..เขมราฐเยือนเมืองพระพิษณุโลกสองแคว...

[เขมราฐ]

เขมราฐออนทัวร์ครั้งที่ 2 ค่ะพี่น้อง ระหว่างวันที่ 11 - 15 มิ.ย. 55
เขมราฐไปเยือนเมืองพระพิษณุโลกสองแควมาค่ะ
ตามทางเดินทัพของสมเด็จพระนเรศวร
ไปแต่ดนแล้วหากะสิได้มาให้พี่น้องเบิ่ง



เหินฟ้าจากดอนเมือง 06.20 น.



ในที่สุดนกยักษ์กะพามาฮอดเมืองพระพิษณุโลกด้วยความปลอดภัย



ไปฮอดพิษณุโลก ต้องกราบพระพุทธชินราช เพื่อความเป็นศิริมงคล



ไหว้ขอพรหลวงพ่อเหลือ ขอให้ลูกเงินทองเหลือกินเหลือใช้เด้อขะน้อย..



ต้นโพธิ์อายุนับ 100 ปี ที่สมเด็จพระพุทธเจ้าหลวง ร.5 เพิ่นทรงปลูก



ท่ามกลางเหล่าทวยเทพ ของศาลเจ้าพ่อเฮ้งเจีย..





ขาดบ่ได้ค่ะ กองทัพต้องเดินด้วยท้อง "ก๋วยเตี๋ยวห้อยขา"
แต่ก่อนร้านเพิ่นตั้งอยู่ริมน้ำต้องนั่งห้อยขาลงน้ำกิน เป็นเอกลักษณ์ค่ะ
พอย้ายขึ้นโคก(บก) กะยังคงเอกลักษณ์เดิมนั่นห้อยขากิน







ร้านก๋วยเตี๋ยวรัฐมนตรี ร้านนี้คนดังเพิ่นนิยมไปกันค่ะ
เขมราฐอยากดังนำเลยต้องไป แต่บ่รู้ว่าอยู่ถนนได๋ดอกค่ะ
มีหน้าที่นั่งรถไปอย่างเดียวบ่ได้ถาม



เฮ็ดงานเฮ็ดการอยู่ค่ะ บ่ได้ไปเลาะอย่างเดียว

เขมราฐออนทัวร์เทื่อหน้าสิไปหม่องได๋โปรดติดตาม

ขอบคุณพื้นที่แบ่งปัน บ้านมหาดอทคอม

[ต่วง]

คือดีแท้น้องไปราชการนั่งเครื่องไปอย่างดี ขอบคุณที่เก็บภาพสวยๆ มาฝาก

[หนุ่มน้อยศรีสะเกษ]

แม่นไปเฮ็ดงานหรือไปเที่ยวนอน้องหลิน รูปเฮ็ดงานมีรูปเดียวเอง

[suny]

พิษณุโลกเมืองงามครับ เป็นตาไปเที่ยวอยู่ขอบคุณหลายๆที่เก็บภาพมาฝาก ที่ว่าไปเฮ็ดงานอย่าไปจับผิดเพิ่นหลายเด้อ อิอิอิ (เว้าเล่นเด้อครับ)

[lungyai1123]

เป็นตาม่วนคักหลายเน๊าะได้เวลาออกเลาะโอ๊ะ ๆ ๆไปทำงานนิดนึง(แมนบ่)
ไปไหว้หลวงพ่อเหลือติน้อง.ให้มันเหลือหลายๆติน้อง.ถ้าเลาะดู๋มันกะเหลือ
หน่อยหละธรรมดาครับ.ลุงใหญ่เบิ่งรูปแล้วกะให้นึกขึ้นได้ว่า.ตอนเครื่องบิน
ลงจอดแล้วนักบินเพิ่นเก็บใบพัดไว้หม่องได๋นอน้องหลินคร๊าบบบบบบบบบ

[จ่าเหลือง]

ป้าดคือคักแท้ นั้งเครื่อง ออกตรวจราชการ พัก รร ห้าดาว อิจฉา เด้

[esannot]

น้องหลิน เวลาอ้ายไปราชการคือนั่งรถหุ้มเกาะ กันระเบิดนำ โอ้ยชีวิตนี้ลำบากแท้ ครับ

[พล พระยาแล]

โอ้ว ป๊าด ....ได้ขึ้นเครื่องบินไปสัมมนา....โอ้ว แม่เจ้า

[คนจนผู้ยิ่งใหญ่]

ภาพแรกกับภาพที่สองเป็นเครื่องบินลำเดียวกันบ่ครับ เครื่องยนต์บ่คือกัน

[คุณฉุยเลย]

คือสิเสียวเนาะขี้นเครื่องบินสูง แค่ขึ้นดาดฟ้าตึก ผมยังบ่กล้าเหลียวเบิ่งข้างล่างเลยครับ