วันว่างที่ตั้งใจ...กับการแกะสลักแครอท

[นู๋น้อย]

ธุจ้า สวัสดีจ้า มื้อนี้มี กิจกรรมยามว่างมาฝากอีกคือเก่า หลังจากที่หายหน้าจากหน้าไปดนเติบ...

ส่วนมากแต่ละมื้อจะไป ซุกหัวอยู่ หน้าบอร์ดกล่องขอเพลงเปิดเพลงสู่พี่น้องฟังพุ้นละจ้า บ่ค่อยได้มาเลาะ หน้าบอร์ดใหญ่

มื้อนี้ หยุดจากภารหน้าที่ การงาน เนื่องจากเป็นวันอาทิตย์ บ่อยากออกไปไส เพราะย้านฝนตกฮำ เลย หาหยังเฮ็ดแก้เครียดแก้เซงไป พอหม้ม มื้อจ้า

มีแครอท กำพร้า อยู่ สองหัว ซื้อมาแต่โลตัสได้หลายมื้อแล้ว เฮ็ดยำกินกะแล้ว ผัดกะแล้วบ่เบิ้ดจักเทื่อเลยหาแนวเล่น ซั่นเด้

วิธีแกะ กะ เลาะหาเบิ่งตาก ยูทูปแหน่ คึดเอาเองนำ ตามที่เคยจำเขามาตะสมันเรียน พุ้นละจ้า

บ่มี ขั้นตอนตายโตแล้วแต่ จะ คึดเฮ็ดเอา....แบบว่าตามใจเจ้าของ ฮ่าๆๆ

มาเบิ่งผลงานกันเลยจ้า ...

เซตแรก เป็น กุหลาบ



แล้วกะ ใบไม้...แกะตามอำเภอใจ



กุหลาบดอกน้อยๆ





ดอกข่า ที่อาจจะบ่เหมือนจริง ปานได๋ คึดภาพดอกข่าบ่ค่อยออกจ้า ได้ซ่ำนี้ละ



หลังจาก เทสคมมีด ไปได้ ดอกสองดอก เริ่มคุ้นกับมีดแล้วกะเริ่ม เล่นแนวยาก ขึ้นไปอีก สเต๊ปหนึ่ง

แก้วเป๊ก หรือ แก้วน้อยๆ ลายกุหลาบ



สุดท้าย หอยสังน้อย ที่ เบิ่งวิธีแกะ จากยูทูป



เฮ็ดไปนำ แชทไปนำ ได้ท่อนี้ละจ้า ฮ่าๆๆ สามชั่วโมงผ่านไป จัดให้สวยงามในจานสีตัดกันกับแครอท



:*- สุดท้ายนี้ ขอบคุณสำหรับการเยี่ยมชมกะทู้ และ บ้านมหาอ้ายบ่าวคนเดิม ที่เอื้อยเฟื้อการนำเสนอ เช่นเดิมจ้า :l- พ้อกันใหม่ ทริปหน้า ซัมบายดี..จ้า

[พล พระยาแล]

บ่กล้ากินดอก เค็มขี้มือ....โอ้ว ป๊าด กรี๊ดดด ฝีมือระดับเทพเลยเด้นี่

[นู๋น้อย]

พอดี นัว จ้า อ้ายพล บ่เค็ม ปานใด๋ดอก หาเว้า ฮ่าๆๆๆๆ

[pcalibration]

ฝีมือขั้นเทพ...เนาะว่างๆหว่าสิพาไปแกะสลักลายไทยประตูโบสถ์
สิเข้าท่าดีอยู่เด้...

[suny]

ป้าดฝีมือระดับต้นๆเลยนะเนาะครับ เก่งซุแนวเฮ็ดแนวกินกะเก่ง แกะสลักกะเก่ง ถ่ายรูปกะเก่ง คนหยังคือเก่งหลายอย่างแท้น้อ

[คนตระการ...]

งามๆๆๆๆ ถ้าบ่อบอก กะสิว่าแกะสักเทียน

[สหายพง]

แม่เจ้างามแท้ฝีมือสุดยอดเลยเสียอย่างเดี๋ยว..มือคนเฮ็ดนั้นน้าคือสั้นแท้อุ๊กปุ๊กยุแหม555

[ฅนภูค่าว]

ฝึกฝีมือไว่ดี๊ดีหล่า ปีหน่าสิพาไปรับจ้างแกะเทียนเข่าพรรษาแถวๆอุบลฯ.....

[ร้อยหมื่นพันไมล์ไกลบ้าน]

ว้าวๆๆ ขนาดฝึกตามยูทูปยังขนาดนี้
ส่วนแม่ป้าบ่กล้าแกะเลยค่ะ ย่านมีด ฝีมือกะบ่มี ฮ่าๆๆ