-
เจ้าหน้าที่ประชาสัมพันธ์
กลับคืนมาสาเด้อหล่า
น้องสาวเอย...
ได้ยินข่าวเจ็บหลายหล่า เสียน้ำตากะหลายเทือ อุกใจเหลือเป็นห่วงเจ้า
มีคนเว้ามาสู่ฟัง ว่าฮักพังแล้วบ้อน้อง คนที่ปองเขาเป็นอื่น
แต่ทนฝืนใจอยู่ไว้ ย้อนใจนั้นยังฮักเขา อ้ายได้เผลอละเมอเศร้า
คิดแล้วเหงาใจเป็นห่วง จนสิป่วงจนสิบ้า คิดมาแล้วแฮงห่วงหลาย
ตั้งแต่มื้อเดินจากอ้าย บ่เคยวายยังฮักต่อ บุญบ่พอเป็นคู่เจ้า
กะหมายเฝ้าสิฮักนาง ฮอดมื้อนี้ฮักเจ้าฮ้าง หวนกลับทางสิได้บ่
อ้ายสิขอเป็นผู้แก้ หัวใจแพ้ให้พักเซา ชั่นแหล่วน้องสาวเอย......
-
ศิลปิน นักแสดง
ตาลิโตนเนาะน้องวัฒน์
ผุสาวเจ้ายังบ่กลับมาอีกติ
เอื้อยกะผุบ่าวเสียคือกันจักเพิ่นหายไปไส สงสัยสิพ้อคนดี ๆ กว่าเฮา อิอิ กะดีใจนำเพิ่นดอกว้า
-
ศึกษาหาความรู้
เป็นตาหลูโตนน้อ เอ๊า...สู้เด้อพี่น้อง
-
ศิลปิน นักแต่งผญา
อ้ายวัฒน์เอ๊ย...
เสียงคนลือคนอ้าง
ว่าสาวนางถืกป๋าปล่อย
เขาบ่ฮักน้องจ้อย
ปล่อยให้ค้อยนั่งระทม
ว่าฮักขมระบมเนื้อ
เกลือจางก้างดูกตื่ม
เขาลืมนางสาแล้ว
ใจแป้วเปล่ามโน
คำคนโสออกมาอ้าง
ว่าสาวนางบ่สดชื่น
แต่กะฝืนทนแน่
บ่จริงแม้แต่ละคำ
ฮักเคยหวานยังหอมฮ่ำ
คำเขาจากะยังม่วน
เขากับนางมีแต่ฮักล้วนๆ
บ่เคยม้วนมุ่นทะลาย
ขอบใจหลายเด้อวัฒน์อ้าย
สายใจที่อ้ายหล่ำ
ขอบคุณหลายสำหรับคำ
ส่งมายามนางน้อง
สิจำจ้องไว้บ่ลืม............... ลองเปลี่ยนแนว(เป็นแบบพาเขามาเย้ย)ก่อน อิอิ
-
ร่วมถ่ายทอดความรู้สู่สังคม
มาเป็นอีกหนึ่งกำลังใจให้อ้ายเด้อจ้า
จั๋งได๋กะ ให้ฟังเพลง อะไรก็ยอม ของพี่เสก โลโซเด้อจ้า
-
ร่วมถ่ายทอดความรู้สู่สังคม
อ้างถึงถึง กระทู้วัฒนชัย
บุญบ่พอเป็นคู่เจ้า กะหมายเฝ้าสิฮักนาง ฮอดมื้อนี้ฮักเจ้าฮ้าง
หวนกลับทางสิได้บ่ อ้ายสิขอเป็นผู้แก้ หัวใจแพ้ให้พักเซา
ขอเป็นคนดูแลเจ้า ขอให้ลืมทางเขาถึงเจ็บซ้ำน้ำตาหล่น
อ้ายขอเป็นคนส่อยแก้ เป็นแพรน้อยเซ็ดน้ำตา
ขอเป็นผ้าพลาสเตอร์น้อย ปิดฮอยหัวใจแหว่ง
ฮักเจ้าแฮงนั้นแม่นอ้าย คึดฮอดแฮงกะแม่นอ้าย กลับมาถ่อน อ้ายอภัย
มาเป็นกำลังใจให้น้องวัฒน์
-
ร่วมถ่ายทอดความรู้สู่สังคม
ช่างภาพอิสระ
อ้ายวัฒรเอ้ย.......
เจ็บในใจมันกลัดกุ่ม
มรสุมพัดเข้าหา
ผู้ที่เพิ่นมาหวานอ้อน
เพิ่นมาส้อนดอกไกลห่าง
ระหว่างทางที่ย่างช้อน
ยังบ่พ้อดอกฝั่งฝัน
คนพัวพันเข้ามาไกล้
มีมาหลายจนใจห่าง
สิอ่วยทางมาหาอ้าย
น้องกะอายสิย่างหา
ย้านน้องมาเฮ็ดอ้ายช้ำ
เจ็บระกำให้แหน่งหน่าย
ห่วงหัวใจอ้าย
สิพังหม้าง.....ย้อนนางน้องหล่ะอ้ายจ๋า
(อดส่าอ่านเด้อจ้าผญาเด้กน้อยหัดเขียนจ้า)
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks