ผมเคยได้ยินผู้เฒ่าผู้แก่เผิ่นเว้าสู่ฟัง เผิ่นว่ามนต์แต่ละบทจะมีอาถรรพ์ในตัว แล้วเผิ่นบอกว่า ก่อนจะเฮียนมนต์ควรที่จะเฮียนกั้งบั้งหรือเอิ้นว่าป้องกันโตสาก่อนเด้อเผิ่นว่า เพื่ออาถรรพ์ของเวทย์มนต์นั้นๆจะบ่อได้เข้าโตเฮา กับมนต์บทใด๋ที่มีคำว่า ปู่กับย่า อยู่นำกัน เช่น ปู่เยอย่าเยอ เผิ่นว่ามนต์บทนั้นจะมีอาถรรพ์แฮงส่วนมากคนที่เฮียนมักจะออกแสง(เป็นปอบ)555 กะจักแหม่นบ่อแหม่นหลานปู่กะบ่อจักคือกัน ในแต่ละบทถ้ามีปู่กะให้มีแต่ปู่หรือถ้ามีย่ากะให้มีแต่ย่า(เฒ่าสองเฒ่านี้เผิ่นบ่อให้อยู่ใกล้กัน เผิ่นย้านมีลูกซ้ำเฒ่าหรือใด๋บู๋555)คันบ่อมาอยู่ฮ่วมกันเผิ่นว่าบ่อเป็นหยัง จักซิแหม่นจริงเท็จประการใด๋หลานปู่กะบ่อฮู้เพียงแต่ได้ยินเผิ่นเว้ามา กับอีกอันหนึ่งเผิ่นว่าผู้ที่เฮียนมนต์จะดีได้ ต้องมีความเชื่อศรัทธาเคารพต่อครูบาอาจารย์ ปฏิบัติตามข้อห้ามที่เผิ่นบัญญัติไว้ แล้วให้หมั่นท่องบ่นภาวนาเรื่อยๆเผิ่นว่าการท่องบ่นมั่นสวดมั่นจำเริญกะเปรียบคือกับการฝนพร้าฝนให้มันเข้าๆยามไปใช่จั่งสิดี ครูอาจารย์เผิ่นสอนให้กะเปรียบคือเผิ่นเอาพร้าให้ อยากให้มันเข้าต้องฝนเอาเอง แล้วพร้านี้จะดีหรือบ่อดีขึ้นอยู่กับผู้ใช้ จะใช้ไปจักตอก ไปตัดไม้ หรือไปฆ่าปลา ฆ่าคน มันกะขึ้นอยู่กับเฮาผู้ใช้พร้า มีประโยชน์หรือมีโทษกะขึ้นอยู่กับเฮา เผิ่นว่าดอกว่า555 หลานปู่กะบ่อจัก
กะจักจริงแท้อย่างใด๋ผมกะบ่อจักแล้วแต่พี่น้องจะคิดคือกันแหล่วคับ หลานปู่คึดบ่อออก555