อาหารชั้นสูงที่อีสานบ้านเฮา

[บ่าวบาน]

เมือบ้านเที่ยวนี้บ่าวบานใช้เวลา 60 เปอร์เซนต์อยู่ตะไฮ่ตะนา



เฒ่าแมเพิ่นวาสิพากินอาหารซั้นสูงพะนะเบิ่งท่าเลาทรงสิเอาจริงเอาจังคัก



เห็ดกระด้างอยู่ตอไม่กำลังอ่อนเลยครับเก็บเอาไปแกงไส่หน่อไม้



จักหมากอี้หยังบุนี่



อาหารชั้นสูงที่เลาวานี้กะคือใข่มดแดงนี่เอง



สวนดอกดาวเรืองที่แม่เลาปลูกไว้บูชาพระ



ซื้อเลื่อยยนต์มาหั่ยเฒ่าพ่อเพิ่นปั้มต้มไม่เล่น



ทดสอบการไซ่งานด้วยต้นบักขามเทศไปต้นหนึ่ง




ไข่เริ่มสิบ่มีแล้วครับมีตะแม่เป้งครับ





เฒ่าแม่เลานั่งเลือกอย่างใจเย็น




บักค้อเก็บมาตะต้นหัวนาครับ







บักฮูด








บักกระท้อน



หลาน ๆ พากันเล่นน้ำ บักที่อยู่ในน้ำนี้สงสัยมันสิเป็น ผู่แม่




สิ่งสุดท้านกะคือความสุขของผู้เฒ่าผู้แก่ที่เห็นลูกเห็นหลานกลับมายามบ้านยามซ่อง คือแค่คำเผิ่นเว่า

อย่าสิไลลืมบ้าน...เมืองอิสานบ้านพ่อแม่
ให้แวคืนเมือบ้าน...ไปแปลงสร้างแม่นซ่อยกัน
หันกลับไปฟูเฟื่อง...เมืองอิสานบ้านเฮาแหน่
อย่ามัวแต่ติ๊พุ้นพี้...แม่นดีฮ้ายกะถิ่นเฮา

[กำพร้าผีน้อย]

..บรรยากาสดีเนาะบ้านบ่าวบาน แนวกินกะหลาย..หมากที่เห็นเขียวๆเป็นเครือนั่นทางบ้านเอิ้นบักขี่กา กินบ่ได้..

[คุณฉุยเลย]

ครอบครัวอ้ายบ่าวอบอุ่นเนาะ เมียบ้านเถี่ยได๋กะมีรูปมาฝากตลอด เบิ่งแล้ว อยากกลับอีสานบ้านเฮาอยู่ครับ แต่ได้เมียปักษ์ใต้คงต้องลงไปกรีดยาง ปิดยางแล้วค่อยขึ้นอีสาน หากตอนนี้กะเฮ็ดงานโรงงานไปก่อน ซำซาหนี้สินเบิดและเก็บเงินได้สักก้อน

[suny]

ก้อยไข่มดแดง หมากต้อง มีแต่แนวกินเนาะครับ ผักกะบ่อึด

[บ่าววีโก้]

เห็นครอบครัวพร้อมหน้ากันแบบนี้แล้ว คิดถึงบ้านเฮาหลายเนาะครับ แนวกินหลายนะครับ

[ณัฐ ภูไท]

คักเนาะบ่าวบานทางบ้านเจ้าคือมีแต่แนวอยู่แนวกินหลายแถะอยากกินหมากตอ้งฮั่นหนะเอามาปลอกเปลือกทุบๆๆเกลือโฮยอุ้ยนํ้าลายใหลเว้าแล้วกะด๋ายอยากกิน:*-:*-:*-

[lungyai1123]

ไสหละอาหารชั้นสูงคือเห็นต่ามดแดงคือบ่มีอาหารจักแนวหละบ่าว
คะซั้นมื่ออื่นสิแวะมากินนำดอกเฮ็ดไว้เด้อบ่าว

[อ้ายพจน์]

:b-b:b-bเป็นตาอุดมสมบูรณ์คักแท้บ่าว...ธรรมชาติสุด ๆ

[บ่าวจัย]

สุดยอดอีกแล้วครับอ้าย อยากมีโอกาศเมือไปใส่เบ็ดนำคันแทนาเด้คือสิคักว่ะอ้าย

[อีสานพเนจร]

มาถูกใจรูปสุดท้ายแฮงแท้น้อบาดนี้ เห็นเถ้าพ่ออ้ายบ่าวบานกอดหลานแล้วยิ้มอย่างมีความสุข คือสิถูกใจเราคักเนาะ :,1-:,1-:,1-