ขอยกย่อง นักกวีมือเก่า จากเด็กใหม่ครับผม

[แสงเดือนในสายหมอก]

บ่หวังมา เขีนเล่น ให้หมู่หัว
ย่อนว่าตัว ผมนี้ ฮู้บ่หลาย
ฮู้ท่อนี้ พอได้พล่ำ คำบรรยาย
ถ้าหมู่หน่าย กะสิลี้ หนีจากจร

เจตนา มาขอลำ ฟังนำหมู่
ผมบ่ฮู้ ว่าอยู่นี่ มีบทกลอน
เลยมาฝาก ทักทาย เป็นอักษร
เลยมาพ้อ นักกลอน เว่านำกัน

ดีใจหลาย ได้พ้อ คนบ้านเฮา
ได้มาเว่า มาจา ให้สุขสรรค์
ความรู้หน่อย โตข้อย นักประพันธ์
หวังพวกท่าน ได้สั่งสอน นักกลอนใหม่

ผมได้อ่าน ระดับอาจารย์ กะหลายคน
เทิงหมาน้อย ต้นข้าว ครูแก้มใส
อ่าน Myponn ไก่น้อย กะถูกใจ
หรือหมู่เจ้า ว่าจั่งได๋ กะบอกแน่

เรื่องคารมณ์ คมจ้าว บ่าวโจ่โล่
ปาดสิโท้ บ่าวเซียงน้อย เยี่ยมตั๊วแหม๋
พอกะเทิน Saoน้ำค้าง กะของแท้
อีกท่านแนะ ใบไม้ สีชมภู

ขอยกย่อง จากน้องใหม่ ผู้มายาม
หวังสิได้ สอบถาม จากผู้รู้
เพราะว่าผม ยังห่างไกล ระดับครู
กะซ่อยดู ซ่อยแยง เด้อพี่น้อง

[สาวบ้านนา]

ขอบอกว่าดีมากเลย ย้ำๆ อัจฉริยะ จิง เก่งมากๆ เบิ่งซือ แสงเดือนในสายหมอก สมแล้วที่ แต่งบทกวี เป็น
มีพรสรรค์ มีความคิด แบบศิลป์ จิงๆ หนึ่งคะแนนมอบไห่

[ศรีสะท้าน]

เขียนมาเหล่นแกมหัวกะได่ท่าน พอให่ซุมอยู่บ้านมหานี้ได้ส่วงเหงา
พอได้หายอุกเศร่าเหงาในให่ใจซื่น ฮอดมื้ออื่นฮุ่งเซ้างานหน่าหากอยู่ครอง
พอให่พวกพี่น้องได้ลึ่งแก่นแสนสนิท ผูกสัมพันธะไมมิตรบ่อเสื่อมคลายภายพุ้น
บ่อให่สูญเสียสียเศร่าอิสานเฮาให่ยาวยื่น ให่ซุมเพิ่นได้เว้าพื้นอีสานแท้ว่าแน่จริง...แท้แหลว

[ตรี ศรีเมืองใหม่]

ป้าด/มีแต่คนเก่งๆกระทู้นี้ เอาไปคนละคะแนน //เดี๋ยวขอตัวงีบจักหน่อยก่อน คิดกลอนได้จั่งสิเอามาต่อ.....

[ศรีสะท้าน]

เซินโลดเด้อท่านการทำงานย่อมมีเมื่อย ให้ค่อยทำไปเรื่อยๆยามล้ากะพักเซา
อย่าไปเอาสังขารดั้นดันหลายกายสิอ่อน เดี๋ยวเทื่อหมากอ้อนต้อนบ่อโงขึ้นซื่นหัว
อิ อิ อิ อิ อิ

[ตรี ศรีเมืองใหม่]

เซินโลดเด้อท่านการทำงานย่อมมีเมื่อย ให้ค่อยทำไปเรื่อยๆยามล้ากะพักเซา
อย่าไปเอาสังขารดั้นดันหลายกายสิอ่อน เดี๋ยวเทื่อหมากอ้อนต้อนบ่อโงขึ้นซื่นหัว
อิ อิ อิ อิ อิ

อ่า ฮ่า ฮ่า ขอทราบหมากอ้อนต้อนคือหยังท่าน.....

[UB]

บอ้ายเชียง ผมว่าแม่น หมากผีผ่วนชั่นแลว อิอิอิ

[ศรีสะท้าน]

กะหมากกะแล่งงัวเฮานี้หละอาว ฮิ้ววววว ส่อกะด้อ สงสัยกะด้อเนาะ อิ อิ อิ อิ

[รวงข้าว]

แสงเดือนในสายหมอก
แต้งกิ้วหลายๆเด้อ อิอิ

[ตะวันนา]

....บู๊ยยยย ...เพิ่นเว่าจีบกันเนาะ.... อิจฉาเสี่ยวเด๊ ...บัดที่นี่..มีผู้บ่าวมาถามหาแมะ...