กำลังแสดงผล 1 ถึง 8 จากทั้งหมด 8

หัวข้อ: .................... คำที่วางว่าฮักเจ้า ........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    .................... คำที่วางว่าฮักเจ้า ........................

    เสียน้ำตากะเสียได้ อ้ายบ่อยากให้เสียใจ มีอันได๋บอกอายแน่
    ถึงบ่อาจไปซ่อยแก้ อ้ายขอบอกว่ายังแคร์ น้องหลายแท้ เจ้าฮู้บ่
    แม่นมีเรื่องอิหยังน้อ อ้ายยังขออยากฮับฮู้ อยากเป็นคู่ เว้านั่งเคียง
    ขอเป็นแสง ตะเกียงใต้ พออยากเป็นแสงไฟ ส่องในใจ ยามมืดหม่น
    มีมื้อได๋ น้องสับสน อยากเป็นคนได้นั่งเว้า ปรอบใจเจ้า ให้ผ่อนคลาย
    คืนเดือนหงาย กายห่างเจ้า หากมื้อนั้นใจเหงา อ้ายขอเปรียบเป็นเงา อยู่ข้างเจ้าบ่เคยห่าง
    ฝากเจ้าหยิบ ผ้าบาง บาง ซ่อยห่มวางคลุมไหล่ไว้ คิดว่าอ้าย โอบไหล่เคียง
    ยามยืนเฮียง เคียงดอกไม้ เฮ็ดให้น้องสดใส นึกว่าอ้าย ป้ายยิ้มไส่ เด้อนาง
    บ่เคยคิด สิจืดจาง คำที่วางว่าฮักเจ้า ยังคูณเท่าฮักทวี น้องเอ่ย


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,745

    Re: .................... คำที่วางว่าฮักเจ้า ........................

    มันบอกบ่ดั่ย แวมาอ่านผญา น้ำตาคลอเบ้า T-T

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: .................... คำที่วางว่าฮักเจ้า ........................

    อ้ายเอ้ย....ขอบคุณหลาย คำปลอบใจที่จาเว่า นางสิเอาเป็นน้ำอุ่น
    พอเป็นทุนหล่อเลี้ยง หัวใจน้อง ให้ชุ่มเย็น
    มันกะเป็นจั่งสิแล่ว แนวไปมักคนมีคู่ น่าอดสูใจฮ้าย
    เพิ่นมีแล้วผุยุเคียง มันละเอียงแท่แล่ ปานพายเรือแม่น้ำแก่ง อ้ายเอ้ย ...
    จักสิล่มกลางวัง จังสิพังบาดยู้ สิขู่ทิ่ม ...บ่แม่นแนว ( สั่นดอกหว่า...)

    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  4. #4
    แบ่งปันความรู้และประสบการณ์ สัญลักษณ์ของ แตงอ่อน
    วันที่สมัคร
    Mar 2007
    กระทู้
    133

    Re: .................... คำที่วางว่าฮักเจ้า ........................

    ซึ้งจังเลยย...สิบคะแนนสาน้อพี่น้องเนาะ ...อิอิ..
    แก้ไขครั้งสุดท้ายโดย แตงอ่อน; 19-03-2010 at 17:29.

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: .................... คำที่วางว่าฮักเจ้า ........................



    หากสมดั่งใจแท้ อ้ายสิขอเป็นเฮือแพ พอให้น้องได้ข่วมฝั่ง
    ทิ่มเอาความผิดหวัง เรื่องเจ็บปวดรวดร้าว ขอให้เจ้าทิ่มไส่แพ
    อ้ายดีใจนำแท้ แท้ แม้หัวใจสิหมองหม่น เจ้าบ่ต้องมาสน อ้ายสิทนนั่งเศร้า ขอเพียงเจ้า ได้ดั่งหวัง
    ทิ่มความหลังไว้นำอ้าย เอาความฝ่ายมาฝากพี่ ขอเพียงน้องสุขขี อ้ายขอดีใจด้วย สิมอดม้วยกะซ่างตาม
    บ่อยากเว้าว่าหวงห้าม ทุกโมงยามใจตามห่วง เจ้าสิหลอกหรือลวง บ่หวังทวงมาฮ้กอ้าย ขอหมายมั้นแต่รักเธอ
    แม่นความเผลอไปฮักเจ้า หรือความเหงาจั่งหลงเผิ่น ฮู้แต่ฮักเหลือเกิน แม่นสิเมินกะซ่างเจ้า อ้ายขอเฝ้าแต่พักษ์ดี
    ไผคอยตี๋เฝ้าเตือนน้อง บ่เรียกร้อง นำจักอย่าง ถึงรักแท้สิแพ้ทาง อ้ายขอวางใจไว้ มอบให้เจ้าแต่ผู้เดียว



    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  6. #6
    แบ่งปันความรู้และประสบการณ์
    วันที่สมัคร
    May 2007
    กระทู้
    181
    มื้อนี้สายฝนย้อย นั่งใจลอยเงียบมิดหมี่ แสงตะเว็นกะหลบลี้ หนีแผ่นฟ้าหน้าบ่เห็น
    สายลมเย็นพัดระริ่ว คือใจปลิวไปหาพี่ คิดฮอดหลายเด้อคนดี มันทวีเป็นหมื่นเท่า ยามฟ้าเศร้าเฝ้าห่วงหา
    บางทีนั่งคิดเห็นหน้า ยิ้มไส่ฟ้า จานำนก มีวิหกเป็นหมู่เว้า มีฟ้าเศร้าเป็นหมู่ใจ
    เหลียวทางได๋คือเห็นหน้า อยู่นำโค้งขอบฟ้า คือเหลียวมาแล้วยิ้มไส่ คิดฮอดเจ้าสุดหัวใจ
    เด้อความนัยที่อยากเว้า ว่ามีเจ้าทุกนาที เด้ออ้ายเอ๊ย

  7. #7
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ลมกับฝนไหลรินย้อย คือน้ำตาคนคอย คองอ้ายกะมิดหมี่
    บ่าวผุดีจากบ้านไปนานแล้วบ่อวยคืน ปล่อยให้น้องสะอื้นแนมทางเพิ่นบ่ต้าว
    หนาวในๆใจอิน้อง คิดฮอดอ้าย ยุบ่เส่า หละอ้ายเอ้ย .......
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ฝนตกรินไหลย้อย อ้ายมาคอยถ้าเจ้าอยู่ คือมาซงมิดแท้ไปแวเล่นอยู่บ่อนใด๋
    ซ่างมาถิ่มอ้ายไว้ ทางใจพี่มันพอตาย ย่านแต่วายชีวาดับ คันแม่นนางบ่มาพ้อ
    อ้ายสิรอคอยเจ้า โดนปานใด๋กะตามซ่าง แม่นสิมุดมอดเมี้ยน ตายถิ่มกะซ่างมัน
    บ่อยากกินข้าวน้ำ จนผอมโซโตจ้อย สินั่งคอยจนว่าเจ้า กลับมาเว้าต่อพี่ชาย
    อย่าสะเฮ็ดเป็นฮ้าย คือหน่ายแหนงชังแท้น้อคำ อย่าสะใจดำหลายบ่อยากกายพ้อ
    โพดแท้น้อใจนางหล้า ให้กลับมาสาเด้ออุ่น ทูลหัวของบักอ้าย อย่าหายหน้าอ้ายพี่ไป นางเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •