หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

หัวข้อ: คึดเบิ่งเด้อ

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    คึดเบิ่งเด้อ

    คึดเบิ่งเด้อ ตั้งแต่กี้ มีฮักฮ่วมความสัมพันธ์
    สมานกันเฮียงฮัก ห่อหอมบ่ยอมม้าง
    พากันโฮมแฮงสร้าง เสริมสาน การยากง่าย
    เมื่อยใจกายหากล่วงม้ม สมแม้งปรารถนา
    เป็นเวลากะหลายถ้วน สมควรที่หมั่นแก่น
    สายสัมพนธ์เกี่ยวแหน่น คือแป้นแผ่นกะยูง
    บ่วาลุงหลานป้า อาวอาน้องสาวบ่าว
    ถามข่าวคราวปากเว้า พอหายเศร้าอุ่นใจ
    ผู้ลำบากยากไฮ้ ก็ถามไถ่สาระพัน
    บ่มีหมายขวางขัณฑ์ กีดกันเสมอเพี้ยง
    ลางทีเพียง ความเว้า อย่าหมายเอามาเป็นใหญ่ พี่เนอ
    ยออภัยแบ่งบ้าง วางถิ่มละถม
    อย่าไปจมกับคำเว้า คนเฮาหากมีพลาด
    ผิดประมาทล่วงพ้น มันหลายล้นดอกเรื่องคน
    เฮาหากหนีบ่พ้น กิจประกอบการงาน
    หากมีพาลพังผิด คิดบ่เถิงกะมีได้
    ขออภัยยะทานตั้ง โมหังให้ลดเลิก
    เปิดใจเบิกให้ฮู่งแจ้ง แสงสะท้อนสิส่องมา พี่แล้ว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    เบิกฟ้าแจ้ง แสงทองส่องสว่าง
    ทางส่องแสงสุริโยทัย สิส่องไปทุกมุมโลก
    หม่องได๋มันสิโศก โลกสิทุกข์ปานได๋
    อาทิตย์ยังหมุนไป ตามครรไลของวันนั้น
    มีทั้งวันและมื่อ เดือนปีที่หมุนเปลี่ยน
    บ่ได้เวียนไหลย้อน คือน้ำกะพองกัน
    ความสัมพันธ์ฮักหมั่น ให้หันมาคือเก่า
    มาคอยออยจาเว้า คือคำเข่าแม่ป้อนมา
    มันแซบหลายแท้หน่า บ่ว่าสิกินหยัง
    ให้พวกเฮารวมพลัง สามัคคีกันเอาไว้
    คนอื่นเขาสิบ่ได้ มาตีไปเป็นเมืองอื่น
    อย่าสุฝืนไปหน้า มาแหมะมาซ่อยกัน



    ขอแจมนำอาจารย์จ้า ตอบถืกบ่อบุ

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ทุกข์ยากไฮ้ เฮาออดอ่อยหากัน
    ความสัมพันธ์ ก่อกำกุมเกี้ยว
    เทียวมาเว้า วอนหาเฮิงฮ่ำ
    ค่ำฮู่งเซ้า เทียวเว้าฝากคำ
    ดำเหลืองแหล้ บ่มีแวเว้นหลีก
    บ่หอนจีกเคิ่งผ้า แพรพื้นแผ่นผืน
    ยังเล่ายืนยังหมั่น หมายดันยู้ส่ง
    เจตจำนงค์ที่แม้ง สมม้วนปรารถนา พี่แล้ว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ต่อแต่นี้ ให้คึดฮ่ำคะนิงจิต แหน่เด้อ
    อย่าได้เผลอคำคิด แค่ไกลเอาใกล้
    อย่สุไลความเว้า ขันเอาแต่ปางก่อน
    อย่าสุหนีบวกข้อน ไปซ้นบ่อนซะเล
    ยามเมือเพพังหล่ม จมหนองกะแสฝั่ง
    ไผสิจั้งจ่องน้าว ซาวคว้าคว่งมือ เป็นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    พื้นพากษ์เว้า ความเก่า ผญากลอน
    ออนซอนสัง สิ่งสิมีมาต้อง
    จาในห้อง เฮือนหลวงอันกว้างเก่า
    ผู้ข้าขอยกเว้า พอฮู้ฮ่อมไป แท้นา
    อันภาคพื้น เพียงบอกระบายจิต พี่เนอ
    บ่หอนเอามาคิดว่าไผ ผิดเพี้ยง
    ขอเผดียงตามข้อ ยอผญาขึ้นมากล่าว
    ให้แก่สาวหนุ่มน้อง บาท้าวใคร่ครวญ
    มีอาจม้วน กรรมก่อไผทำ เป็นแหลว
    หากแต่กรรมบังบด ทดมาแทนซ้ำ
    ทำการสร้าง หากมีผางเหม็นหน่าย พระว่าเด้
    บ่มีไผเที่ยงแท้ หากนำแก้ บ่อนเกิน
    แสนยากเยิ้น เตินหมู่มหาศาล
    อย่าได้พาลเพียรผิด คิดไปโตอ้าง
    ขอจงวางลืมถิ้ม โตกูปละปล่อย
    ถอยมิจฉาทิษฐ์ตั้ง ยังไว้แต่บ่อนควร ท่อนั้นแหลวฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ร่วมถ่ายทอดความรู้สู่สังคม สัญลักษณ์ของ คนเมืองเกิน
    วันที่สมัคร
    Nov 2007
    กระทู้
    70
    ได่อ่านเทือได่ กะบ่เคยผิดหวังจักเทือ

    มักหลายเด้

    จิเอาไปอ่านให้อีเเม่ฟัง เบิ่งคะน้า..

  7. #7
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    ได้ใจจริงจริง....ให้เลยยยยย สุดยอด

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้ายฮัักน้อง ก้ำเกิ่งดวงจิต พี่เด
    บ่ห่อนเอามาคิด แค่คำคนเว้า
    ว่าแต่เฮาเฮียงสร้าง ถางหนา ป่าไม้บาก
    ถากหญ้าคา ด๋าไม้แต้ แปรสร้าง ซ่อยกัน
    ต่อแต่นั้น หากเป็นเรื่อง สองเฮา พี่แหลว
    ปลูกมันแกวแกมบอน กะซ่างชายนำน้อง
    แม่น้ำของบ่เคยตื้น หลัวฟืนบ่เคยห่าง
    แหตาหน่าง บ่เคยถึกปึ่งค้าว สิมาเว้ากะบ่คือ พี่แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161
    ถึงจะแปลไม่ค่อยออก แต่ก็เข้าใจความหมาย โดนใจหลาย พ่อไหย่สานสะที้
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  10. #10
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,024
    บล็อก
    28

    เข้าใจแล้วจ้า

    คือกั๋นจ้า อี๊ทอาจจะปากบ่หวาน เว้าผญาบ่ถึงใจ แต่กะเข้าใจความหมายและความรู้สึกที่อ้ายเลาเว้า อีทคิดว่าอ้ายสิเป็นคนหนึ่งที่ คือความหวังของบ้านเฮาหลังนี้เด้อจ้า

    ปล. สอนอี๊ทเว้าผญาแนเด้อจ้า สิไปเว้าจีบผุบ่าว ซั้นแหล่ว....

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •