กำลังแสดงผล 1 ถึง 7 จากทั้งหมด 7

หัวข้อ: กลับคืนมาสาเด้อหล่า

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    กลับคืนมาสาเด้อหล่า

    กลับคืนมาสาเด้อหล่า

    น้องสาวเอย...
    ได้ยินข่าวเจ็บหลายหล่า เสียน้ำตากะหลายเทือ อุกใจเหลือเป็นห่วงเจ้า

    มีคนเว้ามาสู่ฟัง ว่าฮักพังแล้วบ้อน้อง คนที่ปองเขาเป็นอื่น

    แต่ทนฝืนใจอยู่ไว้ ย้อนใจนั้นยังฮักเขา อ้ายได้เผลอละเมอเศร้า

    คิดแล้วเหงาใจเป็นห่วง จนสิป่วงจนสิบ้า คิดมาแล้วแฮงห่วงหลาย

    ตั้งแต่มื้อเดินจากอ้าย บ่เคยวายยังฮักต่อ บุญบ่พอเป็นคู่เจ้า

    กะหมายเฝ้าสิฮักนาง ฮอดมื้อนี้ฮักเจ้าฮ้าง หวนกลับทางสิได้บ่

    อ้ายสิขอเป็นผู้แก้ หัวใจแพ้ให้พักเซา ชั่นแหล่วน้องสาวเอย......

  2. #2
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,135
    ตาลิโตนเนาะน้องวัฒน์
    ผุสาวเจ้ายังบ่กลับมาอีกติ
    เอื้อยกะผุบ่าวเสียคือกันจักเพิ่นหายไปไส สงสัยสิพ้อคนดี ๆ กว่าเฮา อิอิ กะดีใจนำเพิ่นดอกว้า

  3. #3
    ศึกษาหาความรู้ สัญลักษณ์ของ mahadet
    วันที่สมัคร
    May 2010
    กระทู้
    23
    เป็นตาหลูโตนน้อ เอ๊า...สู้เด้อพี่น้อง

  4. #4
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ้ายวัฒน์เอ๊ย...
    เสียงคนลือคนอ้าง
    ว่าสาวนางถืกป๋าปล่อย
    เขาบ่ฮักน้องจ้อย
    ปล่อยให้ค้อยนั่งระทม
    ว่าฮักขมระบมเนื้อ
    เกลือจางก้างดูกตื่ม
    เขาลืมนางสาแล้ว
    ใจแป้วเปล่ามโน
    คำคนโสออกมาอ้าง
    ว่าสาวนางบ่สดชื่น
    แต่กะฝืนทนแน่
    บ่จริงแม้แต่ละคำ
    ฮักเคยหวานยังหอมฮ่ำ
    คำเขาจากะยังม่วน
    เขากับนางมีแต่ฮักล้วนๆ
    บ่เคยม้วนมุ่นทะลาย
    ขอบใจหลายเด้อวัฒน์อ้าย
    สายใจที่อ้ายหล่ำ
    ขอบคุณหลายสำหรับคำ
    ส่งมายามนางน้อง
    สิจำจ้องไว้บ่ลืม.
    .............. ลองเปลี่ยนแนว(เป็นแบบพาเขามาเย้ย)ก่อน อิอิ

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    มาเป็นอีกหนึ่งกำลังใจให้อ้ายเด้อจ้า
    จั๋งได๋กะ ให้ฟังเพลง อะไรก็ยอม ของพี่เสก โลโซเด้อจ้า

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้างถึงถึง กระทู้วัฒนชัย
    บุญบ่พอเป็นคู่เจ้า กะหมายเฝ้าสิฮักนาง ฮอดมื้อนี้ฮักเจ้าฮ้าง
    หวนกลับทางสิได้บ่ อ้ายสิขอเป็นผู้แก้ หัวใจแพ้ให้พักเซา


    ขอเป็นคนดูแลเจ้า ขอให้ลืมทางเขาถึงเจ็บซ้ำน้ำตาหล่น
    อ้ายขอเป็นคนส่อยแก้ เป็นแพรน้อยเซ็ดน้ำตา
    ขอเป็นผ้าพลาสเตอร์น้อย ปิดฮอยหัวใจแหว่ง
    ฮักเจ้าแฮงนั้นแม่นอ้าย คึดฮอดแฮงกะแม่นอ้าย กลับมาถ่อน อ้ายอภัย


    มาเป็นกำลังใจให้น้องวัฒน์

  7. #7
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    อ้ายวัฒรเอ้ย.......
    เจ็บในใจมันกลัดกุ่ม
    มรสุมพัดเข้าหา
    ผู้ที่เพิ่นมาหวานอ้อน
    เพิ่นมาส้อนดอกไกลห่าง
    ระหว่างทางที่ย่างช้อน
    ยังบ่พ้อดอกฝั่งฝัน
    คนพัวพันเข้ามาไกล้
    มีมาหลายจนใจห่าง
    สิอ่วยทางมาหาอ้าย
    น้องกะอายสิย่างหา
    ย้านน้องมาเฮ็ดอ้ายช้ำ
    เจ็บระกำให้แหน่งหน่าย
    ห่วงหัวใจอ้าย
    สิพังหม้าง.....ย้อนนางน้องหล่ะอ้ายจ๋า
    (อดส่าอ่านเด้อจ้าผญาเด้กน้อยหัดเขียนจ้า)

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •