ทดลองเฮ็ดกุ้งอบวุ้นเส้น

[คนเมืองเกินร้อย]

วันหยุดหลายมื้อ กะไปหาย่างเล่นตลาด ตามพาสาคนมักอยู่มักกิน ไปพ้อกุ้งกะเลยซื้อมาลองเฮ็ดกุ้งอบวุ้นเส้นเบิ่ง เครื่องปรุงกะแล้วแต่ว่าสิคิดออกว่าใส่หยั่งแน่ ลงมือเลยนอ

เครื่องปรุงกะเบิ่งเป็นสกลแน่จักหน่อย มี กุ้ง วุ้นเส้น ซีอิ้วญี่ปุ่น น้ำมันหอย เหล้าจีน เบคอน พริกไทย น้ำมันงา กระเทียม ขิง รากผักชี ต้นหอม คื่นฉ่าย

มื้อนี้บ่มีหม้อสำหรับอบ กะเลยใช้กะทะแทน

เอาต้นคื่นฉ่ายปกหน้าจักหน่อย เพิ่มกลิ่นหอมสั่นดอกวา

ปิดฝายกขึ้นตั้งเตา ประมาณ 10-15 นาที

เปิดเบิ่ง สุกแล้ว สีงาม ดมเบิ่ง กลิ่นหอมเป็นตาแซบอยู่ สำหรับมือใหม่หัดเฮ็ด

ตักใส่จาน มาเด้อมากินกุ้งอบวุ้นเส้น ฉบับหัดเฮ็ด ท้ายนี้กะขอขอบคุณเวปบ้านมหาอย่างหลวงหลายที่ให้ใช้พื้นที่ลงฮูปแบ่งปันให้สามาชิกบ้านมหาได้เบิ่งนำกัน

[pui.lab]

น่าทานจังเลยคะ แต่ทานกุ้งไม่ค่อยได้ 1 ตัวพอได้อยู่ เยอะๆหายใจไม่ออก

[สาวประทาย]

:l-:l-ทันสุกไป๊น้ออ้าย หมูแด๊งแดง:l-:l-

[lungyai1123]

กุ้งโตใหญ่ดีเน๊าะครับคือสิแซบคักเด้อสุกแล้วคงหอมบักแฮงครับ

[suny]

เพิ่นได้กุ้งโตใหญ่เนาะครับ เป็นตาแซบอยู่ขนาดว่ามือใหม่เด้นิ ใส่เบคอนพร้อม แม่นผมใส่หมูสามชั้นละครับ

[หนุ่มน้อยศรีสะเกษ]

หน้าตาน่ากินครับแต่รดชาดสิเป็นแนวได๋ต้องเฮ็ดมาให้ชิมก่อนเด้อจั่งสิกล้าคอนเฟิรม555