กำลังแสดงผล 1 ถึง 9 จากทั้งหมด 9

หัวข้อ: ...................มาเก็บดาวอีกแล้ว.......................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...................มาเก็บดาวอีกแล้ว.......................


    อยากสิเก็บดาวเหมิดฟ้า เอาเวหาเป็นกระดาษ วาดหัวใจของอ้าย แล้วเขียนไว้ว่าฮักเธฮ
    อิหลีเด้อความฮักอ้าย บ่มีหยังมาเทียบท่อ สิเปลี่ยนไปกี่พอศอ กะยังขอฮักเจ้า บ่เซาแท้แน่นอน
    ใจอาวรณ์แต่นำน้อง หันใจเข้าคิดฮอดเผิ่น นอนย่างเดินนั่งเว้า กะมีเจ้าอยู่สู่ยาม
    อยากบอกสามคำนี้ "ฉันรักเธอ" อยู่บ่เบื่อ ฮักเอาเหลือเด้อน้องเจ้า กะเลยเว้าสู่ฟัง
    ไผว่าหยังบ่สนแหล่ว ไผสิแซวกะตามซ่าง ขอฮ่วมทางเดียวกับเจ้า ไผสิเว้ากะบ่สน
    ดวงกมลของอ้าย แม่นจนใจสิได้ฮ่วมบ่น้อ ย่านแต่ทางคุณพ่อ กับว่าที่แม่เฒ่า เผิ่นสิเว้าว่า บ่เอาท่อนแหลว

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,745

    Re: ...................มาเก็บดาวอีกแล้ว.......................

    คั่นได่ฮักแล่ว มาสิสนใจคําแซวของซาวบ้าน ไผ๋เว้าพื้นกะตามซ่าง

    เฮาสองฮักกัน อุปสรรคอันใด๋กะสิฝ่าฟัน สิด่นหรือสิซ้าคั่นแม่นคู่แล่วนางกะสิรอ

    วาแต่โตทางอ้ายอยูไกลนาง อย่าสิมีใจเป็นสอง อย่าไปหลงคาลมสาวบ้านอื่น

    เห็นเผิ่นผุงามกว่านาง ห้ามบักหน่วยใจอย่าสุโลเล หมั่นเตื้องในฮักเฮา ต่าวคืนบ้าน


    เอาสาวขี้ฮ้าย ไปต้อนอิแม่เจ่า ...ซั่นแหลว... เขียนตามลมแล้ง เฒ่า..



  3. #3
    atirat
    Guest

    Re: ...................มาเก็บดาวอีกแล้ว.......................

    ขอน้ำแข็งแน่ ...สิเอามาใส่ตา...ตาข่อยฮ้อนแล้ว...

  4. #4
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    Re: ...................มาเก็บดาวอีกแล้ว.......................


    ...แนมดาวเดือนอยู่เทิงฟ้า คือสายตาอ้ายวาดใส่
    คล้ายอ้ายเขียนความนัย เขียนให้ใจได้อ่านพ้อม ต้อมคำเว่าเข้าใส่กัน
    คำที่อ้ายเขียนไว้นั้น "ฉันรักเธอ" จริงหรือบ่
    เทียวนำอ่านอยู่จ่อล่อ คิดแต่นำความเว่า "ข่อยฮักเจ้า" แม่นอีหลี

    อยากเขียนบอกอ้ายนั้น บ่ต่างกันดอกใจอุ่น
    คันแม่นได้ย่างเคียงคุณ ได้ฮ่วมเฮียงเคียงกับอ้าย สิตายทิ่ม กะบ่สน
    ใจดั้นด้นตามหาเจ้า ผู้ที่เฮาเคยฝันหา
    คันแม่นบุญผลา ให้อ้ายเคียงคู่กับน้อง บุญคองก้ำ ให้ต่าวมา
    นางถ่าอ้ายอยู่เด้อจ้า รอเวลาอ้ายมาขอ
    เชื่อใจได้เลยแม่พ่อ คันคึดต่อยอขันแก้ว ขันหมากพ้อม แม่นว่าสม เด๊ชายเอ้ยยย...



    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  5. #5
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    Re: ...................มาเก็บดาวอีกแล้ว.......................

    ได้นำอ่านผญาอ้าย ความจาคือหวานหลาย ซ่างคมคายคำเว้าเผิ่น
    เคยบ่น้อสาวเมิน หรือยามเดินนั่งเว้า มีผู้เฝ้าอยู่สู่ยาม
    ขอติดตามผลงานพี่ หากว่าโอกาสมี ขอให้น้องเว้านำแน่
    คนผู้นี้ชื่อแพร อยู่เมืองพลเด้ออ้าย หวังชายร่วมค่อยจา
    คำผญาของน้อง บ่คมคายได้เว้าต่อ ซ่ำนั่งกินบักส้มมอ
    บ่หวานคอบัดนั่งหย่ำ หวานสิล้ำบาดเทื่อลุน หวานละมุนตอนกินน้ำ
    ตามลงคอจั่งสิซ่วง ประสพการณ์สิตักตวง คันแม่นเว้ากับอ้าย
    หวังชายแก้เฝ้าแนะนำ ทิดคำศรีอีกซ้ำ เป็นผู้ใหญ่ทรงเมตตา
    หากวาจาของนาง บ่ลื่นไหลในความเว้า ฝากแน่เด้อหมู่เจ้า
    มาเว้าจาคำต่อแน่ ผิดหม่องได๋กะซ่อยแก้ ให้แพรร่วมจ่ายผญา แน่เด้อ อ้ายเอ๊ย......... 8) 8) 8)

  6. #6
    ฅนเมืองชน
    Guest

    Re: ...................มาเก็บดาวอีกแล้ว.......................

    น้องแพรเอย อ้ายบ่ได้ตีแถลงเว้า เอาเลามาจักตอก บ่แม่นเซื้อซาติอ้อยกินแล่วพลันบ่หวาน
    อยู่เมืองพลบ่ ข่อยอยู่ชนบท ดีใจหลายพ่อคนบ้านเดียวกัน โอ้วซึ้งงงงงง

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ...................มาเก็บดาวอีกแล้ว.......................

    ป้าดดดด...มีแต่ผุแต่งเก่งๆแท่ะ งึด ข่อยไปเฮ็ดหยังอยู่ไส เสียดายแต่เกิดเป็นลูกอิสาน พ่อแม่พี่น้อง เสียดายชาติเกิด สิตายทิ่มซือๆ เหลือใจเจ้าของแต่งบ่เป็นนำเพิ่น..โอ้ยย เฒ่ามาเพิ่งเอาเด้อ เสี่ยวเจ้าฮ่ะน่ะ.. กร้ากกกกก.....
    มองต่าง..อย่างปลง

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ...................มาเก็บดาวอีกแล้ว.......................



    อ้ายกะมีซ่ำเห็นหล่ะหล่า บ่มีวาสนาเห็นเงินล้านนำหมู่ ความเว้าอ้ายกะบ่หรู ยามฟังดูกะบ่เทห์
    ทรงเสนห์กะบ่เป็น สิ่งที่เห็นจากอ้าย คือฮักเจ้าเหลือหลาย อันนี้อ้ายมีให้อยู่ บอกไว้ก่อนโฉมตรู
    หม่องได๋บู๋สิเบิ่งได้ ดาราอ้ายกะบ่คือ เป็นคนหน้าซื่อ ๆ หน้าบ่คือพระเอกใหญ่ แต่ว่าทางหัวใจ
    นั้นรักจริงแท้ ๆ บ่ยอมแพ้เผิ่นผู้มี เหมิดทั้งตัวอ้ายนี้ มีออ้มแขนที่ว่างเปล่า พอใช้กอดแก้หนาว
    หากเจ้าเห็นคุณค่า สิกอดหล่าแม่นผู้เดียว วงแขนเกี้ยวบ่หอมกลุ่น ซ่ำนายทุนผู้รวยใหญ่
    ความอบอุ่นภายใน อ้ายรับรองแน่ ๆ แบแขนถ้าอยู่สู่ยาม ถ้าคนงามบ่สนอ้าย บอกมาจากใจชาย
    ว่าอ้ายพร้อมสิเคียงคู่ แม้เป็นคนบ่หรู ยามมองดูซอมซ่อ ขอฮักเจ้าแต่ผู้เดียว

    ผญา.........มันพาไปเด้อหล่า อย่าสุไปคิดจริงจังนำเด้อหล่ะ................แนวมันอยากเขียนเนาะ


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  9. #9
    atirat
    Guest

    Re: ...................มาเก็บดาวอีกแล้ว.......................

    ปาดถิโถปาดถิทัง พอได้ฟังผญาจ่าย
    เจ้าผู้แก้มป่ายล่าย เจ้าผู้แก้มปู่หลู่เจ้าผู้แก้มปุ่ยลุ่ย มาคุยได่ให่ม่วนหู
    ข่อยคือควายบักตู้ สู้เพิ่นบ่มีไหว เขาบ่ใหญ่แหลมคม ซิดโพนบ่ทันได่
    เจ้าผู้สาวบ้านใต้เมืองพล บ้านไผ่ คันแม่นเป็นได่ ขอให้ซอยสอน
    สาวงามงอนแก้มแดงพู้น ภาษาเสียงเพิ่นกะม่วน
    ข่อยนี่พออยากซ่วนซวนไว้ ให่เป็นครู......
    บ่าวโจ้โล่รอบรู้..ฮู้ทุกอย่างที่เป็นกลอน
    ข่อยกะอยากวิงวอน ให่ซ่อยสอนแน่เด้ออ้าย
    เจ้ากะอย่าเป็นฮ้าย เด้ออ้ายใหญ่ทิดคำศรี
    คันวาทีบ่ดีกะซ่อยตี๋ไปนำพร้อม
    เทิงผญายาวผญาก้อม น้อมรับฟังเบิดทุกอย่าง
    คันบ่ดีให่ซอยม้าง สิใด้สร้างอันใหม่งาม


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •