กำลังแสดงผล 1 ถึง 10 จากทั้งหมด 10

หัวข้อ: อ้ายเตรียมใจ...ไว้ถ่าแล้ว

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    อ้ายเตรียมใจ...ไว้ถ่าแล้ว

    อ้ายเตรียมใจ...ไว้ถ่าแล้ว

    น้องสาวเอย...หากว่าใจของเธอนั้น บ่มีกันคือมือเก่า

    หรืออยากเชาจากฮักอ้าย บอกมาได้บ่ว่าหยัง

    ถึงฮักพังยังมีค่า กว่าสิพาเจ้าเดินต่อ

    แบบบ่พอใจฮักแล้ว คันแนวนี้อ้ายบ่ไหว

    เจ็บปานได๋สิทนสู้ เคยหวังคู่แค่ความหลัง

    มันอาจยังบ่เลือนหาย อาจวันตายบ่ลืมเจ้า

    เหลือเพียงเงาความคึดฮอด ความฮักจอดฮอดตอนจบ

    หากเธอพบหนทางดี อ้ายกะมีแต่ใจช่วย

    ไปได้สวยเด้อนางหล่า เบิดปัญญาอ้ายดึงต่อ

    บ่ต้องขอร้องดอกเจ้า อ้ายพอเข้าใจยุเด้อ...น้องสาวเอย

  2. #2
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    สังมาสงสารอ้าย ....จ่ายผญาเข้ามากล่าว
    มีแต่ความปวดร้าว ...เน่านวมเนื้ออยู่บ่เซา
    เพิ่นบ่คึดพ้อฮักแต่เค้า เอาความเหงามาซ้ำตื่ม
    ลืมกะลืมบ่ได้ ฮักต่อไปกะอุ่กเอ้าอั่งกะใจ...เนาะอ้าย

    ผญาม่วนค่ะ

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ม่วนและก็ซึ้งมากๆเลยจ้าหลานวัฒจ๋าสุดยอดเลย



    อ้ายเอ้ย ส่วนในใจของน้องนั่น บอมีวันสิแหนงหน่าย
    มีใจเดียวคือฮักอ้าย ชายได๋นั่นน้องบอแคร์
    อ้ายคนเดียวน้องฮักแท้ จนเฒ่าแก่ไปนำกัน
    สิบอผันเปลี่ยนใจ ฮักอ้ายหลายอีหลีแท้
    บอเหลียวแลไผ๋ดอกอ้าย แมนซายได๋สิดีเด่น
    สิขอเป็นคนฮักอ้าย จนวายสิ้นกะบอแหนง อ้ายเอ้ย

  4. #4
    Banned

    วันที่สมัคร
    Oct 2010
    กระทู้
    757
    บล็อก
    4
    อ้ายเอ้ย....อย่ามาติแถลงเว้าเอาดีใส่แต่โต
    ผุสาวมียุโจ้โก้อ้ายไปโม้โทรหาสาว
    ส่งข้อความไปเล่าเรื่องราวหาเขานั่น
    ไผซิทนทั่นได่ไปไล่จีบเมียเขา
    ผัวมีอยู่บ่อเอาไปให่เขาถึงที่
    มีอยู่ติผู้หญิงดีที่เฮ็ดโตส่ำส่อน
    แล่นไปนอนนำชายซ่างเป็นเอาฮ้าย
    คั่นอ้ายเป็นจั่งซี่น้องกะซิไล่ลาหนี
    หาผู้ชายดีดีมีบ่ออึดดอกอ้าย
    ไปโลดอ้ายน้ำผู้หญิงคนนั่น
    มันตั๋วได้ฮอดผัวมามั่วชายอยู่ในห้อง
    ยามวันหยุดนั่นจ้องมองหาแต่ทางตั๋ว
    บอกแต่ผัวเจ้าของน้องนั่นไปเฮ็ดงาน
    บัดวาพาลออกบ้านนางกะแล่นหาซู้ลู่ฮอด...
    มานอนให่เขาใส่ใจของเจ้าเฮ็ดด้วยหยัง
    มาสวมเขาให่กะทั่งคนยุบ้านซ่างเฮ็ดเป็น
    ลูกกะยังน้อยน้อยหลอยมาหาซายชู้ดูเอาพี่น้อง
    หญิงมักลองของจั่งซี่ไผวาดีกะเอาไปโลด
    ตั๋วซ่ำแล้วซ่ำอีกหลีกวาบ่อมีผัว
    ผู้หญิงตัวดีจั่งซีหาบ่อมีอีกแล้วแนวคนบ่อดี
    ปากกะวาถือศีลเข้าวัดฟังทำ
    แต่เฮ็ดโตระยำหากรรมใส่เจ้าของ
    น้องซิให่อ้ายตัดสินใจ
    คั่นซิไปกับผุหญิงจังไรจั่งซั่นกะตามแต่
    น้องกะบ่อแคร์คือกันละอ้าย...



    แจมด้วยแค่นี้ล่ะจ้า...
    แก้ไขครั้งสุดท้ายโดย หนึ่ง; 28-09-2011 at 06:27.

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    ในทางในของอ้ายนั้น บ่เคยปันให้ไผอื่น

    หลายวันคืนที่ผ่านพ้น คนๆนั้นบ่เปลี่ยนไป

    ทางหัวใจกะคงมั่น ถึงไกลกันบ่ผันเปลี่ยน

    สายลมเวียนที่เปลี่ยนพ้น คนๆนี้บ่เปลี่ยนไป...ดอกเด้อน้องสาวเอย

  6. #6
    Banned

    วันที่สมัคร
    Oct 2010
    กระทู้
    757
    บล็อก
    4
    ธรรมดาล่ะผุข้ากล่าววาจาหยังออกไป
    มันเป็นจริงละจั่งได่ไล่ให่พี่น้องฟัง
    อ้ายเอ้ย...ถ้าวาอ้ายจริงใจมีใจใสกับน้องนี่
    ให้อ้ายลี่หลีกไกลจากผุหญิงคนนั้น
    อย่าซิหันไปใกล้หญิงจังไรให้ห่าง
    อย่าไปหย่างใกล้หนามงิ้วให้นางหิ้วอ้ายไป
    บอกนางสาวาให่ไปไกลห่างอย่าซิอ้างวาเหงา
    นางกะมีผัวอยู่แล้วอย่ามาแคล้วคอยปันใจ
    กลับหันหน้าไปดูแลผัวเจ้า
    สิ่งที่ผ่านๆมาผัวเจ้าคือซิบ่อวาดอกหล่าของมีค่าแบ่งชายอื่น
    กลับคืนไปหาผัวพู้นผุนอนท่ายุแต่บ้าน
    อย่าได้อ้างเรื่องงานเผื่อคลานมาหาแต่ซู้
    ยามเสาร์อาทิตย์เจ้ากะฮู้ควรอยู่กับบ้าน
    นี่เจ้าซมซานมาหาผุบ่าวไทบ้าน
    มานอนไห่เขาชมสุขใจสมกะเล่าเมื่อ
    เขียวคืนไปฮอดบ้านย่านผัวฮู้ซั่นบ่อนาง
    ยามกลางคืนกะลักโทรหาเขาเอารูปส่งมา
    ข่อยเห็นเหมิดแล้วล่ะวาเจ้าเฮ็ดแนวได๋
    ผู้ชายบ่อใส่ใจเจ้ากะยังหน้าด้านหว่านท่าให้กับเขา
    มาให่เขากินฟรีดีเน๊าะหล่าสุขอุราทั้งคู่
    คั่นแม่นฮู้ถึงหูผัวเจ้าซิเอ้าโอ่เด้ละนาง

    อ้าย...น้องกะบอกไปแล้วกับผุหญิงแนวนั่นคั่นอ้ายบ่อมีใจ
    ซั่นน้องกะขอมอบให่เหมิดทั้งใจที่มีอยู่
    มาร่วมอยู่หอห้องครองรักกันซั่นแล่วพี่......อิอิ

    แจมเพิ่มเติมจ้า......

  7. #7
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    เว่านำบ่เป็นคันแนวนี่เพราะว่าลุงเถ่าแล้ว...555

  8. #8


    ...

    สุดหัวใจที่คงมั่น
    บ่เคยปันให้ไผอื่น
    ยามหลับตื่นมีแต่อ้าย
    ที่ครองใจนางผู้เดียว
    แม้ทางเทียวเส้นขนาน
    บ่ฮู้กาลสิพบพ้อ
    ใจดวงนี้สิเฝ้ารอ
    เพราะใจตั้งต่ออ้ายคนเดียว...




    LET IT BE...

  9. #9
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    หากว่าเจ้ายินดีร่วม บ่ฟังความไผสิว่า

    หวังพึ่งพาพิงฮักอ้าย บ่หมายร่างตำแหน่งแฟน

    ในอ้อมแขนหัวใจอ้าย ขอถวายแด่ใจหนึ่ง

    ถ้อยคำจาบ่ลึกซึ้ง พอดึงได้ให้ห่วงหา

    ทุกเวลากะคงมัน พ้นคืนวันยังคือเก่า

    ขอแค่เพียงมีน้องเจ้า คอยเดินข้างย่างเกี่ยวแขน....บ่น้อน้องสาวเอย

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย ความที่น้องฮักอ้าย เบิ๊ดในใจบอยอให้พี่
    บอเคยมีว่าอยากฮ้าง บอวางอ้ายให้แก่ไผ๋
    ฮักอ้ายหลายไผ๋มาห้าม กะตามแต่น้องบอสน
    ขอเพียงเฮาสองคน ครองฮักกันกะพอแล้ว
    บอฟังความไผ๋แหล่ว แนวความฮักอยู่ในใจ
    ไผ๋บอเห็นดีนำ กะซ่างตามบอสนตุ้ย อ้ายเอ้ย อิอิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •