อ้อยต้อยต่อนผญา (บั้นแนวว่า)

[บ่าวหัวเขียง]

แนวว่า กาดำปี้ สิเทียมหงส์ มันผิดชาติ กันแหล่ว
กากะต้องไปฮ่วมซ้อน กาพุ้นจั่งแม่นแนว

แนวว่า กล้วยตีบน้อย บ่ให้ปลูกฮ่วมสวน แนวกล้วยยวน บ่ให้ปลูกฮ่วมบ้าน
แนวขี้คร้านลุงป้าเผิ่นบ่เอา

[sompoi]

เพิ่นเว่าได่หลายแนวอิหลีเนาะค่ะผญานิ
แล่วแต่เฮาสิคิดขึ้นเป็นบั้นๆเด่เนาะค่ะ (เดาเอาจากการสังเกตค่ะ)
ปล. โควต้าขอบคุณขะน้อยคือสิเหมิดแม๋ะ

[ลุนนี ศรีเกษ]

ป้าแดงหว่า เอาลงมาให้มันเบิดเทื่อเดียว51บั้ง(ฮึมีท่อได๋)ให้อ่านคักๆโลดนา นำอ่านมื้อเล็กมื้อน่อยมันข้องๆคาๆนอจ้า ไผเห็นนำยกมือขึ้น.....จ้า

[pcalibration]

วัยรุ่นหนิใจฮ้อนคักเนาะครับ..คุณป้าแดง..
ฟ้าวๆจัดมาเด้อครับท่านผู้อ่านสิสูนก่อนเด้..555555

[คนตระการ...]

ผมกะเคยอ่านหนังสือผญา ของอาจารย์สวิง บุญเจิม ซื้อไว่เล่ม1นานแล้ว
มีหลายๆบั้นคือจั่งบ่าวหัวเขียงเอามาลงนี้ละครับ

ผมว่า บ่าวหัวเขียง เอารวมกัีนดีบ่อ แบบโพสต่อๆกันคือจั่งตอบกะทู้นี้ละ ไส่วงเล็บเอาว่า บั้นไดแน่เช่น(บั้นท้าย)555 สมมุติเด้อ...
เพื่อสิได้ง่ายต่อคนติดตามอ่าน บ่อต้องยากตั้งกะทู้ใหม่

[sompoi]

...คาดว่าเล้าสิแต่งไปมื้อละเล็กละน้อย
แต่งแล้วๆกะเลยเขียนลงๆเทือเดียวไปตามอารมณ์ศิลปิน(คิดเอาตามวาดจะของนิล่ะจ้า ฮ่าา)อ่ะน๋า
...เดวเฮาจั่งจัดการย้ายกระทู้ให้เล้ากะได่ตั้วน้องเอ๋ เล้ามือใหม่อาจยังบ่ถนัดการใช้เวบ
(สังเกตุจากการเบิ่งเล้าบ่เล่นลูกเล่นหยังเลยอ่ะน๋า...หรือว่าได๋น้อง)

กะแล้วแต่ดอกหว๋า..จั่งได๋กะได่ เห็นใจคนแต่งให้ฟังกะพ่อง..
..ถ่าให้กำลังใจกับอ่านอย่างเดียวกะม่วนกุ้ปดอกขะน้อย.. :b-b