อ้อยต้อยต่อนผญา (บั้นคองคอย)

[บ่าวหัวเขียง]

คองคอยเจ้า คือกบเขียดคอยฝน คือคนจนคอยรวย ย่านแต่ตายบ่เห็นซ้ำ

คองคอยเจ้า คอยหลายจนว่าเบื่อ ความเว้าว่าปีนี้ บาดเถิงแล้วว่าปีฮือ

คองคอยเจ้าจนเหมิดเขตพรรษา ว่าสิสิกออกมาผัดคากฐินทอด
เหมิดกฐินแล้วกะยังคือเก่า สิให้คอยฮอดเฒ่า เซาท่อนข่อยบ่คอย

คองคอยเจ้าอยู่หัวนาหม่องเก่า นกเขาขันกระแตดแต้ แจนแวนฮ้อง แห่งคึดหลาย

[ไทบ้านพระเสาร์]

คองคอยถ่าอยู่เถียงนาหม่องเคยนั่ง เป็นหยั่งน้อมื้อนี้สาวนางหล่าไปอยู่ไส

หรือเจ้าลงไปไทยแล้วสาวนางบ่ส่งข่าว ปล่อยให้บ่าวผู้ฮ้ายน้ำตาย้อยล้นหน่วยตา...

[sompoi]

อ่านเพลินดีค่ะ ม่วนทุกบั้นเลย ถ่าอ่านต่ออยู่เด้อจ้า ..

[บ่าวหัวเขียง]

ช่วงนี้จะเขียน...เป็นโตอย่าง...ของแต่ละประเภทของผญาครับ

คราวๆประมาณ 55 ชุด...ที่จะส่งเข้าประกวดครับ

:*- :*- :*-

[sompoi]

ขอเป็นกำลังใจเด้อค่ะ
อย่างน้อยกะถือว่าได้มีประสบการณ์และเป็นวิทยาทานเนาะค่ะ
หาบุคลากรยากสมัยนี้กับผู่เชี่ยวชาญในศาสตร์แขนงนี้เนาะค่ะ
ถ้าชนะเลิศยิ่งสิเป็นขวัญและกำลังใจให้เฮายิ่งขึ้นเนาะค่ะ
บ้านมหาสิได่ปราชญ์เพิ่มมาอิกคนแล้วพี่น้อง... สู้ๆ ค๊าฟฟฟ :l-