หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: ก้อยใข่มดแดง

  1. #1
    bandit
    Guest

    ก้อยใข่มดแดง

    ก้อยไข่มดแดง

    ส่วนประกอบ

    1.ไข่มดแดง 1 ถ้วย อย่าเลือกเอาแม่แดงมันออกเหมิดหลาย จ่งไว้จักหน่อยให้มันมีรสส้ม เพราะว่าก้อยไข่มดแดงบ่ต้องใส่บักนาว มดแดงมันส้มอยู่แล้ว

    2.แจ่วผงหรือพริกป่น นี่หละ

    3.ข้าวคั่ว สำหรับข้าวคั่วนี่ สมัยก่อนไทบ้านเฮาสิบ่ตำข้าวคั่วใส่กระปุกไว้คือกับสมัยนี้ บางคนกะว่าคนสมัยก่อนขี้คร้าน แต่ความจริงกะคือว่า ข้าวคั่ว ที่คั่วแล้วตำใหม่ๆ มันสิมีกลิ่นหอม ถ้าคั่วไว้โดน มันสิบ่อหอม ดังนั้นคนสมัยก่อนเมื่อถึงเวลาสิเฮ็ดแนวกิน จำพวก ลาบ จำพวกก้อย เขาจั่งค่อยคั่วข้าวคั่ว คั่วหน่อยๆพอเฮ็ดกินเป็นครั้งคราวเอา มันจั่งหอม บ่คือสมัยนี้ คั่วข้าวคั่วแต่ละทีบักหลาย แล้วกะใซ้เครื่องปั่น ปั่นใส่กระปุกไว้กินเป็นเดือน ความหอมของข้าวคั่วกะสิลดลง นอกจากเรื่องความหอม แล้วการคั่วข้าวคั่วไว้โดน มีโอกาสสูงที่ข้าวคั่วสิเกิดรา แล้วรากะสิสร้าง ท๊อกซิน ที่ชื่อว่า อะฟลาท๊อกซิน ซึ่งเป็นสารก่อมะเร็งที่สำคัญ อันนี่เฮาควรระวัง ถ้าเป็นไปได้ ควรสิเฮ็ดตามคนโบราณเฮา ที่บ่คั่วข้าวคั่วไว้ ยามสิเฮ็ดลาบ เฮ็ดก้อยจั่งค่อยคั่วตำเอา แต่ว่าแจ่วผง เฮาได้ใซ้ดู๋ อันนี่กะคั่วไว้ เพรากะปุกหนึ่งกินบ่กี่วันกะเหมิด

    4.น้ำปลา หรือน้ำปลาแดก

    5.ผักหอมต่างๆ เช่น หัวผักบั่ว ผักซีจีน สะระแหน่ เป็นต้น


    วิธีปรุง

    1.เทแจ่วผง ข้าวคั่ว น้ำปลา ลงไปในถ้วยไข่มดแดง ที่เฮาล้างสะอาดแล้ว คนให้เข้ากัน ผู้ได๋มักเผ็ดกะใส่แจ่วหลายๆ แต่ต้องระวังอย่าสะใส่น้ำปลาหลาย เพราะมันเค็มง่าย มันสิไปใกล้บรบือโพด (ทางสารคาม ถ้าเฮ็ดแนวกินเค็ม เขาสิว่าอยู่ไกล้บรบือ เพราะแต่ก่อน บรบือ ต้มเกลือหลาย)

    2.ซอยหัวผักบั่ว ผักซีจีน สะระแหน่ลงไป คนให้เข้ากัน หรือบางคนกะสิใส่ครก ยั่วให้ไข่มดแดงแตกจักหน่อย แต่ว่าทางที่ดีบ่อต้องตำดอก เวลากินเฮาจั่งค่อยปั้นคำข้าวสีใหญ่ๆ จ้ำแฮงๆไข่มดแดงมันกะสิแตกเอง (สูตรนี่บ่ให้ใส่ผงชูรสเด้อ รสชาติมันดีอยู่แล้ว บ่ต้องชูอีก)

    3.แบ่งใส่ถ้วย หาพาข้าวลง กินกันเลย แต่ว่าถ้าสิให้แซบต้องกินกับผัก ผักที่เอามากินกับก็ต้องเป็นผักตามฤดูกาล ได้แก่ ลวกผักสาบ (อย่าลวกเปื่อยหลายมันสิเซาขม) ลวกดอกแคท่ง ยอดผักติ้ว ผักเม็ก ผักกะโดน ผู้ได๋มักเผ็ดกะหักบักพริกหน่วยกินกับ โฮ้?ซี้ด?.เผ็ดๆ แซบคัก แซบคัก แต่อย่าสะกินเพลินหลาย เดี๋ยวกัดพุงแก้มจะของ สิได้น้ำตาตกใน เด้..

    ปล.ข้อควรระวัง ถ้าผู้ได๋ ท้อง ไส้ บ่ค่อยดี อย่าสะกินหลายๆเด้อ ก้อยไข่มดแดง เพราะมันดิบ มันสิเฮ็ดให้ยื่ง เจ็บท้องได้ หรือตดซู่กันดม อยู่เหมิดมื่อ?
    ก้อยใข่มดแดง

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มสวีเดน
    วันที่สมัคร
    Aug 2006
    กระทู้
    324

    Re: ก้อยใข่มดแดง

    เป็นตาเเซบเเท้ อิ อิ

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: ก้อยใข่มดแดง

    เป็นแนวกินตามฤดูกาลบ้านเฮาเนาะ ยามนี้กะเมิดแล้วละ ....ตะ2-3 เดือนที่ผ่านมาสาวไก่กะก้อยหลายรอบยุ ..หาซื้อง่ายเพิ่นเอามากองขายยุตลาด ถาดละ 20 กะกินบ่เมิด (ได่หลาย) ตะน้อยๆเคยไปแหย่...กับป้ายุกาสิน ...ใส่เสื้อแขนยาว พี่น้องเอ้ย......หลาบฮอดสุมื้อนิละ บ่ไปแหย่อีกจักเทื่อ ...(มันกัดคักอิหลี ..) Re: ก้อยใข่มดแดง Re: ก้อยใข่มดแดง
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  4. #4
    hell_angel
    Guest

    Re: ก้อยใข่มดแดง

    โอ่ววว ... ว้าว อยากจะบอกว่า ของโปรด น้องเจ้ย เลยน้า

  5. #5
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953

    Re: ก้อยใข่มดแดง

    ทอดใส่ไข่ :D

  6. #6
    สงัด903
    Guest

    Re: ก้อยใข่มดแดง

    8) อยากจะกินแล้ว...ไข่มดแดง ตัวแม่ที่สีเขียวๆก็ส้มๆมันๆดีนะครับ Re: ก้อยใข่มดแดง

  7. #7
    deksersa
    Guest

    Re: ก้อยใข่มดแดง

    Re: ก้อยใข่มดแดง กระทู้ต้นฉบับโดยคุณ ปลาร้าน้อย
    ทอดใส่ไข่ :D
    มักแบบเดียวกันเอื้อย อิอิ 8) 8) 8)

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มสวีเดน
    วันที่สมัคร
    Aug 2006
    กระทู้
    324

    Re: ก้อยใข่มดแดง

    Re: ก้อยใข่มดแดง กระทู้ต้นฉบับโดยคุณ หมวยน้อยมิวสิค
    Re: ก้อยใข่มดแดง กระทู้ต้นฉบับโดยคุณ ปลาร้าน้อย
    ทอดใส่ไข่ :D
    มักแบบเดียวกันเอื้อย อิอิ 8) 8) 8)
    เเม่นเเล้ว

  9. #9
    deksersa
    Guest

    Re: ก้อยใข่มดแดง

    :D มัก คือกันหรอ อ้าย

  10. #10
    ร่วมถ่ายทอดความรู้สู่สังคม สัญลักษณ์ของ หนุ่มสวีเดน
    วันที่สมัคร
    Aug 2006
    กระทู้
    324

    Re: ก้อยใข่มดแดง

    Re: ก้อยใข่มดแดง กระทู้ต้นฉบับโดยคุณ หมวยน้อยมิวสิค
    :D มัก คือกันหรอ อ้าย
    มักอาาาราาาาายยย

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •