออกคืองัวดอก หนังผ่อยขาดง่าย....กินกับน้องเมียแฮงแซบคัก....อิ อิ อิ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
..เว้าหม่องมันแม่นเนาะ ...อะอะ..(..จ้ำแจ่วกะแซบฮะนะ..)กระทู้ต้นฉบับโดยคุณ ผู้บ่าวแนว
อ้าย ละคือบ่มีวิธีลาบ แอนบ่เห็นมีเลย ว่าสิลาบแต่บ่มีวิธีทำ บ่แน่ใจว่าสิแซบบ่
anna : อ้าย ละคือบ่มีวิธีลาบ แอนบ่เห็นมีเลย ว่าสิลาบแต่บ่มีวิธีทำ บ่แน่ใจว่าสิแซบบ่
- หลังจากหลกหนังกระต่ายออกแล้ว กะเลาะเอาเนื้อออก ส่วนหัวกับกระดูก เอาไว้ต้ม
- ฟักเนื้อให้แหลก ใส่ภาชนะสำหรับปรุง ใส่พริกป่นหรือพริกสดตำพอแหลก ใส่เกลือ น้ำปลา ชูรส น้ำปลาแดกนิดหนึ่ง(แล้วแต่มัก) น้ำหมากนาว ข้าวหอม ต้นหอมผักชี สะระแหน่แล้วแต่หาได้ คนให้เข้ากันชิมเบิ่ง ให้ส้มแหน่จักหน่อย หรือตามใจมักสิใส่เพี้ยใส่บีกะได้ ถ้าใส่ขมหมากนาวกะบ่ต้อง เพิ่นเอิ้นก้อยกระต่าย
- ส่วนหัว กระดูกติดเนื้อนำไปต้ม วิธีการทั้งหลายเฮ็ดคือกับก้อยงัว ต้มงัวนี้หละ ส่วนดูกขาที่เลาะหนังออกเหมิดแล้ว คันบ่ต้ม กะเอาไปตากแดดให้แห้ง เหน็บไว้ฝาเฮือน...ไว้ฝนทายามขี้เข็บตอด เหอ ๆ ๆ
หมายเหตุ ยามเพิ่นไปไล่กระต่าย ส่วนมากเพิ่นกะสิตัดง่าไม้เผียดยาวๆสูงประมาณแอว เพื่อเป็นแนวกั้นให้กระต่ายไปตามทางที่ปักซิงไว้ แล้วกะจ่งป่องไว้ปักซิง เฮ็ดยาวๆไปตามความเหมาะสมของภูมิประเทศ กางซิงปักไปเรื่อยๆ แล้วปล่อยหมาไปคว่า คนกะไล่ไม้ไล่ฟดไปนำ หากเกิดว่าในการไล่กระต่ายคราวนั้นบังเอิญมีแม่มาน(คนท้องไปซ่อยไล่ซ่อยลัด เวลาได้กระต่ายมา โบราณเพิ่นถือว่าต้องแบ่งพูดซิ้นให้เป็นสองพูด คือว่าเป็นการแบ่งให้ผู้อยู่ในท้องนำ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
:gขอบคุณหลายๆๆ คะ ได้วิธิทำแล้วจะไปลงมือ อาหารแลง กระต่ายมันทั้งเหนียว ทั้งเหม็นกุย แอนเลยบ่แน่ใจว่าถ้าลาบบ่ถึงเครื่องมันสิบ่แซบ ขอบคุณหลายๆๆคะ
ฮ่วยๆๆ ที่ว่าลาบกระด่ายนี้ กระต่ายป่าเด้นาง บ่แม่นกระต่ายบ้านกระต่ายเลี้ยง เหอ ๆ ๆ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
Bookmarks