มาฟังนิทาน ก้อม (จักสิเป็นตาหัวบ่ดอก )

[ตุ๊กตาไล่ฝน]

เขาเอิ้น ว่า ไปไถ่ วีซีดี ซั่นตั๊วะ อิอิ ขำตอนจบ นี่ละเนาะ .........

[บ่าวพล]

ฮ่วยๆกะไผชิไปฮู้น้อ เอ๊า เหม็นกะเหม็นชั่น ฮ่าๆๆๆๆ มันชิบ่คักกั่วไฟไหม้รถทัวร์พู้นบ้อ

[maxlinee]

เข้ามาอ่านเบิง เด้อ สิ พิมพ์เรือ่ยๆ

[บ่าวพันธ์คนเดิม]

5555+ซ่างหมั่นพิมพ์น้อเจ้า

[maxlinee]

คึดได้กะพิมพ์หละ

[บ่าวพันธ์คนเดิม]

555+เอาเลยครับ เต็มที่เลยหมอชาญ

[โม้จัง]

นิทานก้อม ขอแจมนำแน


........มื้อนึงยามสวยเติบ .........เฒ่าหมอม้อลาวไปดักนกข่มมาเฮ็ดยา...พอดียางกลายไปทางทุ่งนา..สาวสำน้อยกำลังขี่ควายสวนทางมา...สมมุติซือลาวว่า สาวดาซะเนาะ...........
.......สาวสาวดากะมักกินถั่วขั่วเนาะ ลาวกะขี่ควายสวนทางมาอย่างสบายอารมณ์บ่เห็นคนเนาะ....ลาวกะเผลอตดออกมาอย่างหมดทุกข์หมดโศก "แป๊ด......แปร็ด.." ดังบักยาวเติบ
คนกะตกใจ.....ควายกะตกใจแฮงหลายพากันแลนแตกตื่น....ขี่ดินไงกุ๊บพอปานลมพัดตาบักนุ่น
พอเหตุการณ์สงบลงสาวดาลาวกะหน้าแดงเนาะ โอ้ย...เป็นสาวเป็นแส่มาหลงตดให้คนได้ยิน......ผู้ได้ยินผัดเป็นพ่อผู้บ่าวกะของอีกต่างหาก......ซ้วย..ซ้วย...ซ้วย...อยากอายเด้.......คิดอยู่ในใจ

เฒ่าหมอม้อ "เสียงหยังนางวังนึ่งหั่น"
สาวดา "เสียงลมตั๊วพ่อปู่"
เฒ่าหมอม้อ "เสียงลมควายคือตื่น"
สาวดา "บ่แมนควายมันตื่นพ่อปู่บ้อ"
เฒ่าหมอม้อ "ห้วย ข่อยกะบ่ขี่ฮ้ายจนควายตื่นด้อก คันว่าเสียงลม ลมมันออกมาจากสัย"

สาวดาเพินถูกส่อตอบบ่ได้กะเลยยอมรับออกมาว่า

สาวดา "เสียงลมออกมาจาก.......ออกมาจาก.......จาก...ด ากข่อย" เว้าเป็นตะขี่เดียดเนาะสาวอันนี่
เฒ่าหมอม้อ "ห้วยเจ้าตดใส่หลังควาย..."
สาวดา "อื้อ..."
เฒ่าหมอม้อ "บ่ได้....บ่ได้.....ต้องฟ้าวไปแก้เค็ดสะเดาะเคราะห์อย่างรวจเร็ว....คันบ่ซั่นบ้านเมืองสิล่มจม ฟ้าฝนสิแล้ง เฮากะสิบ่ได้เฮ็ดนากัน"
สาวดา "ห้วยแมนอีหลีบ้อพ่อปู่......แล้วสิแก้เค็ดจั๊งได๋"
เฒ่าหมอม้อ "ห้วยบ่ต้องสงสัยฟ้าวไปผูกควายไว้แล้วกะตามไปเถียงนา ห้ามถามข่อยอีก มีเวลาน้อย ข่อยสิพาแก้เอง." เฒ่าหมอม้อลาวกะซางวาเนาะ
สาวดา "อื้อ..กะฟ้าวนำยุนี่หละ..." พอผูกควายไว้แล้วลาวกะฟ้าวแลนนำก้นไป.

หลังจากนั้นกะพากันสะเดาะเคราะห์อย่างรวจเร็ว........กะบ่ฮู้ด้อกวาเฮ็ดหยังกัน.....หลังจากนั่นกะแยกย้ายกันไปตั้ว........


.......ฮอดยามแลง เฒ่าหมอม้อกะยางเป๋ แอวกะเคล็ด ขาตบตั๊กแตนฟ้าเหลือง แบกคอนแต่ซิงนกขุ่ม นกกะบ่ได้จักโต กำลังสิโงกลับบ้าน "โอ้ย ซ้วย..ซ้วย...ซ้วย "

ได้ยินเสียง "คอก แคก..คอก แคก.." สาวดาขี่ควายดักรออยู่

สาวดา "อ้าว กะสิฟ้าวไปสัยละพ่อปู่....วังนึงหั่นข่อยตดไปอีกตั้งสามเทือ........"

[ตุ๊กตาไล่ฝน]

ซางมาเป็นเนาะ ซือมีตั้งเยอะตั้งแยะก็บ่เอิ้น .. มาตั้งซื่อว่า สาวตุ๊กตา ว่าซั่น

มันกระเทือนถึงกันเด๊ นี่ ..........พอใหญ่ดาวเหนือ

[ตุ๊กตาไล่ฝน]

ฟ้าวมาเปลี่ยนทันใจเลยเนาะ พ่อใหญ่

ข่อยบ่ได้ถือสาดอก ล้อเล่นเฉยๆแหละจ๊า

[บ่าวพล]

มาคือตดหน่ำแท้ละ แอวทันเชาเคล็ดยุแมะถ่าบ่ไหวอิหลี บอกบ่าวพลฯกะดั้ยเด้อ ฮ่าๆๆๆ