เมื่อวันที่ 2 - 4 สิงหาที่ผ่านมาได้มีโอกาสได้ไปเที่ยวจังหวัดอุบลราชธานี ไปร่วมแสดงความยินดีกับหมวดเหลืองน้องชายที่รัก ณ บ้านนาจาน ขบวนเคลื่อนจาก กทม. 19.00 น. ไปถึงเมืองอุบลฯ ประมาณ 04.00 น. พอไปถึงก็แวะดูขบวนต้นเทียนพรรษาที่จอดเรียงรายที่ทุ่งศรีเมือง งามหลายจ้าประทับใจได้เบิ่งของจริง มีเวลามีจำกัดเลยดูแค่รอบเดียวจ้า อิอิอิ จากนั้นก็แวะไปที่บ้านน้องภูมิ หลานของหมวดเหลืองจ้าแวะเข้าห้องน้ำ จากนั้นไปกินมื้อเช้าที่ร้านสามชัยกาแฟ (แม่นบ่น้อจำบ่ได้) ก่อนไปถึงร้านน้องทิดรสพาไปกลับอยู่หนองอีหยังน้อ จำบ่ได้อีกล่ะ อิอิอิ พอถึงร้านพี่สาวของหมวดเหลืองสั่งไข่กะทะมาให้ชิม เป็นเมนูแปลกบ่เคยชิม แซบจ้า ผู้ใดไปเมืองอุบลอย่าลืมแวะชิมเด้อจ้า อิอิอิ
พออิ่มแล้วเดินทางต่อไปมุ่งหน้าสู่บ้านนาจาน ก่อนฮอดแวะเที่ยวแก่งสะพือ เด็กน้อยแวะร้านขายของฝากอุดหนุนพ่อค้าแม่ค้า เพิ่นใจดีทั้งลดให้บ่ต้องต่อ และแถมผ้าสะใบมาสองผืนจ้า อิอิอิ ใจดีคักแม่ค้าพ่อค้าชาวอุบลจ้า จากนั้นกะไปถ่ายรูปจ้า แล้วเดินทางต่อไปฮอดบ้านนาจาน กะอาบน้ำกินข้าวขนมเส้นสองจีบแซบหลายจ้า อิอิอิ
จากนั้นก็ร่วมพิธีสู่ขวัญให้หมวดเหลืองจ้า ผูกแขนเสร็จแล้วก็พี่น้องย่าวบนเวทีจ้า มีน้องทิดรสผู้มากด้วยความสามารถทั้งขับรถช่วยเจ้าของรถตู้ เป็นตากล้อง เป็นพ่อครัว และก็เป็นพิธีกรนำ โอ๊ยยยยคักหลาย เป็นพิธีกรคู่กับดีเจป้านวลม่วนโสตาย มีนักร้องน้องพงศ์ ทินการ มีแด้นเชอร์น้องติ๊ก (นางไหแห่งฅนฮักบ้าน) พากันย่าวแต่ไปฮอดจนปิดงาน อิอิอิ
เด็กน้อยลี้ไปนอนพักไปพ้ออ้ายกำพร้าผีน้อยแอบงีบก่อนอยู่แล้ว พัดลมคนละโตบ่ต้องยาดกัน อิอิอิ พอตื่นอ้ายพลว่าไปเที่ยวเบิ่งโขงเจียมนำบ่ก็ว่า ไปๆๆๆๆ (ค้านอยู่แต่ว่าไปฮอดหม่องต้องไปเบิ่งจ้า) กำนันคนตระการเป็นคนนำทางแต่ว่าหลับ (หลับกันเบิด) ยกเว้นคนขับตื่นมาอีกเทื่อ พี่คนขับบอกว่าใช่ตรงนี้ไหม เพิ่นจอดหน้าวัดถ้ำคูหาสวรรค์ (แม่นบ่น้อจำชื่อบ่ได้จ้า ลืมปากกาไปจดแมะ ) เลยเลี้ยวรถเขาไปได้กราบสังขารของหลวงปู่คำคะนิงที่ร่างท่านไม่เน่าอยู่ในโลงแก้วจ้า กราบเสร็จทำบุญปัจจัย พอจะกลับมีคณะเพิ่นมาจากไสบ่ฮู่มาถวายผ้าอาบน้ำฝนเข้าพรรษาเลยได้ร่วมถวายกับเพิ่นจ้า สาธุ สาธุ สาธุ อนุโมทามิ
กล้องแบตเบิดเสียดายๆ แถมกล้องเด็กน้อยกะลืมอยู่บ้านหมวดเหลืองจ้า ออกจากวัดกะไปเบิ่งแม่น้ำสองสีที่โขงเจียม เป็นการไหลมาบรรจบกันระหว่างแม่น้ำโขงกับแม่น้ำมูลจ้า จากนั้นก็แวะไปเบิ่งเขื่อนปากมูล จากนั้นก็กลับบ้านนาจานหน้าฮ่านยังย่าวกันบ่เลิก นักร้องบ้านนาจานมีแต่ผู้ร้องเพลงม่วนๆจ้า กลับถึงก็พ้อ อ้ายหนุ่มน้อย, เอื้อยธิดายาเย็น, น้องติ๊กต๊อก ,น้องมุก, อ้ายคนบ้านๆ , ลุงใหญ่ , อ้ายบ่าวโจโล่ (เสียดายบ่พ้ออ้ายบ่าวคนเดิม , น้องหลิน,อ้ายหล่อร้อยเมตร จ้า) อาบน้ำกินข้าวแลงอยู่ พิธีกรน้องทิดรส ประกาศว่าต่อไปพ้อดีเจเด็กน้อย ไปอวยพรให้หมวดเหลืองจ้า พอเสร็จกะสิลงฮ้านเพิ่นให้ร้องเพลง ตอนแรกกะว่าสิบ่ดอกจ้า แต่เนื่องด้วยเป็นวันดีกะเลยร้องให้น้องชายหนึ่งเพลง ที่จริงอยากร้องหลายเพลงอยู่แต่เหลือโตนคนฟังน่ะจ้า ฮ่าๆๆๆๆๆๆๆๆๆๆๆๆๆ (อายนำสั้นนำพู้นแล่วล่ะหน้าเวทีน้อบ่คือร้องหน้าไมค์อยู่บ้านเด้อจ้า) ปิดท้ายด้วยนักร้องจากเมืองอำนาจเจริญ น้องเชษ ศิริพันธุ์.. เศษซากและแมลงวัน ม่วนๆๆจ้า
ตื่นเช้าตอนหกโมงเช้า ลงไปอาบน้ำกับข้าวอีแม่ พี่สาว น้องๆของหมวดเหลืองเรียบร้อยแล้ว แนวกินบ่อึดบ่อยาก แต่มีแนวหนึ่งแซบกว่าหมู่ในเช้านั้นคือแกงเห็ดอีแม่จ้า ที่แซบเพราะกว่าสิมาเป็นแกงหม้อนี้ได้ อีแม่ต้องเก็บเล็กผสมน้อยเอามาแช่ในช่องฟิตเพื่อรอถ่าแกงในมื้อนี้เป็นพิเศษ แค่ได้ยินซ่ำนี้ความแซบเพิ่มเป็นหมื่นเท่าจ้าพี่น้องเอยสิบอกให้ อิอิอิ
กำนันตระการเพิ่นสิกลับบ้านถามว่าสิไปเที่ยวนำบ่ กะเลยบอกว่าไปนำจ้าพออาบน้ำออกมาเพิ่นหนีจากแล้ว กะเลยถามอ้ายพลว่า อ้าว..เจ้าคือบ่ไป เพิ่นรถเต็มแล้วกะเสียใจอย่างแรงจ้า เพราะว่าไปถึงถิ่นแล้วกะอยากไปยามบ้านไปไหว้อีพ่ออีแม่ของกำนันน้อจ้า กำลังเศร้าอยู่ น้องชายของหมวดเหลืองเพิ่นกะว่าผู้ใด๋สิใส่บาตรมาเด้อ พะนะ โอ๊ยยยย ฮ้องมาแต่เทิงบ้านว่าเด็กน้อยใส่ ๆ ๆ ๆ ชวนไผกะบ่มีจักคน (เพิ่นบ่ทันอาบน้ำจ้า) กะเลยไปใส่กับน้องของหมวดเหลืองสองคนจ้า
พอไปถึงพระคุณเจ้ากะรออยู่ มีชาวบ้านนาจานนั่งเป็นแถวใส่บาตรแล้วเป็นภาพที่ประทับใจจ้า ใส่แล้วเพิ่นกะว่าเหลืออีกสายหนึ่งมาหลายองค์ กะเลยรอใส่บาตรต่อจ้า เพิ่นจัดแถวกันอย่างงาม เพิ่นบอกว่าว่าพ่อชายยืนใส่ แม่หญิงนั่งใส่ (สายแรกเด็กน้อยยืนใส่ล่ะน้อ บ่ฮู่แมะ อิอิอิ ) ได้ยินแบบนั้นกะเลยนั่งใส่..ดั่งภาพจ้า
พอใส่บาตรแล้วๆ อีแม่ย่างมาบอกว่าสิไปสวนกะเลยนำก้นอีแม่ไปสวนจ้า ไปเก็บถั่ว หักข้าวโพดจ้า โอ๊ยยยย คิดฮอดอีแม่อยู่บ้านเด้ (เขียนมาฮอดหม่องนี้น้ำตาไหล) กลับฮอดบ้านกะกินข้าวเช้า สวย ๆ มา อ้ายกำพร้าผีน้อย พี่เอก หมวดเหลืองกลับจากไปส่งกำนันมา ได้ปลาขาวมาปิ้ง แซบๆจ้า แต่เสียดายอิ่มข้าวก่อนจ้อย แต่กะกินอีกอยู่ ฮ่าๆๆๆๆๆ ย่างข้าวโพด กินจี่ข้าวทาใส่ไข่ ฝีมือพี่เขยของหมวดเหลือง มีแต่แนวแซบๆ น้องพงศ์ บอกว่าถ้าเฮาอยู่โดนต้องอ้วนแน่เลยจ้า ฮ่าๆๆๆๆ
กำลังจัดกระเป๋าอยู่เทิงบ้าน ได้ยินเสียงกำนันตระการ กะเลยมาส่องเบิ่ง เพิ่นพาอีแม่และพี่น้องแวะมาก่อนเดินทางไปธุระต่อจ้า ดีใจหลายๆ ที่กำนันเพิ่นแวะมาให้สวัสดีอีแม่ถึงแม้สิบ่ได้ไปไหว้อยู่บ้านมาฮอดหม่องหวัดดี ดีใจหลายจ้า
พอได้เวลาก็พากันเดินทางกลับ กทม. ไปส่งน้องติ๊ก น้องมิ้น กับน้องอีกคนเพิ่นชื่อหยังจำบ่ได้ ที่บขส.เมืองโคราชจ้า และก็เดินทางกลับ กทม.โดยสวัสดิภาพจ้า
ขอบคุณหมวดเหลือง น้องปอย อีพ่ออีแม่ลุงป้าน้านางพี่น้องป้องปายไทบ้านนาจานหลาย ๆ เด้อจ้า ที่ทำให้เป็นการเยือนเมืองอุบลราชธานีที่อบอุ่น ประทับใจหลายไปคราวนี้คุ้มสุดคุ้มจ้า คึดฮอดยามใดสุขใจทุกทีจ้า....
เอาภาพมาฝากจ้า
เทียนพรรษา ณ ทุ่งศรีเมือง จังหวัดอุบลราชธานี งามหลายจ้า
ปล. ลงซ่ำนี้ก่อนเด้อ เดี๋ยวภาพอื่นสิทะยอยลงให้เบิ่งอีกจ้า
Bookmarks