ประเพณีเฮดบุญเฮือน ทางกาฬสินธุ์

[ไก่น้อย]

วั่งเดือนกค.ที่แล้วไก่น้อยมีโอกาสได้เฮดบุญเฮือน อยากเอาประเพณี ทางกาสินมาเว่าสูพี่น้องฟังนำ จ้า
ปกติพิธีขึ้นบ้านใหม่ ที่เป็นคนละอย่างกับตักบาตรเฮือนหรือการเฮดบุญเฮือน ทางกะสิน ขึ้นบ้านใหม่สิบ่นิมนต์พระมาสวด มีแค่พ่อพรหมณ์ เพิ่นสิพา ทำพิธีขึ้นบ้าน แล้วกะเลี้ยงข้าวน้ำ พี่น้องธรรมดา แต่เฮดบุญบ้าน บ่จำเป็นต้องเป็นบ้านใหม่ เป็นบ้านเก่าที่เจ้าของอยากทำบุญเฮือนเพื่อเป็นศิริมงคล กับเจ้าของบ้าน
ปกติตามประเพณีกะสิเฮดก่อนหรือหลังเข้าพรรษาบ่นิยมเฮดช่วงพรรษา และสิเฮดสามปี ต่อเนื่องค่อยสิเป้นการเสร็จสิ้น ปีนี้ไก่น้อยเฮดเป็นปีแรก ปีสุดท้ายว่าสิ จ้างหมอลำซิ่ง
ทางอุบลมิวสิค มางัน สิชวนพี่น้องบ้านมหาไปหย่าว นำเด้อจ้า อย่าฟ้าวพากันเฒ่าเด้อ อิอิ

ตามประเพณีผุเฒ๋าเพิ่นสินิมนต์พระมาสวด ตั้งมงคุณตอนกลางคืนก่อน กะสิมีผุเฒ่าบ้านใกล้เคียงมาฟังพระสวด แล้วกะกินข้าวแลงนำกัน (กินแต่โยมเด้อ พระเพิ่นบ่ฉัน แฮ่)



ผุเฒ๋าผุแกสิพาจุดเทียนอาราธนาพระค่ะ


บ้านไก่น้อยผุเฒ่าหลาย เมื่อบ้านกะรู้สึกอบอุ่นเนาะ


รับศีล รับพรนำกันเด้อจ้า บาดนิ


หลังจากไปส่งพระแล้วกะกินข้าวแลงนำกัน แล้วๆมาล้างถ้วยส่อยแน่ แฮ่ๆ:l-

[ไก่น้อย]

หลังจากตั้งมุงคุณกลางคืนแล้ว ตอนเช้ากะสิเป็นการทำบุญใส่บาตร เพื่อเป็นศิริมงคลจ้า
สังเกตุยามเช้า พระเพิ่นสิเปลี่ยนนั่งหันหน้าไปทางทิศตะวันออก ค่ะ


แม่ครัวเตรียมอาหาร ถวายจังหันเช้า


ตามประเพณีเตรียมสำหรับ คาว-หวาน ถวายพระจ้า


อบอุ่นจ้า แรงงานบ่ต้องซื้อต้องหา มีแต่พี่แต่น้องมาส่อยกัน


ยามยกอาหารถวายพระ เพิ่นให้วางจานชิดกัน จ้า




ฉันอาหารเสร็จหลวงตากะพรมน้ำมนต์ก่อนกลับวัดค่ะ มาเด้อรับน้ำมนต์


ต่อไปพระฉันแล้วกะเป็นคิวของโยมรับเศษพระจ้า แซบๆได้บุญนำ


ช่วงบ่ายเป็นบุญของครอบครัวไก่น้อย ที่หลวงลุง หรือพระเทพสารเมธี (บัวศรี ชุตินฺธโร)
เจ้าอาวาสวัดประชานิยม, เจ้าคณะจังหวัดกาฬสินธุ์ (ธ)
ได้เดินทางมาเยี่ยมและให้พร ฮอดบ้าน ฮอดเฮือน สาธุๆๆ นำกันค่ะ




หลวงลุงโปรดฉันน้ำบิวตี้ดริ๊ง น้ำสุขภาพ ค่ะ


กะเช้าของเป็นศิริมงคลที่หลวงลุงมอบให้ครอบครัวไก่น้อยค่ะ เป็นบุญอิหลี


สุดท้ายนี้ไก่่น้อยกะเอาบุญมาฝากพี่น้องบ้านมหาเฮานำเด้อจ้า ขอบคุณหลายที่เข้ามาอ่าน มาคอมเม้นท์เป็นกำลังใจดีๆให้กันเสมอมา จ้า :l-

[พงศ์น้อย ส กสิน]

สิถ่าไปหย่าวเด้อครับ รับรองผมบ่เฒ่าแท้ๆล่ะ 5555555 เป็นสิริมงคลกับผู้อยู่อาศัยน่อครับ สาธุนำครับ

[lungyai1123]

ขอบใจไก่น้อยที่เอาบุญมาฝากพี่น้องเฮาเด้อลุงใหญ่กะขออนุโมทนานำ
หลายๆเป็นตาม่วนตาสบายอกสบายใจดียุดอกเบิ่งแต่ละคนแล่ว

[suny]

ให้เจ้าของบ้านอยู่ดีมีแฮงเด้อครับขอบคุณหลายๆที่เอาบุญมาฝาก

[หมวยเล็ก]

โมทนาสาธุนำเด้อจ้า เอื้อยไก่น้อย อบอุ่นหลาย ให้มีความสุขหลายเด้อ อยู่ดีมีแฮง ความเจ็บความไข้ กะ อย่าสิมีเด้อจ้ะ

[chudhancock]

ป้าขออนุโมทนาบุญนำหลานไก้น้อยแนเด้อจ้า ขอให้ครอบครัวของหลานอยู่บ้านหลังนี่อย่างมีความสุข ขอให้อยู่ซุ่มกินเย็นขอให้เงินเต็มห้องขอให้ทองทองเต็มเฮือน ร่างกายสุขแขงแฮงๆเด้อจ้า สาธุ

[พล พระยาแล]

ขึ้นบ้านใหม่ขออวยพรกล่าวกลอนศรี
นับแต่นี้อยู่เป็นสุขทุกสถาน
พ้นพิบัติกุศลนำ พาสำราญ
ทุกวันวานร่มเย็นเป็นความจริง

อยู่บ้านใหม่ขอให้พบสบแต่โชค
ไร้ทุกข์โศกสุขสมใจในทุกสิ่ง
อยู่วิมานบ้านดีมีเกียรติยิ่ง
ลูกชายหญิง บริวาร สำราญปรี

ขึ้นบ้านใหม่ขอให้สบายจิต
จตุรพิธพรเพิ่มเฉลิมศรี
ทั้งการงานการค้าก้าวหน้าดี
เป็นสุขี ทั้งครอบครัว ทั่วหน้าเอย

[หนุ่มเมืองกาญจน์]

ขอแสดงความยินดีกับน้องไก่เด้อ ส่วนอ้ายสิอาศัยบ้านพักตำรวจไปเรื่อยๆ
หลวงพ่อเพิ่นสาบยดีเนาะครับท่าทางแข็งแรง (เคยไปอาศัยบารมีท่าน กินข้าวก้นบาตรอยู่ 2 ปี)

[สาวทองแพง]

ขอแสดงความยินดีและดีใจนำจ้าเอื้อยไก่น้อย
อยู่เย็นเป็นสุข สุขภาพแข็งแรง มีโชคแต่ชัยเด้อจ้าเอื้อย :l-