........................... เว้านำกันแน่เด้อจ้า....................

[น้องแพรจ้า]

หากน้องคือน้ำในส่าง จักมื้อได๋อ้ายสิวาง เอาคุน้อยมาตักแน่
หรือบ่เคยคิดแว่ เปิดแต่น้ำประปาใช้ ให้ไหลทิ่มเผิ่นบ่สน
มาจนใจหลายเด่ น้องเป็นหญิงต้องนิ่งไส่ ถึงว่าสิมีใจ ปราถนาอยากเว้า กะคอยเจ้านั้นกล่าวจา
ยามได๋ย่างกายหน้า อย่าวางท่าโพดคักหลาย เจ้าสิขายบ่คำทัก หรือลักอายคนทางนี้
เว้านำกันแน่เด้อพี่ เผยท่าทีเว้านำแน่ อย่าให้สิ่งตาแล อ้ายบ่แวทักเว้า มันสิเศร้าอยู่หว่างใจ
เป็นจั่งได๋พั้วดอกซ้อน กะขอซอนนำตั้นไผ่แน่เด้อ อยากเว้านำอยู่เสมอ
ถึงบ่เจอพบหน้า ยังคองถ้าอยู่บ่เซา ขอเพียงคำกล่าวเว้า
มาพูดจา ปราศรัยแน่ ถ้าอ้ายบ่แยแส ขอรอยยิ้ม น้อย น้อย สิหลอยยิ้มกะชื่นใจ เด้ออ้าย

[sompoi]

อื้อหือ 8) 8) คั่นมีรางวัล อนุรักษ์ศิลปวัฒณธรรม สำหรับคนรุ่นใหม่นิ เอื้อยส้มป่อยยกให่น้องแพรไปเล้ย.. ว่าแต่ขอยืมไปจีบผุบ่าวแน่ะหนาน้องหล่า.. .อิอิ++

[บ่าวโจ่โล่]

ถ้าน้องคือน้ำส่าง สิเอาสายยางลงจุ่ม สิรุมดูดเหมิดมื้อ สิฮื้อส่างมาเฮ็ดเฮือน
สิหลายเดือน หลายมื้อข้าวบ่กินกะตามซ่าง ว่าแต่นางนาถน้อง ได้มาข้องอยู่นำ
ไผใจดำแท้น้อหล่า บ่เว้าจาเว้าออ่ย แม่นตาบอดออ้ยต้อย พุ้นบ้อหล่าเผิ่นบ่เห็น
หากตะเว็นยังคู่ฟ้า หากนภายังมีเมฆ หากว่าเสกมนต์ได้ สิให้เจ้าเป็นคู่เฮียง
เว้าลำเลียงไปดอกหล้า อ้ายบ่มีปัญญา สิพาเจ้ามาเทียบคู่ เด้อแพรเด้อ
ย่อนว่ามีผู้เสนอ ฝากหัวใจอ้ายไว้แล้ว สิกินแห้วคู่สู่คน
ดวงกมลของอ้าย หากว่าเห็นมีความหมาย เป็นพี่ชายน้องได้บ่
อ้ายกะได้อยู่น้อ ขอเป็นพี่เป็นน้อง สิจองไว้เป็นหมู่กัน.........ตั๊วหล่ะน้อง

.....ไปบ่เป็นเอาโลด เจ้าของกะดายเนาะครับ............ฮ่า ๆ ๆ ...อ้ายทิดศรี ไปไสน่อมาซ่อยกันเว้าสาวแน่

[manu7]

เดียวสิแลนไปตักคนแรกเลยเด้อสาวแพรเด้อ