เมนูดิบดิบ....ก้อยปลา(ฮาวาย)

[ร้อยหมื่นพันไมล์ไกลบ้าน]

เมนูดิบดิบ....ก้อยปลาAhi Poke

เมนูดิบดิบเด้อค่ะมื้อนี่ อยากกินดิบดิบค่ะ เลยก้อยปลาฉบับฮาวาย สาวเชฟเพิ่นกะเป็นตาฮักขนาด ฮ่าๆๆ

ลิขสิทธิ์บน YouTube Credit By : https://www.youtube.com/watch?v=s7VTS7Hf6WM

ปลาทูน่า หั่นท่อนลูกเต๋า



ใส่ส่วนผสมทั้งหมดลงไป


คลุกให้เข้ากัน


เพิ่มสาหร่ายค่ะ


ไผอยากดิบดิบลองเบิ่งเด้อค่ะ ส่วนผสมหาได้ตามบ้านเฮา กินไปกะหลับตาน้องเชฟเพิ่นมาป้อนไปนำ ฮ่าๆๆ :l-

[ณัฐ ภูไท]

อือมื้อนี้กินซาซิมิเนาะนานๆๆกินกะแซ่บยุกับเข่าแบบหนิแต่ถ้ากินเป็นอาหารหลักคือกับข้าวบ้านเฮานั้นกินบ่ได้หลายคันคือแนวกินบ้านเฮาอย่างเช่น แกงหน่อไม้ ส้มตำแบบนี้เฮากินได้ทุกมื้อเนาะแต่ปลาดิบหนิกินจังได๋กะกินบ่ได้หลายคือหมู่เขากินเต็มที่ได้ห้าตอ่นอิ่มแหล่วอันนี้ของแซ่บอยู่กับผุหมักเนาะจ๊ะ:b-b:b-b:*-

[sompoi]

หน่อย อยู่พี้กะเห็นเพื่อนๆแม่บ้านพากันเฮ็ดดู๋จ้า..
เอาปลามะคุโระ(กะปลาทูน่าที่เฮาเอิ้นนิล่ะจ้า แต่ทางญป.เขาเอิ้นแบบนี้)นิล่ะ
มาฟักๆจนละเอียด แล้วกะมาปรุงคือลาบบ้านเฮาสิล่ะ
ใส่ฮอดข้าวคั่วนำ ฮ่าๆๆ แซบแม๋ะ
รสชาดกะออกคือลาบปลาดิบบ้านเฮานิล่ะจ้า แต่กินสำบายใจกว่าตรงแน่ใจว่าบ่มีพยาธิจ้า..
มื้อหน้าสิเฮ็ดมาให้เบิ่งด๊า.:l-

[หนุ่มลาวสาวขะแมร์]

พี่คนภูค่าวทำก็ใช้ปลายี่ปุ่นเหมือนกันครับ ปลายี่โสะ พิเศษตรงเพิ่มมดแดง

[sompoi]

ส่วนมากปลาแม่น้ำสิมีพยาธิจ้าน้อง บ่ว่าสิอยู่ปท.ได๋กะตาม
ปลาทะเลน้ำลึกสิปราศจากพยาธิจ้า คนญป.เขาถึงกล้ากินปลาดิบๆ
แต่กะมีบางชนิดเช่นปลาคาสึโอ่ะ ที่เสี่ยงต่อพยาธิ เขาสิย่างผิวข้างนอกซะก่อน
แล้วจั่งหั่นเป็นชิ้นๆเป็นซาซิมิกินจ้า
ปล. เว่าตรงๆเอื้อยบ่รู้ฮอดชื่อปลาหยังๆจ้า ต้องเห็นรูป ฮ่าๆๆๆ

[paula]

ว้าวว... ก้อยปลาดิบ ลองทำบ้างดีกว่า เมนูปลาของมักเลยน้อง

เชฟสาวตาฮักอีหลี สไตล์คิกขุ จป. จป. 55555+

[lungyai1123]

อัยยะส่ำกินปลดิบอีหลีหละเน๊าะบ่มีพริกป่นข้วคั่วเลย
แต่ถ้มันไดที่ได้ทางแล้วคือสิไปกันได้อยู่หละ

[มะเหมี่ยว]

เป็นตาแซบจร้าเห็นหน้าตาแล้ว...........

[สุดสาคร]

เอาไปขั่วก่อนใด้บ่อครับ เคยกินแต่ใส่ข้าวขั่วหัวหอมพริกป่น....

[ร้อยหมื่นพันไมล์ไกลบ้าน]

คุณณัฐ มื้อนี้ส้มตำ คอหมูทอด ข้าวเหนียวค่ะ เมนูเวียนๆสลับๆกันไป ถึงสิบ่เบื่อเนาะค่ะ ซาซิมินี่นานๆกินที กินทุกมื้อบ่ไหวคือกันค่ะ

มิค รอชมลาบปลาทูน่าเด้อค่ะ เดี๋ยวสิลองเบิ่งคือกัน เฮาว่าเฮ็ดแบบพล่ากุ้งคือสิแซบอยู่คือกันค่ะ

น้องหนุ่มลาวฯ เอื้อยเอาสูตรเพิ่นมาเฮ็ดลาบปลาอยู่คือกันค่ะ ใส่บักนาวแทน อิอิอิ

พี่ปุ้ย ลองเลยค่ะ ส่วนผสมบ่หลาย กินแกล้มไวน์พี่ปุ้ยคือสิเข้ากันหลาย อิอิอิ

ลุงใหญ่ แซบคือกันค่ะ แต่คึดฮอดแบบบ้านเฮาหลายกว่าเนาะค่ะ

น้องมะเมี่ยว ลองเบิ่งเด้อค่ะ เครื่องบ่หลาย รับรองไผมักซาซิมิกะสิมักแบบนี้คือกันค่ะ

น้องสุดสาคร ปลาทูน่าสุกเนื้อสิแข็งค่ะ บ่แซบเท่าดิบค่ะ(คหสต อิอิอิ)