หน้าที่ 3 จากทั้งหมด 3 หน้า หน้าแรกหน้าแรก 123
กำลังแสดงผล 21 ถึง 26 จากทั้งหมด 26

หัวข้อ: คึดเบิ่งเด้อ

  1. #21
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อย่าใช้คำว่า เรียน เถาะน้อง ใช้คำว่าเบิ่ง หรือศึกษา ซะเนาะ เพราะอ้ายบ่แม่นครูแมะเนาะ


    อ้ายบ่อาจกล่าวต้าน เป็นอาจารย์ผญาเก่า..ดอกนาง
    เพียงเป็นคนอยากเว้า ผญาต้อย ต่อยกลอน..ซั้นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #22
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    แมนสิทุกข์อยากฮ้าย อย่าสุหน่ายสุแหนง พี่เอ้ย
    อ้ายคำแพงกลับคืนมา กะว่าดีเหลือล้น
    คันได้แนมเห็นส้น คนหลังรุ่นเก่า
    มาพอได้จาเว้า คำเค้าเก่าผญ๋า
    ใช้ปัญญาคิดค้น คำคนจำจือ
    คือเจ้านิบ่มีแล้ว ในภาคพื้นอีสาน
    ฉันทลักษณ์ถูกต้อง เข้าทำนองผญ๋ากาพย์
    และที่ทราบแน่แน่ มีแปลสองมุม
    จนเกิดเป็นจุ้ม ตามหานักปราชณ์
    คนฉลาดอย่างเจ้า สมแล้วแปวป่องเดิม พี่เอ้ย
    สิเติมอีกจักหน่อย น้องน้อยเอิ้นอาจารย์
    บ่แมนได้เอิ้นอาจารย์ ปากหวานจาสื่อๆติ
    ถึงแมนพี่สิบ่รับรู้ กะสิเว้าให้ฟัง
    นางได้บูชาอ้าย คืออาจารย์ใหญ่ผญ๋าเอง
    ก่อนสิได้บรรเลง เขียนกลอนมากล่าวอ้าง
    ก่อนนางนอนทุกมื่อ หลังจากสวดมนต์
    นางได้ขอฮ่มซ่น สี่ท่านอาจารย์ใหญ่
    หนึ่งในคนที่กล่าวต้าน คือศรีสะท้าน พี่เอ้ย



    ๑) สมเด็จพระพุฒาจารย์(โต พรหมรังสี) ๒) ราชกาลที่สาม ๓) ครูกวีกลอนสุนทรภู่ ๔) ปราชณ์อีสาน ศรีสะท้าน

    อย่าให้น้องปึกนำคำเว้าว่าซ้านจ้า
    แก้ไขครั้งสุดท้ายโดย ข้าวต้มมัด; 04-12-2010 at 15:04.

  3. #23
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    156
    จับใจทุกบทครับ อาจารย์ คม ชัด ลึกครับ

  4. #24
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ปรัศนีย์เมธี

    คำสอนชี้เมธีเผิ่นกล่าว เปรียบเบิ่งดาวอยู่ฟ้ายามรุ่งฮุ่งใส
    เหลียวเห็นแสงคือใกล้ แต่ห่างไกลเป็นแสนโยชน์
    โลภโกธรหลงปลงบ่ได้ คนใจมืดปืดบ่เป็น
    บาปบ่ทำกรรมละเว้น คืนเดือนเพ็ญเห็นกระจ่าง
    ยามฟ้าสางสว่างแจ้ง แสงสะท้อนหากอ่อนลง
    อย่าได้หลงยึดหมั่น สาระพันในทุกข์โศก
    โลกกะธรรมนี่บ่แน่ มันแปรปี้นอยู่บ่เซา
    ศิริสูรย์คือบุญเค้า เดือนกับดาวดั่งเทียนส่อง
    ขอบครรลองเป็นที่ตั้ง ยังหวังพึ่งพุทธคุณ
    ถือเป็นบุญหลายล้น เกิดเป็นคนในโลกฮ่วม
    สุขหรือทุกข์ได้อยู่ร่วม ควมเกิดแก่เจ็บตาย
    บ่คะลำสิทำลาย มิตรสหายกะแดดิ้น
    ควมติฉินบ่ผินอ้าง ยอมละวางโอดสะอ่ง
    ทรนงหว่ากูแน่ มันตายแท้กันสู่คน ...พี่น้องเอ้ย

  5. #25
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โสกากลั้นโลกันต์ มหันตเพท
    อุปัตติเหตุฮ่อมฮ้าย ขยายกว้างก่อกวม
    ทะเลหลวงหลั่งถ้วม น้ำฮ่วมกระแสลม
    แผ่นดินจมสะเทือนไหว ลูกไฟควันกุ้ม
    มรสุมฟองคลื่น ผืนนาวาเป็นบ้าป่วง
    คนหลายหลวงล่าวล้ม จมน้ำท่าวตาย
    บ้านเฮือนหายจมหมิ่ง เป็นความจริงแล้วนอพ่อ
    ฮอดพอศอล่วงล้ำ คำพระเจ้ากล่าวทวย
    เถิงหว่างโลกโศกส้วย เนิ้งอ่วยอาวะสาน
    ตกเถิงกาลโลกา ถืกนาวาล้าง
    คนหากบางตายเสี้ยง เหลือเพียงเป็นบางบ่อน
    คำพุทธพยากรณ์ องค์พระพุทธิเจ้า เพิ่นไขเว้าสืบมา นั้นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #26
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    แม่นยุอ้าย อั่น ตอนนี้ ปี ๒๐๑๑ เนาะจ้า ญป.สิไปก่อนหมู่เด้อเบิ่งทรง คั่นแม่นเกาะญป.จม กะพากันอพยบกลับอิสานบ้านเฮาไว่ก่อนโลดเด้อพี่น้อง อย่างน่อยกะเป็นที่ราบสูงปลอดภัยที่สุด ทางเหนือกะยังสิมีแผ่นดินไหวเป็นบางที่ ดีที่สุดทางภาคเฮาเด้อพี่น้องเอ้ย
    ปล. แน่ะ จะแม่นพาน้องหลอนจะของแต่เช้าเนาะอ้ายศรีกะดาย หึยย
    มองต่าง..อย่างปลง

หน้าที่ 3 จากทั้งหมด 3 หน้า หน้าแรกหน้าแรก 123

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •