สวัสดีพี่น้องบ้านมหาที่คิดฮอดทุกท่านจ้า
ช่วงวันที่ 31กรกฎาคม - 1 สิงหาคมที่ผ่านมา ขามป้อมได้มีโอกาสไปยามท่านนายห้างฯ
หรือว่า"ผู้เฒ่าสมุย"และครอบครัว ที่เดินทางจากเกาะสมุยกลับมาเยี่ยมบ้านเกิดเมืองนอนที่อำเภอจตุรพักตรพิมาน จังหวัดร้อยเอ็ด
และที่พิเศษไปกว่านั้นกะคือพี่น้องบ้านมหาทะเลใต้ ได้มีสมาชิกใหม่โตน้อยๆ ได้ถือกำเนิดเกิดมาเป็นขวัญใจ น้า อา ลุงป้าทั้งหลาย ขามป้อมกะเลยดีใจเป็นพิเศษ
ย้อนว่าเทิงคึดฮอดท่านนายห้างฯกับศรีภรรยา แล้วกะสิได้พ้อลูกซายหล่านำ
แนวไปรับขวัญลูกซายหล่า เด็กชายธีร์ธวัช หรือว่าน้องธีร์ หนุ่มน้อยหน้าใสวัยสองเดือนกับอีกสิบเอ็ดมื้อ
และเราก็ได้เจอกัน เพิ่นได้ยินเสียงไทแขกไปกะตื่นมารับแขกพอดี
คุณแม่เพิ่นว่า เอาน้ำให้กินแหน่เพิ่นหิวน้ำพานะ
รับขวัญให้ลูกซายหล่า ให้เป็นคนฮู้ผู้ดีเว้าง่ายฟังควมเด้อลูกเด้อ
หน้าตาถอดแบบพ่อกับแม่ออกมาเลย
กินนมเสร็จ อาบน้ำ เปลี่ยนเสื้อผ้า แล้วกะนอน นั้นคือกิจวัตรของเด็กน้อย
เด็กน้อยนอนผู้ใหญ่กะพากันหาแนวกินบาดทินี้
กินอิ่มแล้วกะหากินน้ำ ป๋าว่าบ้านนี้บ่มีตู้เย็นเด้อ ผจก. ไปตักกินอยู่อู๋โลดพานะ
สำรวจเบิ่งรอบๆเฮือน มีฮอดต้นบักติ้วส่วนโต ยอดกำลังป่ง
แล้วกะเตรียมสำรับสำหรับคาบแลง เทิงกับข้าวเทิงกับแกล้ม(แหน่จักหน่อย) อิอิ
ปูดำสดๆจากอำเภอท่าชนะ จังหวัดสุราษฎร์ธานี
อภินันทนาการจากอ้ายหนุ่มแก่นนคร ขอบคุณญาอ้ายหลายๆจ้า
ด้วยการดูแลอย่างดีและเชี่ยวชาญจากเชฟของเฮาเฮ็ดให้ปู่ยังเป็นๆอยู่เลยจ้า
จัดไปเบาๆ แกล้มน้ำองุ่นขาวกันไปกับท่านนายห้างฯสองคน
ผู้อื่นเพิ่นกินแต่กับ อิอิ
ปูดำผัดผงกระหรี่และปูม้าผัดกะทิพริกไทยดำกะพร้อมเสิร์ฟจากฝีมือเชฟใหญ่จากเกาะหมุย
หมูป่าต้มยำ, ต้มไก่บ้านใส่ใบบักขามอ่อน ฯลฯ แนวกินงายมื้อต่อมา
แล้วกะแนวกินเที่ยง ส่งท้ายก่อนแยกย้ายกันไป ขามป้อมกะต้องเดินทางไปอำเภอกระสังต่อ
สั่งควมลูกซายหล่าก่อน มีโอกาสอิแม่จิแวะมายามใหม่เด้อลูก
ขอบคุณท่านนายห้างและครอบครัวกับการต้อนรับที่อบอุ่น
รวมไปถึงข้าวสารสองกระสอบ แล้วกะทุเรียนสองหน่วยบักเอ๊บนำเด้อ อิอิ เทิงกินเทิงห่อ
ออกจากจตุรพักตรพิมานเวลาประมาณบ่ายโมงกว่าๆ
มุ่งหน้าไปอำเภอกระสัง จังหวัดบุรีรัมย์ ณ พิกัดเกษตรวิสัยดินแดนที่เคยเป็นทุ่งกุลาร้องไห้
ตอนนี้สองข้างทางเขียวขจีไปด้วยนาข้าว ...
ขอบคุณพื้นที่แบ่งปันจากเว็บบ้านมหาดอทคอมจ้า
Bookmarks