:*- ธุจ้า ขอบคุณสุภาษิตสอนหญิง + ผญาคำสอนดีๆจ้า ใหญ่ศรี อ่านแล้วกะขัดเกลาจิตใจหรือเตือนสติได้ดีทีเดียว ขอบคุณไก่น้อยนำจ้าที่ส่อยกันทำมาหากินเป็นทีมเลยจ้าสุดยอด
:*- ธุจ้า ขอบคุณสุภาษิตสอนหญิง + ผญาคำสอนดีๆจ้า ใหญ่ศรี อ่านแล้วกะขัดเกลาจิตใจหรือเตือนสติได้ดีทีเดียว ขอบคุณไก่น้อยนำจ้าที่ส่อยกันทำมาหากินเป็นทีมเลยจ้าสุดยอด
"ใจประสงค์สร้างกลางดงกะหว่าถ่ง ใจขี้คร้านกลางบ้านกะหว่าดง"
ขอบคุณครับอาจารย์ศรีสะท้าน
ย่าสอนหลานแล้วปู่สอนหลานนำเด้อครับติดตามมาตลอด
ถ้าเป็นไปได้คือป้าแดงหว่าครับ...นิทานเสียวสวาสดิ์...หนังสือปัญญาปาระมี..
กำพร้าผีน้อย..และอื่นๆที่มี(ผมกะสนใจและกำลังค้นหาเพื่อศึกษาครับ)หลังจากทิ้งมานาน
และห่างไกลมาดนเติบแล้ว:l-:l-:l-
ขอบคุณครับ อาจารย์ศรีฯ อ่านแล้วได้ความฮู้หลายครับ
ขออนุญาตก๊อปปี้ไปเว้าให้พี่น้องไทบ้านฟังต่อนำเด้อ ขอรับ ...
ขออีกหลายๆครับ ผญาคำสอน ผญาภาษิต ของดีมีค่าของอิสานเฮาครับ..
ขอบคุณอีกเทื่อหนึ่ง ขอรับ อาจารย์..
ธุจ้าธุจ้าธุจ้า
บะ คือคักแท่ละ อ้ายทิดสี ผญานิแมมะเอามาแต่ไส เอามาให้อ่านเรื่อยเด้อ ดีครับ
ขอขอบคุณอาจาร์ยศรีสะท้านค่ะ สำหรับสาระดีๆที่ผู้หญิงควรอ่าน และผญ๋าคุณภาพที่ต้องอนุรักษ์ไว้ค่ะ
ข้าวต้มมัดกะว่าสิลงผญ๋าเฮือนสามน้ำสี่ยุค่ะ กำลังศึกษาหาข้อมูลยุค่ะ
ขอบคุณคำสอนดีๆจ้าอ้ายทิด...น้องสิจื่อจำเอาไว้ ใช้ให้เป็นประโยชน์เด้ออ้ายเด้อ....
คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่
ขอบบุญขอบคุญทุกท่านที่ติดตามอ่าน สำหรับวรรณกรรมโบราณที่ท่านกล่าวมา เช่นว่า เสียวสวาด,ปัญญาปาระมี,กำพร้าผีน้อย ฯลฯ ตอนนี้กำลังรวบรวมฮิบโฮมอยู่ ตอนนี้กะได้มาหลายเรื่องแล้ว เป็นต้นว่า กาละเกด,สินไซ,หอมฮู,พระลักพระลาม,มหาวงศ์แตงอ่อน,ปฐมปันนา และก็สุดยอดมหากาพย์แห่งอุษาอาคเนย์ลุ่มแม่น้ำโขง(ท้าวฮู่งท้าวเจือง) ซึ่งต้องพิจารณาถอดความ ปริวรรตภาษาออกมาก่อน เพราะว่าสำเนาต้นฉบับ(หลายๆฉบับ) ยังเป็นเอกสารใบลาน (อักษรธรรมลาว,อักษรลาวเดิม(ไทน้อย))อยู่ ค่อยติดตามต่อไปเด้อข้าน้อย ย่าสอนหลาน บั้นต่อไป..เซิญซั้นแล้วหละ
เพิ่นว่า นานาเซื้อ คนเฮาแฮมโลก
บุญบาป ตกแต่งตั้ง มาให้ต่างกัน
ไผผู้ เฮ็ดเหตุฮ้าย กรรมบาปหนาหนัก
ก็จัก มีเวรเคราะห์ คอบวนเวียนต้อง
ไผผู้ ปองใจเว้น ปาปังหนีบาป
บุญก็ มาเหลื่อมคุ้ม เขาให้อยู่ยืน
อย่าได้ มักเว้าพื้น ขวัญเพิ่นเป็นกะดัด
อย่าได้ เอาโทสา ใส่เขาขมฮ้าย
อย่าได้ เมามัวต้าน เตียนขวัญเขาอื่น
โทษเขา มีท่อก้อย เสินขึ้นท่อโป้มือ
เถิงว่า เขาขี้ฮ้าย ทรามซั่วเสียคน
มันก็ เป็นโทษา โทษทัณฑ์เขาพุ้น
เขาบ่ มีแถมให้ ทึนฮอนเบี้ยกีบ จักสะหน่อย
บุญบ่ ได้ท่อก้อย แถมซ้ำสิบาปเวร
ให้เจ้า โสดาด้วย ความดีอย่าได้ห่าง
อย่าได้ วางปล่อยถิ้ม คุณแก้วแก่นธรรม
อันที่ คำขมเข้ม ผิดเถียงแถลงวาท
คำที่ วิวาทฮ้าย ขายหน้าอย่าจา
ให้เจ้า พากันเว้า ความหวานสัตย์ซื่อ
ถือแต่ ความม่วนแม้ง พุทโธเจ้ากล่าวสอน
ให้เจ้า พากันสร้าง ศีลธรรมทางซอบ
คันเจ้า ได้ลาบก้อย หลานหล้าแบ่งปัน
ยามเมื่อ วันคืนเข้า แลงงายเซ้าค่ำ
ให้ฮีบ หาข้าวน้ำ โฮมพร้อมใส่พา
ให้เจ้า อดสาเลี้ยง ดูกันยามยาก
ยามเมื่อ เจ็บป่วยไข้ ยามเยี่ยมเบิ่งแยง
ให้เจ้า ฮักกันไว้ เสมอไฮ่ฮักแตง
ให้เจ้า แพงกันไว้ เสมอแตงแพงค้าง
อย่าได้ วางกันถิ้ม ยามจนจำจาก
คันเจ้า พรากพี่น้อง เทียวยื้อย่องถาม
ยามเมื่อ พี่พรากน้อง ตกต่างแดนไกล
ยามเมื่อ ไปคนทาง ห่างดินแดนด้าว
ยามเมื่อ เวรหมากพร้าว น้าวหน่วยไปเหนือ
ยามเมื่อ เวรหมากตาล น้าวเครือไปใต้
ยามเมื่อ สายใจหล้า หลานเหลนเหินห่าง กันนั้น
ขอให้ หลานเที่ยวค้ำ ยามเยี่ยมเบิ่งกัน แท้เนอ ฯ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
บ่เสียแรงที่ยกให้เป็นศิลปินเอกวรรณกรรมอิสาน อ้ายศรีเป็นสุดยอดกวี ของขะน้อยตั้งแต่เข้าบ้านมหา จนถึงสุมื้อนี้ บ่เคยผิดหวังกะผลงานอ้ายศรีเลย
ย่องเอาก่อน สงกรานต์เลาสิพาไปสาหนองเถ่าแม่ เทื่อได้กินปลา ทกส .อิอิ
กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)
เบิ่งแยงกันดีดีเด้อหล่าไทเดียวกัน..(ทกส)
แฮ่งเหลืออยู่คนเดียว.."อดสาเลี้ยงบักเฒ่าในเฮือนไว้ไล่ไก่..
อดสาเลี้ยงพ่อใหญ่เอาไว้ฟังนิทาน"..55555..เว้าหยอกเด้ออาจารย์ศรีฯ
หมอลำใหญ่ต้องหยอกแฮงแฮงแหน่จักหน่อย..โดยขะน้อย
ธุจ้า ธุจ้า ธุจ้า ขอขอบคุณค่ะ อ่านแล้วกะได้คำสอนไปนำ
บางวรรคบางตอนกะเคยได้ยินยุค่ะ
ยามเมื่อ วันคืนเข้า แลงงายเซ้าค่ำ
ให้ฮีบ หาข้าวน้ำ โฮมพร้อมใส่พา
เคยได้ยินยายเผิ่นเว้าค่ะ
Bookmarks