....................... พาไปเบิ่งญี่ปุ่นจักหน่อยเด้อครับ .......................

[บ่าวโจ่โล่]

พอดีมีโอกาส ลักไปญี่ปุ่นช่วงเวลาสั้น ๆ กะเลยเอาภาพมาฝาก อ้ายน้อง ชวนสาวไก่น้อยไปนำ พอดีเผิ่นนัดบ่าวทหารไว้ทางภาคใต้ เลาเลยหนีไปเบตง ฮ่า ๆ ๆ
ช่วงไปทำงาน กะเลยได้ภาพมาฝากท่านทั้งหลาย เล็ก ๆ น้อย ๆ เนาะครับ ขอบคุณข้อมูล จากบางท่าน แห่งบ้านมหานำเนาะครับ สำหรับการแวะเดินทางในครั้งนี้
ไปช่วงก่อนสงกรานต์ บ่กี่มื้อดอกครับ ยากเวียกเลยบ่ได้โพสให้เบิ่งจักเทื่อ

เป็นเวิ้งทะเลสาบเล็กๆ แห่งหนึ่ง จากอีกหลายแห่งในบริเวณแถบนี้ ใกล้กับภูเขาฟูจิ มีชื่อเรียกว่า kawakuji lake.(kawa=แม่น้ำ) (kuji=ปาก) (lake=ทะเลสาป)

นี่คือสิ่งที่ไผ ๆ ไปญี่ปุ่นกะอยากไปเบิ่งเนาะครับ ดอกซากุระ

ดอกซากุระเป็นดอกไม้ประจำชาติของญป ผลิบานทุกปีในช่วงเดือนเมษายน แล้วจะหลุดร่วงไปในเวลาอันรวดเร็วประมาณหนึ่ง-สองอาทิตย์ ซึ่งจะผลิดอกขึ้นมาใหม่ในปีต่อไป

สถานที่ศักการะบูชา องค์พระอันศักดิ์ที่วัดในเมืองเก่าของญี่ปุ่น ชื่อเมืองคามาคุระ...(diabutsu หมายถึง องค์พระใหญ่ ซึ่งหมายถึง พระพุท์เจ้า นั่นเอง)

องค์พระใหญ่ ที่เรียกว่า..daibutsu..

ขนมแบบดั้งเดิมของญป ในร้านขายของฝาก ที่เมืองคามาคุระ ซึ่งทำเป็นรูปองค์พระdaibutsu ที่เลื่องชื่อ..ชื่ออะไรบ้าง คุณท่าน กะบ่ได้บอกเนาะครับ ย่านเฮาซื้อกินหลายโพด

โคมไฟประดับแบบเก่าแก่ตามข้างทาง ตอนงานเทศกาลต่างๆ..(หน้าที่ผมไป เป็นช่วงเทศกาลฮานามิ คือ เทศกาลดอกซากุระครับ)

จั่งสิมาโพส เพิ่มเติมให้เบิ่งอีกเนาะครับ ส่วนของกรุงโตเกียว แล้วกะย่านดัง กลางกรุงชินจูกุ ขอขอบคุณสำหรับพื้นที่ ที่ให้โพสเนาะครับ

[สาวธาตุเชิงชุม]

8) 8) 8) งามหลายเอาไปดอกหนึ่ง 8)

[ตะวันนา]

...เป็นตาไปเที่ยวนำเพิ่นเนาะ...ดอกซากุระ..จั่งแม่นงามหลาย.... 8) 8)
............อยู่ทางนี้กะได้เบิ่งแต่ดอกสะแบง นั่นล่ะอ้ายเอ๊ย..........

[sompoi]

ไสคื้อบ่มี้รูปเจ้าแน่ะบ่าว?อยากเห็นรูปเจ้าถ่ายกับซากุระแหม่ะ คิกๆๆ..

[ไม่สวยแต่เร้าใจ]

โฮๆ ดอกซากุระงามน้อ อยู่นี่บ่มีเบิ่งดอกแอปเปิ้ลแทน

[ตรี ศรีเมืองใหม่]

...เป็นตาไปเที่ยวนำเพิ่นเนาะ...ดอกซากุระ..จั่งแม่นงามหลาย.... 8) 8)
............อยู่ทางนี้กะได้เบิ่งแต่ดอกสะแบง นั่นล่ะอ้ายเอ๊ย..........

มาทางนี้กะได้น้อง...อ้ายสิพาไปเบิ่งดอกมันปลา...มีหน้าแล้งคือกัน

[ไก่น้อย]

ป้าดดด บ่พ้อ 2-3 มื้อเพิ่นหละหลอยหนีไปเมืองอิปุ่น...บ่บอกกันเลยน้อ..บัดยามถามผั่นวาสิไปเก็บเห็ดทางอุบล พะนะ ย้านตะไปนำ เหอ เหอ
ไคยุดอกมีแนวมาฝากนำ..งามหลายซากุระ หอมคือดอกมันปลาบ้านเฮาบ่น้ออ้ายทิดเซียง....

[พงศ์น้อย ส กสิน]

ิอาลิกาโต่ะ อิอิ งามหลายท่าน อยากไปหลาย

[บ่าวโจ่โล่]

อันเอื้อยกับน้องเมืองไทยกาฬสิน จักแม่นแล่นนำกันดีคักเนาะ.................บัดลุนสิแล่นไปถ่ายดอกสะแบง กับดอกมันปา มาต้อนพี่น้องดอกคันว่าซั้นเนาะ

[พอกะเทิน]

มักรูปโคมไฟ งามเนาะ