กำลังแสดงผล 1 ถึง 7 จากทั้งหมด 7

หัวข้อ: เถิงหน้าแล้ง

  1. #1
    atirat
    Guest

    เถิงหน้าแล้ง

    ...โอหนอนางเอ๊ย...เถิงหน้าแล้งแห้งเหี้ยวนอหัวใจ
    กะย้อนว่าบ่มีใผใส่ใจคนผู้ฮ้าย..
    อยากอายเด่..คันซิเซไปถามข่าว
    ย้านผู้บ่าวเพิ่นฮู้..ย้านแต่ซู้ต่างบ้าน..ซิไล่ฆ่าพี่ซาย..
    ...หละแม่นว่ามีบ่น้อ..
    มีบ่อสาวในบ้านนี้....บ่มีซู้เฮียงสอง
    บ่ทันมีคู่ครอง..ผู้จองเป็นเจ้า..
    บ้านมหา..ยังมีคนเศร้า...เซ้าแลงอยู่ดายเปล่า..
    มีบ่นอสาวเจ้า..ผู้นั่งเศร้าเหงาคือกัน...นางเอ๊ย...ซั่นดอกหวา...

    "ขี้โก๋น้อยหัดแต่ง..."

  2. #2

    Re: เถิงหน้าแล้ง

    โอ้ยบ้านมหานี่ บ่อมีดอกผู้นั่งเศร้า
    เศร้ากะเศร้าแต่เทือแรก เห็นหน้าหมู่เพินกะเซา
    บ้านมหานี่มีแต่ม่วนโฮแซว มีแต่แนวดีๆ มาเบิงตี้คันบ่อเซือ

    ส่วนสาวโสดมีหลายยุดอก แต่ว่าเพิ่นบ่อเศร้า ให้เจ้าลองคุยเบิ่งเด้อ มีแต่ผู้เป็นตะฮัก
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: เถิงหน้าแล้ง

    มาคือมุ่นอุ้ยปุ้ย ปานปล่อยไก่ลุยสวนผัก
    อันแม่นเป็นผญารัก หรือว่าหยังนอกันแท้
    เห็นแต่แวมาทางพี้ แม่นสาวใด๋ ใจว่างบ้อ
    ขี้โก๋น้อยนี่น้อ ผู้หัวใจว่าง ๆ ให้สาวม่างเบิ่งดู
    คันผู้ได๋รับรู้ มาเด้อตุ้มกันไส่ กระเทยเฒ่ากะเอาได้ บ่ตี๋ซ้ำแม่นบ่อาว
    แม่นผู้สาวกะพอได้ เป็นกระเทยกะไคแน่
    ขอเชิญท่านมาแว่ มารับรักขี้โก๋น้อย พอได้ป้อยบาดเทื่อสูน ตั๊วหล่ะสาว

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  4. #4

    Re: เถิงหน้าแล้ง

    กระเทยเฒ่ากะสิหาให้เพิ่นซั่นบ้อ โอ้ย โพดดอกบ่าวโจโล่
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  5. #5
    atirat
    Guest

    Re: เถิงหน้าแล้ง

    อันว่า..อ้ายบ่าวโจ้โล่เอ้ย...
    อันว่ากะเทยนั้น....กะหากดีอยู่หลายอย่างอยู่ดอก...
    แต่ให้บอกฮักนั้น มันฝืนในใจยู่..ซั้นเด่
    กะอยากเซไปต้องลองของแปลกใหม่...เบิ่งยู้
    แต่กะย้านบ่สู้ซู้เก่าผู้เดิม...ซันแหล้ว..
    คั้นจั่งซั่ง..จั่งซี้สา..ขี้โก๋ว่า..
    บ่าวพอกะเทินพู้นหนา..
    เพิ่นผู้ขาวหล่อล้ำก่ำท่อพระเอกหนัง
    ลองฝากฝังเพิ้นตี้คันดีสินำพร้อม
    สิโสยอมนำก้นให้เพิ่นได้ลองก่อน...ซั่นดอกหว่า..
    คั่นแม่นดีคือบ่าวโจ่โล่ว่า...
    คั่นแม่นดีคือบ่าวพอกะเทินเว้า..
    ขี้โก๋น้อยสิเอานำ...(บ่น่อ)


  6. #6
    atirat
    Guest

    Re: เถิงหน้าแล้ง

    หล่านางเอ่ย..
    เถิงเดือนสี่ลมวี่วอยวอย...
    อ้ายยังคองคอยหาสู่ยามแลงเซ้า...
    คองคอยเจ้าเมิดแล้งใกล้สิผ่าน..
    เจ้าสังมาปรหารหัวใจซายผู้นี่..ปานขี้แล้วย่างเสย..แท้น้อ...

  7. #7
    kuru
    Guest

    Re: เถิงหน้าแล้ง


    อันว่าความฮักนี้สร้างโศกีอยู่ในโลก
    หมดอยู่โจกโหลกฟ้า หั่งบ่ม้มคือความหลง
    หากได้ปลงผญาแจ้ง แปงทางให้เจ้าส่วง
    คือสิล่วงหน้าพุ้น ส่งเจ้าเข้าสวรรค์
    คันเห็นผู้ไคนั้น มันกะซื่นทางหัวอก
    ทางปากเฮากะยอยก ว่าเป็นตาสะออนแท้
    บาดเห็นคนผิวแหล่ คือเบิดปานกะปอมก่า
    ทางปากด่ากะพ่องนั้น ใจสะบั้นบ่สดใส
    ใจผมขอฝากไว้ เป็นจั่งได๋กะตามซ่าง
    ซอยกันหาบกันถาง เว็บซื่อบ้านมหาไว้
    อย่าลืมถิ่มปล่อยไล
    คราวหน้าพุ้น ตัวของผมสิได้ เว่าจ่ายผญาแปง
    อีกทางแต่งบทเสริม ต่อเติมอีสานไว้
    อย่าซะไลลืมบ้าน ลืมตาหวานซู้ผู้เก่า
    สงกรานต์นี้คืนบ้านเฮาหมู่เจ้า มาไหว้พ่อแม่เด้อ พี่น้องเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •