พลังเงียบกับหลังคาบ้าน

[เขยอีสาน]

อั่น ๆๆ ผมกะคือกันคับ จอบเบิ่งเว็บบ้านมหามาโดนเติบ แต่บ่อเคยสมัครสมาชิกได่จักเทื่อย้อนว่าเพิ่นบ่อให่สมัครนี่ล่ะ เพิ่งมาสมัครได้จักเดือนสองสามเดือนนี่ล่ะ แต่ว่าจอบเบิ่งมาเป็นปีๆแล้ว มักอยู่คับ มีทั้งสาระและความบันเทิงความรู้ต่างๆ ผมบ่อแม่นคนอีสานแท้แต่กะศรัทธาในวิถีคนอีสาน จนกระทั่งอยากเรียนรู้วัฒนธรรม ประเพณี ภาษา กะได้เว็บบ้านมหานี่ล่ะเป็นแหล่งความรู้ ขอบคุณเว็บบ้านมหาหลายๆคับ แต่ทั้งเมิดนี่ผมกะคงสิต้องเป็นพลังเงียบอีกจักหน่อยก่อนคับเพราะเรื่องภาษาและวัฒนธรรมอีสานยังบ่อแข็งแรงพอ เพิ่นสิว่าเอาครับ

[จ่าเหลือง]

เอิ้กๆๆ "พลังเงียบ" พล พญานาค ย่องเบาแบบเงียบๆ จั่ง สิ แมน บ่ อ้าย พล เอิ้กๆๆ

[สาวบ้านนา]

สิวามีเวลาหรือบ่มีเวลาบอกบ่ถืก พอเข้าเวบปึ๊บ บักหําน้อยกะกวน ฮ้องแฮงๆ เฮ๊ดไห่เฮาบ่มีสมาธิ คือจังเพิ่นอิดฉาตาฮ้อนหยังบุ กินเข่า บักหําน้อยกะฮ้อง โทรศัพท์ กะฮ้อง ล้างถ้วยกะฮ้อง เฮ๊ดแนวกินกะฮ้อง เฮ๊ดหยังกะซ่างกวนเมิ่ด เฮ๊ดหยังกะบ่แซ่บเอาฮ้าย เลย เงียบไปเลยนิละ ลูกบ่เป็นใจ ผู้ลังคนกะบ่อยากเว้าหนํากะเลยขี้คร้าน นี้คือเหตุผลของคนมีลูก อีกอย่าง ขอโทษ ลุงใหญ่ ขอโทษ บ่าวเซียงหลายๆ ที่บ่สามารถเฮ๊ดได่ตามที่เจ้าของคึดไว่ ลูกซัน ยากย๊าก เอาแต่ใจ ฮ้องแตละเทือวาแม่น เฮือนสิพัง ขอโทษ ขอโทษ ขอโทษ

[sompoi]

โอ้ยน่อ ไปๆมาๆ กะบ่รู้แล่วล่ะ ว่าจะของเป็นพลังเงียบหรือหลังคาบ้าน เพราะว่า..
แล้วแต่อารมณ์และความสะดวกของจะของคือกันแม่ะค่ะ
แต่ว่าเว่าเรื่องความหมั่นเข้ามากะว่าเกือบสุมื้อยุเด้
เพียงแต่ภาระหน้าที่กะต่างกันไปคือว่าอ่ะล่ะ
ให้ลูกใหญ้กว่านิจักหน่อย อาจสิมาอัปเดทนำพี่น้องได่คักกว่านิเนาะจ้า .. :b-b

[พล พระยาแล]

กะตามสะดวกล่ะครับ เฮาสิไปบังคับไผกะบ่ได้ดอกครับ เป็นสิทธิส่วนบุคคล เพราะคนเฮาความยากความง่ายมีบ่คือกัน เพราะคิดว่าจั่งใด๋พวกเฮากะมีเว็บบ้านมหาอยู่ในใจอยู่แล้วล่ะครับ เพราะเฮามาฮู้จักกันกะย่อนเว็บ ๆ นี้ครับ

แต่ที่กระตุ้นเตือนกะอยากให้พวกเฮาออกมาร่วมทำกิจกรรมร่วมกัน ให้ล็อกอินเข้ามาเว่าจากันแนครับ อย่าเงียบโพดหลาย (ถ้ามีโอกาส)....คิดฮอดแมะครับ บ่แมนหยังดอก ....อิอิ

[ตรี ศรีเมืองใหม่]

สาวบ้านนา....."สิวามีเวลาหรือบ่มีเวลาบอกบ่ถืก พอเข้าเวบปึ๊บ บักหําน้อยกะกวน ฮ้องแฮงๆ เฮ๊ดไห่เฮาบ่มีสมาธิ คือจังเพิ่นอิดฉาตาฮ้อนหยังบุ กินเข่า บักหําน้อยกะฮ้อง โทรศัพท์ กะฮ้อง ล้างถ้วยกะฮ้อง เฮ๊ดแนวกินกะฮ้อง เฮ๊ดหยังกะซ่างกวนเมิ่ด เฮ๊ดหยังกะบ่แซ่บเอาฮ้าย เลย เงียบไปเลยนิละ ลูกบ่เป็นใจ ผู้ลังคนกะบ่อยากเว้าหนํากะเลยขี้คร้าน นี้คือเหตุผลของคนมีลูก อีกอย่าง ขอโทษ ลุงใหญ่ ขอโทษ บ่าวเซียงหลายๆ ที่บ่สามารถเฮ๊ดได่ตามที่เจ้าของคึดไว่ ลูกซัน ยากย๊าก เอาแต่ใจ ฮ้องแตละเทือวาแม่น เฮือนสิพัง ขอโทษ ขอโทษ ขอโทษ"

.....ฮ่าๆๆๆ อินางหล่า บักหําน้อยมันคือฮ้องดีแท้ฮึ แสดงว่ายามเฮ็ดการบ้านมันกะร้องเด้นี่ ข้อแนะนําพอสังเขบ เวลามันฮ้องกวนยามนั้น ให้เอาโนมอัดปากมันกะแล้วดอก ระวังแหน่แต่โนมปิดฮูดังมันเด้อ ฮ่าๆๆๆ เอิ้กกกก

[พล พระยาแล]

ฮ่วย ใหญ่ปานนั้นบ่โดเนี่ย บ่าวเซียงน้อย เว่าปานเคยเห็นหลายเถาะเว่ย ...555

[ชิงช้าชาลี]

ข้าน่อยหลอยไปเล่นเฟสบุ๊ค ดนโพด เกือบจำพาสเวิดบ่ได้555

[คุณฉุยเลย]

อ้ายพลเว้าถูกเด้อ ครับ ผมมักเรื่องอาหารการกิน เรื่องหาแนวอยู่แนวกิน โดยส่วนโตแล้วมีแต่ภาพในอดีตความทรงจำดีดี อยากเอารูปมาลงนำเพิ่นให้พี่น้องได้เบิ่งได้แสดงความคิดเห็นอยู่ แต่ว่าของกินผู้ข้า ยามเช้า นมกับขนมปัง กลางเวน กินข้าวโรงงาน มือแลงเฮ็ดโอ กะกินกับข้าวตอนเที่ยงที่แม่ค้าขายบ่เบิด มาราดข้าวให้กินอีกรอบ กินกันตาย กลับบ้านไปรอบดึก กะก๋วยเตี๋ยวปากทาง วันหยุด เมียกะชวนกินกับข้าวปักใต้ บาดสิกินตำหมากฮุ่งใส่ปล้าร้า เพิ่นกะว่า เปลี่ยนเป็นตำปูได้ไหม จะได้กินด้วยว่าซั่น สมน้ำหน้าเด้ บ่กินปลาร้าได้ผัวลาว (ขอเว้าพื้นเมียแด่เด้อพี่น้อง) มักเบิ่งพี่น้องเพิ่นเอาฮูปหาปลา ลงห้วยนั่นน่า เบิ่งเถี่ยวได๋ คิดฮอดเฒ่าพ่อเพิ่นหาปลาเก่ง ตอนเป็นเด็กน้อยกะถือหวิงแล่นนำก้นเราต้อยๆ พ่อสิพาไปสระปลา ขอบคุณอ้ายพลหลายที่เว้าหยังมากะแม่นความอ้ายตลอดแหละ มีโอกาสคือสิได้พ้อกันครับ งานพาแลงปีหน้าเนาะ