ซวดๆคับ..จังแม่นคักเนาะ
..ให้ได้ กินก้อยนำเด้อวัฒน์ฯ. ชวนเพิ่นไปอยู่กาสินนำโลด...
ซวดๆคับ..จังแม่นคักเนาะ
..ให้ได้ กินก้อยนำเด้อวัฒน์ฯ. ชวนเพิ่นไปอยู่กาสินนำโลด...
อ้ายเอ๊ย...
อันสัจจังนางยิ่ง
ไม้ยิงดินกะบ่ท่อ
เผียบคือหมอฮักษาไข้
สิหายได้ส่วงสบาย
ย้านแต่ทางโตอ้าย
ไข้มาตั๋วะนางเบิ่ง
บาดห่าเหิงหายฮ้อน
สิจรจ้อบ่ต่าวหา......เด้น้อ
อ้ายพลครับ ผักกะเดาเจ้าลวกแล้วกินกับหยังกะแซบ วาติ ลองกินกับข้าวลอดซองเบิงดู้หละ 5555555 มันสิแซบบ่อ้าย
เตาะต่อยต้องครกมองครกกระเดื่อง
คั่นเข่าสารบ่เตื้องโรงสีน้อยสิแค่นฮำ
ย้านควายดำตำควายตู้ฮุนลูใส่ควายด่อน
แนวจอนฟอนหมายเกี้ยวใจเดียวแต่งูเห่า
ผุ่บ่าวแวงแฮ่งอยากเว้า ส่วนสาวเจ้าสิหว่าจั่งได๋...น้อ..นางเอ๋ย
***มาเว้านัวหัวหม่วนนำน้องนำหนุ่งซื่อๆดอก
สู้ๆเด้อน้องวัฒน์.อ้ายสิเฝ่าเกิบให่กับสิลักแบกคันใดเฮือนไปเสี่ยง
ส่วนบ่าวก๋าคาม.ทิดจ่อย..สิถ่าหลอยลักซี้นหว่าซั่น***
c06:
น้องสาวเอย...
ย้อนว่าใจเป็นไข้ มองทางได๋กะบ่สร่วง
ถืกสาวลวงหลอกต้ม ระบมซ้ำหม่นหมอง
ได้มาพบนาถน้อง หวังประครองพักใจป่วย
พอได้อ่วยพักใจบ้าง หวังฮ่วมสร้างต่อไป
หากพอเป็นไปได้ สาวคนไคอย่าสิว่า
อ้ายบ่ตั๋วหลอกล้อ ฮักแท้มีแก่นางชั่นแหล่ว...นองสาวเอย
แก้ไขครั้งสุดท้ายโดย วัฒนชัย หาริโร; 18-08-2010 at 23:12.
คันแม่นอ้ายว่าแล้ว
แนวนามขอถามก่อน
ถามไปเถิงบ่อนบ้าน
สถานที่พี่อาศัย
กกไม้ใหญ่อ้ายยุซ้น
มีโกนหรือว่าบ่
หือว่าห่อกาบน้อย
อ้อยซ้อยหมากสิแขวน......น้อจ้า อ้ายวัฒน์(
ขอถามแบบเก่าๆเนาะจ้า อ้ายวัฒน์เผื่อเด็กน้อยสมัยใหม่มาอ่านสิได้ทำความเข้าใจผญาแบบโบราณ โดยการบ่ถามตรงๆ แต่ใช้การเปรียบเทียบ
กกไม้ใหญ่=เฮือนซาน
โกน=โสด.ว่าง
ห่อกาบน้อย=มีแฟนแล้ว
อ้อยซ้อยหมากสิแขวน=มีลูกแล้ว)
น้องสาวเอย...
อ้ายนี้ปอดอ้อยช้อย ปานว่าไผ่กลางกอ
ยังบ่เคยพานพบ ผุสิมาเครียงซ้อน
ปานว่ามอนใบยอด ไผสิมาเครียงคู่
ปานไม้ดู่กลางต้น มอดสิหม่นกะบ่มี
เมียบ่ทันมีซ้อน ลูกชอนบ่มาเกี่ยว
คนมาเทียวข้างอ้าย ยังรอเจ้าอยู่ละนาง...น้องสาวเอย
ขอเอาผญาที่เฮาเคยได้ยินดู๋ๆมาเว้าแหน่เด้อจ้า ได้ยินสมัยเป็นเด็กน้อยแล้ว
..อ้ายเอ๊ย
อย่ามาตีแถลงล่ม
ให้ตกตมคาดลาดหมื่น
อย่ามาตั๋วคาดลาดลื่น
เดือนหกก่อนฟ้า
เดือนห้าก่อนฝนหลาย...อ้ายเอ๊ย
อย่ามาตีแถลงปั้น
คันแทอ้ายบ่แว่
อย่ามาตั๋วให้แหย่แย้
แปวแท้ตันบ่ทัน.......หลายอ้าย
ซวดๆๆๆๆให้น้องวัฒน์กะหญ้านางเด้อจ้า เอ้อยไก่อ่านมาตั้งแต่ข้อความแรกจนหน้าล่าสุดแล้วกะสิติดตามต่อไปเด้อจ้า ม่วนหลายๆ .....
กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)
ตกกะเทินว่าได้กำแขนแล้ว
บ่มีวางให้คนอื่น
มีตั้งแต่สิทื่น
ดึงเจ้าเข้าบ่อนนอน...ดอกหล่าเอย อิอิ
ฮ้ายนี้คิดฮอดน้อง..จ่ายผญามาหา...
..สวัสดีเด้อแฟนฮัก..ผู้ยอดคุณของฮ้าย..
..สุขซำบายบ่นอหล่า..ฮ้ายคิดฮอดขวัญตาผู้ฮูปค่อง..
..หัวใจฮ้ายสี่ห้อง..มอบให้น้องนางหล่า..แม่นผู้เดียว..น้องหล่าเอ๊ย..:l-:l-
Bookmarks