หน้าที่ 2 จากทั้งหมด 2 หน้า หน้าแรกหน้าแรก 12
กำลังแสดงผล 11 ถึง 19 จากทั้งหมด 19

หัวข้อ: ............... อ้ายทิดศรี ลำให้แน่........อำลารักลวง เด้อ...........

  1. #11
    atirat
    Guest

    Re: ............... อ้ายทิดศรี ลำให้แน่........อำลารักลวง เด้อ...........

    เห็นเจ้าเฮ็ด..กะเลยลองต่อเป็นเนื้อร้องเบิ่ง..เป็นตาคือบ่อ้าย

    (ร้อง)..........โอ้หนอใจนี่กระไรช่างเป็นได้ แอบมักแป๋ตายก็เพียงได้แค่มอง ไม่อาจมาร่วมฮ่วมสองขอได้แค่มองแม้ซ้ำระกำใจ
    ผู้ได๋สิเป็นคือข่อย เงินทองแหวนสร้อยกะบ่มีพอแดง ได่แต่หลงมักคำแพง ได่แต่หวังลมลมแล้งแล้ง
    ย้อนกำแพงยังกั้นหว่างกลาง คนจนก็ต้องทนฝืนสู้ ได้แอบฮักโฉมตรูก็เป็นวาสนา ถึงจำเจ็บปวดซ้ำอุรา ก็ให้มันเจ็บไปจนมันชา ก็วาสนาเราต้อยเพียงดิน
    (ลำ)......... ใจถวิลเพ้อนำเธอเซ้าค่ำ ใจถวิลเพ้อนำเธอเซ้าค่ำ ย้อนถลำไปแล้วดึงไว้กะบ่ฟัง
    บ่หยุดยั้งความมักที่ปักใจแม่นสิเจ็บปานได๋ หัวใจกะยังเพ้อ ขอเจอจ้องแอบมองได้แน่ แม่นบ่ได้ฮักแท้ขอได้แค่คุย ..........

  2. #12
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ............... อ้ายทิดศรี ลำให้แน่........อำลารักลวง เด้อ...........


    ท่านขี้โก๋น้อย จักแม่นแต่งกลอนลำม่วน ผมสิเอิ้น ฮันนี่ ศรีอิสาน ไปขอคำปรึกษานำเด้อ ท่านเด้อ จักแม่นแต่งดีฮ้าย

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  3. #13
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @พอเมื่อสูรย์แสงเศร่าสุริโยคล้อยค่ำ จิตถลำตื่มตั้งภวังค์เวิ้งหวี่วอน
    พั้วดอกซ้อนเคยซมซื่นเสนหา หลุดหักลาลืมไลบ่อป่งใบบานบ้าง
    มายมวลม้างศรีสะอางกุ้มกลิ่น ตกใส่ดินด่านด้าวพะไทท้าวทุกข์ทม
    ลาจากม้มหมางมาดมายหนี บ่ออาจเขียวขจรจีสู่ซายซมซ้อน
    หรือว่าหนอนเบียนบ้งกินองค์กัดง่า ดวงมาลาจั่งหล่นล้มลาฮ้างห่างใบ ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #14
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @ ฮักบ่อได้อยู่ซ้อนซอนคู่สิเนหา เจ้ามาลาลืมไลจากไกลเกินกว้าง
    เจ็บในทรวงทนแท้สังมาแปรปั้นเปลี่ยน มาคือเกียนแก่ล้อบ่องอโค้งคอบคืน
    อ้ายนั่งไห่สะอื้นอุกอั่งมะโนหนาว เจ็บปานตาวคมฟันฟั่นเฟือนกระเทือนทื้น
    ยามกลางคืนคะนิงน้อยนงนางลุกเนานั่ง บ่อสมหวังวาทเว้าเจ้าลาล้างเล่าลวง ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #15
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อ้ายศรีจ๋าสองกลอนสุดท้าย ผญาอ้ายมิกมักคัก..อ้ายเอ้ย
    อ่านแล่วล่วงเลยเผยเห็นมโนเศร่า พร้อมควมหมายนั่นเล่า เหน่ากินใจเหลือเกิน
    คำกะงาม อรรถรสกะเริ่ด ซ่างบรรเจิดในใจน้อง แท้เด้อ้าย..:d

  6. #16
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ ส้มป่อย
    อ้ายศรีจ๋าสองกลอนสุดท้าย ผญาอ้ายมิกมักคัก..อ้ายเอ้ย
    อ่านแล่วล่วงเลยเผยเห็นมโนเศร่า พร้อมควมหมายนั่นเล่า เหน่ากินใจเหลือเกิน
    คำกะงาม อรรถรสกะเริ่ด ซ่างบรรเจิดในใจน้อง แท้เด้อ้าย..:d
    @ ส้มป่อยนี้มาหวานศรีสัพพะยอก ส้มแต่นอกหน่วยตั้งทางในหั่งว่าหวาน
    สิบน้ำตาลพันอ้อยออยมาก็มีมาก บ่อคิดอยากดั่งส่มสมสิอ้างหว่างใจ
    เป็นตาปลูกน้องไว้มะโนนอบในสวน ที่สมควรพระทัยบาให้เบ่งบานเป็นบุญบ้าง
    ย้านแต่ทางผลาอ้ายภายสวนบ่อสมส่วน ย้านพระอวนล่ายล้มไปนำม้มผู้อืนเขา นั้นแหลว ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  7. #17
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    สินั่งคองใจอ้ายบ่อปะหน่ายหนีห่าง ขอเพียงใจอ้ายว่างสิเคียงข้างคอยคู่

    ย่านแต่มีผู้นำซ้อนนอนอยู่ข้างอ้าย น้องสิอยู่หม่องได๋ของหน่วยใจเพิ่นน้อ

    ซ่างบ่อมาพบพ้อตอนอ้ายแต่เป็นบ่าว คือสิมันคือบักพ้าวคือสิห่าวคืองัวน้อย..น้ออ้าย..

  8. #18
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @ มาบัดนี้ ฟังก่อนส้มป่อยน้องเจ้ามาว่าให้ชายลำ
    อ้ายสิทำสันใดสิถืกใจนางน้อง เลยสิลองมาแก้แสกลอนบัดมันม่วน
    คันบ่อควรถืกต้องขอน้องจ่งอภัย
    แล้วบัดสิได้ลำต่อยอกลอน เป็นสุนทรวาจาส่งมาทางพี้
    ศรีสิยอเอาบั้นอัศจรรย์ความฮักโศรก เด้อหล่ะนาง โลกาโลกมนุษย์นี้พระธรรมซี้กล่าวไข
    อันว่าฮักแล้วบ่อได้มันแสนทุกข์ทรมาน คือน้ำตาลกลายขมสิเน่าโนมในเนื้อ
    ใจอยากเฝือแฝงฝั่นไผมันกะตามซ่าง ฮักแล้วมาต่าวม้างมะโนม้อยหน่ายหมาง
    ในดวงจิตเกิดอ้างว้างบ่อสมหว่างที่ใจฝัน คำเอ้ย ซ้ำเล่าเลยไลหนีฝากวจีความเว้า
    แสนสิทรมานเศร่าเหงาระทมจมจุ่ม ความฮักมาแล่นกู้มสุมเข่าหว่างใจ
    คันแม่นมักบ่อได้กะขอแต่เพียงความฝัน ค่อยพบกันในนภาวาสนาบ่อเถิงเจ้า
    จำเลยยอมทนเศร่าเหงาใจกะตามซ่าง พ้อกันแค่เคิ่งทาง ไปดีเด้อสุดที่รักของอีน้อง อย่าหมองเศร่า แม่นนเก่าหมองงงง ไสฮองๆ เออหล่ะน่า....ฯฯฯ


    ....ได้บ่อนางส่ำนี้ อิ อิ อิ แต่งให้สั้นๆ ก่อนน้อ หล่า.... อย่าอินหลายเด้อ เดี๋ยวน้ำตาหล่นบนหย้าจอด๋ายยย เหอะ ๆ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #19
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    โอ้ยย อ้าย ฟังลำบ่เป๊นนน..แต่ว่ากระชากน้ามตาเป็นตะหน่ายคัก..กาซิกๆ..คิกๆ..
    ปล... จะแม่นเพิ่นคักเนาะ.มีหยังอิกบ่ในโจกโหลกฟ้านิ ที่(อ้าย)ศรีเฮ็ดบ่เป็น...

หน้าที่ 2 จากทั้งหมด 2 หน้า หน้าแรกหน้าแรก 12

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •