หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: คึดฮอด...เฮือนมหา

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    คึดฮอด...เฮือนมหา

    คึดฮอดห้อง มหาแห่งเฮือนหอ
    เป็นใดนอ อยู่สบายดีบ้าง
    ศรีหากจำไกลข่าง เทียวทางหลายฮ่อม
    การบ่ฮอม เวียกหยุ่ง พันเกี้ยวเกี่ยวกาย
    บ่ได้หายหนีหน่า อำลาป๋าปล่อย
    ยังคึดนำคล้อยคล้อย ใจห่อยห่วงคะนิง
    งานมหามิตติ้ง บ่อาจฮ่วมไปเห็น
    ย้อนจำเป็นกะทันหัน หม่อวันบัดงานเค้า
    สุดเสียดายกะเทิงเศร่า เหงาในปานไก่พาก
    เหมิดความปาก อั่นสิเว้านอเจ้าท่านทุกคน
    อีกบ่ดนนอปีหน่า จั่งมาหาพ้อกันใหม่
    พ่อใหญ่ศรีบ่ไปไส ยังอยู่นำพี่น้อง ถะผองเท่าขาดใจ
    เป็นสันใด๋ นองานเลี้ยง พาแลงคือสิม่วน
    มีผู้ใดแหน่หละม้วน นอนกลิ้งบ่ซ่วงเมา
    เป็นจั่งใดแหน่หละเจ้า อ้ายบ่าวคนเดิม
    เก้าอี้เสริมหลายบ่นอ หรือส่ำพอกับปีแล้ว
    เว้าพื้นแอวเจ้าเซาซ้ง หรือเป็นซงกว่าปีก่อน
    หรือแม่นฮ่อนซอดแจ้ง จนกาฮ้องไก่ขัน
    ถามไถ่กันพอฮู้ หอมหูสมควรปาก ก่อนหนอ
    ยามเซายากเวียกหน่อย สิมาต้อยต่อเติม
    ขอกะเสิมสำราญซ้วน มหามวลน้องพี่
    ขอความสุขสวัสดี จงเกิดมีแก่ท่าน ทั้งหลายล้วนทุกประการ


    ...จำเป็นหลายพี่น้อง ช่วงงานพาแลงผู้ข้ามีภารกิจด่วน ออกฝึกนอกที่ตั้ง ๕ มื้อกลับมากะไปบ่ทันงาน เสียดายยังว่า กราบอภัยที่ได้ตกปากรับคำกับสมาชิก พี่น้องหลายๆท่าน...
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    แบ่งปันความรู้และประสบการณ์ สัญลักษณ์ของ บ่าวโก้ เกียรติณรงค์
    วันที่สมัคร
    Jan 2010
    กระทู้
    102
    ฝีมือสุดยอดครับอาจารย์

  3. #3
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,100
    บล็อก
    5
    กะว่าอยู่ครับ ปีนี้คือบ่เห็นพ่อใหญ่ศรีมาเป่าแคนน้อออ อิอิอิ เทือหน้ากะได้ดอกน่อครับใหญ่ศรี อยู่สุขสำบายดีน่อครับ

  4. #4
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    ว่าอยู่ดอกค่ะ ปีนี้คือไร้เงาพ่อใหญ่ศรีฯ ปีหน้าปีฮือ กะยังมีอยู่ค่ะ คิดฮอดคิดถึงคือเก่าค่ะ

  5. #5
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161
    โอ๊ยยยยยยยยยยยยยยยยยย คึดฮอดหลายไหย่ศรีเอ๊ย

    บ่เห็นหน้าเจ้า กินเหล้าบ่ม่วนแม๋ะ อิอิ
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  6. #6
    แบ่งปันความรู้และประสบการณ์ สัญลักษณ์ของ บ่าวเคน
    วันที่สมัคร
    Jun 2009
    ที่อยู่
    อุบลฯ เมืองดอกบัวงาม
    กระทู้
    360
    ยังคึดฮอดคึดถึงญาอ้ายศรีสะท้านคือเก่านั่นล่ะ งานพาแลงมีแต่คนจ่มหากะยังว่า

  7. #7
    แบ่งปันความรู้และประสบการณ์ สัญลักษณ์ของ ครูไทยไกลบ้าน
    วันที่สมัคร
    Jan 2010
    กระทู้
    103
    กลอนม่วนหลายครับ

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    สุดยอดคือเก่าครับ ท่านบรมครูจอมปราชณ์ ผญาอิสาน

    ผมกะบ่ได้ไปนำพี่น้องคือกันหล่ะครับอ้าย

    นัดน้องกุ้ง (มือพิณน้องใหม่) กับ อ้ายธนิต ไว้แล้ว

    มื้องานผมกะเป็นไข้ นอนโรงบาลแมะครับ เสียดายยยยคัก

    มื้อนี้กะได้กฤษเดินทางไป เวียงจันทร์อีกหล่ะครับ

    มาส่งข่าว นำท่านอาจารย์คือกัน คิดฮอดพี่น้องทุกท่านครับ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  9. #9
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ดีใจหลายหายเศร้า ได้ฟังข่าวอาจารย์
    ศรีสะท้านบรมครู ยังอยู่ดีซำบายล้วน
    ถามข่าวมวลพี่น้อง ห้องแห่งเฮือนมหา
    อยากบอกว่าคิดฮอดเด้อ ฮักเสมออยู่เด้อท่าน
    ทั้งอาจารย์ผญาซึ้ง ยังคิดถึงอ้ายโจ่โล่
    รักษาโตแน่เด้ออ้าย ข่าวว่าไข้ให้ส่วงเซา
    น้องขอเอาใจช่วย ด้วยจริงใจบักหลายคัก
    ขอให้ผ่านอุปสัค พักผ่อนกายหายล้า จั่งมาจ้อต่อผญา...



    คิดฮอดแฮงหลาย ขอรับ อ้ายทิดศรีฯ อ้ายโจ่โล่ ด้วยความรักเคารพในใจเสมอครับ กระผม

  10. #10
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    มายามได๋กะม่วนยามนั้นนอจ้า

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •