สุดยอดเลยจ้า อาจารย์ศรีสะท้าน มวนดี มีความฮู้ เพิมขึ้นไปอีก อ่านแล้วเห็นภาพเลยจ้า
สุดยอดเลยจ้า อาจารย์ศรีสะท้าน มวนดี มีความฮู้ เพิมขึ้นไปอีก อ่านแล้วเห็นภาพเลยจ้า
-ต่อจากบั้นที่แล้ว-
ลางเทื่อ อ้ายพรากน้อง เหินห่างแดนไกล
ย้อนว่า เวรลมพัด เคราะห์กรรมดึงน้าว
ขอให้ มีสาร์นเส้น เขียนสาร์นต้านกล่าว
แม่นว่า ดีและฮ้าย เย็นฮ้อนให้ข่าวสาร
อย่าได้ ไลละถิ้ม วางเวรปะปล่อย
ซาติที่ แนวพี่น้อง เย็นฮ้อนให้เบิ่งกัน
อันหนึ่ง คันได้กินซี้น ให้เจ้าฝากนำกา
คันได้ กินปลาให้ ฝากนำหมู่แฮ้ง
คันเจ้า มีของแห้ง นำลมให้เจ้าแกว่ง มาเนอ
ไผผู้ คองอยู่บ้าน เห็นแล้วสิซื่นใจ
ยามเมื่อ หลานจากบ้าน ไปไฮ่เจ็บขา ก็ดี
ยามเมื่อ หลานไปนา นอกเฮือนเจ็บท้อง ก็ดี
คันบ่ มียาแก้ ไหว้หาผู้บังเกิด
พ่อแม่ ยอใส่เกล้า สิหายเสี้ยงส่วงเซา
คันเจ้า เข้าป่าแฝก ย้านหมู่งูสา ก็ดี
คันเจ้า เข้าป่าคา ย้านงูเหลือมอ้อ ก็ดี
ให้เจ้า ยอมือไหว้ พุทธคุณแก้วแก่น
ฝูงหมู่ งูงอดเงี้ยว ซิกลัวย้านแล่นหนี
คันว่า กลัวเกรงย้าน ผีสางหลอนหลอก
ให้เจ้า จิตต่อตั้ง คุณแก้วหมั่นคะนึง แท้เนอ ฯ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
อั่นอื่นพอเฮ้ดได่ใหญ่นำอยู่ดอกเด้ออ้าย อั่นสุดท้ายนิแหล่ว ย่านผีหลอกนิแหล่ว มันสิตายหลายจ้า
ปล. สิส่งปลาทูไปให้ดอกเด้อ ถ่าอยู่ท่าน้ำเด้ออ้าย คั่นเห็นปลาทูว่ายน้ำไปล่ะแม่นน้องนิล่ะส่งไปให้จ้า
แก้ไขครั้งสุดท้ายโดย sompoi; 19-03-2011 at 06:37.
มองต่าง..อย่างปลง
ดีหลานคับเอาคอสอนคนโบราณมาสอนรุ่นต่อไป
Bookmarks