แวะชิมริมทาง ตอนข้าวเม่าแท้ๆของฝากจากน้ำโสม

[บักขามป้อม]

สุขขีหมั้นเสมอมันเครือเก่า
บ่(ค่อย)ได้จาปากเว้า นำอ้ายบ่แม่นลืมดอกเด้อ...







ต่อเนื่องจากที่อ้ายเต็มเลากะได้พาไปทำบุญกับพี่น้องทางอำเภอน้ำโสมแล้ว
กะฮอดกำหนดที่สิต้องเดินทางไปยังอำเภออื่น จังหวัดอื่นแล้วจ้า





ก่อนเมือกะบ่อยากน้อยหน้าอ้ายเต็มเลา ที่ว่ามีบ้านเสี่ยวอยู่แถวนี้
ขามป้อมกะอยากอวดว่ามีบ้านพี่น้องอยู่แถวๆ บขส.น้ำโสมคือกันจ้า อิอิ









กว่าจิเก็บของแล้วในมื้อสุดท้ายกะเดิกประมาณสามทุ่ม เทิงอยากได้ข้าวเม่าไปฝากเฒ่าแม่กะเลยพากันตัดสินใจหาหม่องนอนแถวๆนั้นจ้า

เก็บเอาภาพบรรยากาศที่พักแถวๆนั้นยามเช้าๆมาฝากจ้า ช่วงนี้เป็นปลายฝนต้นหนาว
ทางอำเภอน้ำโสมเพิ่นอยู่ติดภู กะเลยหนาวเร็วจักหน่อย ยามเช้าๆมีหมอกจางๆ




มีกอหน่อโจดนำเด้อจ้า "ฝากให้เป็นพิเศษสำหรับอ้ายบ่าวเมืองร้อยเกาะ"
และพี่น้องที่บ่เคยเห็นกอหน่อโจดจ้า











ต้นอันนี้อ้ายเต็มเอิ้นว่า "ต้นหมากแข่วเลื่อย"ตอนเป็นเด็กน้อยเพิ่นพากันดูดกินน้ำหวานจากดอกมันพานะเลาว่า

ขามป้อมกะบ่ฮู้จักดอกจ้า ย้อนว่าเกิดใหม่ใหญ่ลุน







แล้วกะออกเดินทางกันต่อจ้า พิกัดที่บ้านกลางใหญ่ ห่างจากตัวอำเภอน้ำโสมประมาณสิบกิโลนิดๆ แวะซื้อข้าวเม่าแท้ๆไปฝากเฒ่าแม่จ้า





ข้าวเม่าแท้ๆ คั่วแล้วกะตำแบบสดๆมื้อต่อมื้อ บ่ได้ผสมสี หรือสารใดๆที่สิเฮ็ดให้เสียรสชาติของข้าวเม่าไป มีเทิงข้าวเม่าอ่อน ข้าวเม่าแก่ เลือกซื้อกินได้ตามอายุและสภาพของแข่ว :l-







นอกจากข้าวเม่าแล้วกะยังมีข้าวเขียบ หรือว่าข้าวโป่งขายพร้อม
มีเทิงแบบขางแล้ว กับเอาไปขางเองอยู่บ้าน






ข้าวโพดข้าวเหนียวต้มใหม่ๆฮ้อนๆกะมี ขายตั้งแต่สิบบาทขึ้นไปจ้า






ได้ของฝากแล้วกะเดินทางไปยามเฒ่าแม่จักสองมื้อ เก็บภาพบรรยากาศข้าวพอดีเฮ็ดข้าวเม่ามาฝากจ้า



งานนี้สงสัยเป็นข้าวดอ ย้อนว่าพอเกี่ยวแล้ว ไคแหน่ตะว่าปีนี้น้ำแก่งขึ้นไวลงไว พี่น้องเพิ่นคือสิได้กินข้าวอยู่ดอกจ้าปีนี้

ขอบคุณสำหรับพื้นที่แบ่งปันจากเว็บบ้านมหาดอทคอมจ้า

ไกลกะขอให้ไกลแต่บ้านฮั้วไฮ่นาสวน
ไกลกะขอให้ไกลแต่มวลหมู่เฮือนกับเล้า
ส่วนว่าวาจาเว้าสองคนเฮาอย่าได้ห่าง
ต่างคนแม่นสิอยู่ต่างบ้านควมเว้าอย่าห่างกัน เด้อพี่น้อง:l-

[จ่าเหลือง]

บรรยากาศ ครกตำข้าวเม่า คึดฮอดบ้าน เด้ ตอนนี้ ได้ข่าว กรรมวิธีการเฮ็ดข้าวเม่า ใช้ เครื่องจักรเข้ามาช่อย แบบ ในภาพ เครื่องคูโบต้า นวัตกรรมใหม่ สุดยอด

[จำปา]

อยากกินข้าวเม่า อิอิ

ทางบ้านกะเอิ้นดอกแข่วเลื่อยคือกัน เก็บดอกมากินกับแจวกะแซบดีค่ะ มันๆ
หน่อโจดกับหน่อเพ๊กแม่นแนวเดียวกันบ่ค่ะ เคยเห็นยุค่ะยุเลาะบ๋าเลาะโคกหล้ายหลาย (แต่ก่อน)หน่อนางดินขาวๆเอามากินสดๆกะได้ อิอิ
ขอขอบคุณค่ะสำหรับภาพบรรยากาศทางอีสานเหนือมาสู่เบิ่งค่ะ

[สุดสาคร]

เข่าเหม่าเป็นตาแซบครับ คิดฮอดบ้านขึ้นมาจ้าวๆ เลย

[suny]

บรรยากาศดีเนาะครับ สมัยก่อนสารคามขายหลายข้าวเม่า ซุมื้อบ่ค่อยเห็นแล้ว เดินทางดู๋กะระมัดระวังเด้อครับขอให้เดินทางปลอดภัย ค้าขายขอให้ได้กำไรดีๆครับ

[หนุ่มน้อยศรีสะเกษ]

สวยงามได้บรรยากาสคักน้องคิดฮอดบ้านเด้ อยากกิข้าวเม่านำ

[หนุ่มลาวสาวขะแมร์]

ได้กินแต่เข่าเหม่าปลอมครับ ใส่บักพร้าว เขียวใบเตย มีขายเปิดปี บ่แซบดอก

เข่าเหม่าแท้จำได้บ่ลืม ต๊ะเป็นเด็กน้อย ที่นางเอกหมอลำเพิ่นฮ้อง "เข่าเหม่าบ่ดีมันเป็นขี่แมว มันเป็นขี่แมวมันกินบ่แซบ"

เข่าเหม่าหอมและแซบ

[ณัฐ ภูไท]

ข้าวเม่าเขาเจ้าจังแม้นคักเนาะน่ากินหลายสีกะงามนำตำกันสดๆๆขายสะออนขามปอ้มเนาะได้กำไลหลายไปตรงนั้นมั่งตรงนี้มั่งชีวิตบ่ต้องเซ็งอยู่ที่เก่าๆๆเนาะจ๊ะ:*-:*-:*-

[ร้อยหมื่นพันไมล์ไกลบ้าน]

คิดฮอดข้าวเม่าบ้านเฮาค่ะ หอมๆ อออยย ทรมานคนไกลบ้านแท้น้อ ฮ่าๆๆ

[sompoi]

ฮ่าๆๆ เป็นตาฮักเนาะคู่นิ ....
ฝากบอกแน่ะด๊าป้อม ว่าร้านขายของอยู่บขส.หม่องนี้นี่ล่ะ(ขี่มอไซค์ไป๓นาทีจากบ้านเอื้อย)
เอื้อยไปอุดหนุนเครื่องดื่มตลอด บ่ว่าสิเป็นเบียร์หรือน้ำเปล่า น้ำแข็ง อิอิ..บัดได๋แท้บ้านบักหล้าบ่าวน้ำโสมเนาะ..

ส่วนหมู่บ้านหม่องขายข้าวเหม่า เอื้อยนั่งรถผ่านสิเข้าอุดรฯ เห็นจนชินแล้ว เลยลืมบอกไปแม๋ะ ตั้งแต่เพิ่นยังใช้ครกมองตำอยู่พุ่นจ้า ...

กะนั่งรถผ่านไป ผ่านมาเส้ย เอื้อยกะดาย...