หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

หัวข้อ: เลาะริมโขง ชมเมืองงามมุกดาหารสู่สะหวันนะเขต

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928

    Picpost ดูรูปภาพ เลาะริมโขง ชมเมืองงามมุกดาหารสู่สะหวันนะเขต

    ไก่น้อยวางแผนการท่องเที่ยวว่าสิเดินทางเส้นทาง มุกดาหาร เข้าสะหวันนเขต -อุบล (เข้าปากเซ) มีเวลาท่องเที่ยวรอบนี้ประมาณ5 มื้อ
    เริ่มต้นเส้นทาง ไก่ใช้เส้นทาง กาฬสินธุ์-มุกดาหาร ผ่านไปทาง อ.โพนทอง โพธิ์ชัย (ร้อยเอ็ด) ไป อ.บัวขาว (กุินารายณ์ ) ไก่เบิ่งเคยไปเทื่อแรก ถนนเส้นนี้สวยงามหลายจ้า
    รถกะบ่หลาย ถนนกะบ่มีปัญหา ชมวิวทิวทัศน์ไปนำจ้า
    ขอเชิญลูกทัวร์ ขึ้นรถเลยจ้าไปนำกันๆ :l-


    สองข้างทางร่มรื่น ต้นไม้ ป่าเขา นาข้าว สวยงามดีจ้า


    รู้สึกมักถ่ายภาพแบบรถแล่น มองป้ายข้างทางไปนำจ้า



    ถึงแล้ว สะพานข้ามแม่น้ำโขงแห่งที่2 สวยงาม สงบ และแฝงไปด้วยเสน่ห์ของพื้นที่เนาะจ้า


    พระยานาค คู่กับแม่น้ำโขงมาเนิ่นนาน


    ไก่น้อยพาอิพ่อเลาะกินข้าว ย่างเล่นตลาด กะค่ำพอดี หาหม่องนอนได้ยุตลาด รร.ฮั่วนำ
    ราคาห้องพัก 350 บาทต่อคืน มี Wireless ให้เล่นพร้อม ห้องกะเป็นเตียงคู่ คือหอพักนิหละจ้า สมราคายุจ้า อิอิ

    ตื่นเช้าๆมาย่างเล่นริมโขง พาอิพ่อมาแอโรบิคนำเพิ่น เฮดโตให้กลมกลื่นเป้นไทเมืองมุก อิอิ


    เต้นพ่อเต้น เต้นให้เข้าจังหวะนำเพิ่น ฮ่าๆๆ :l-




    หออิหยังบุนิจ้า บ่ได้อ่านชื่อมา


    เต้นแล้วกะหิวสั่นตั้วเพิ่น ไส้กรอกเมืองมุกแซบขนาด ฮ่าๆๆ


    ติดคอกะกินน่ำล่องลง


    นายแบบข้อย


    ริมโขงอีกภาพจ้า


    มือใหม่หัดกดภาพ พี่น้องอิสาเบิ่งเอาเด้อจ้า ไปยืนเบิ่งท่าเรือเพิ่น อิพ่อ อิแม่ตาย้านหลาย จ้างขะน้อยกะบ่ลงเรือข้ามฝั่งดอก ตาย่านๆ


    ทริปมุกดาหารเมืองงามริมโขง เอาไว้ส่ำนี้ก่อนเนาะจ้า มื้ออื่นไก่น้อยสิพาข้ามไปเที่ยวสะหวันนะเขต ไปไหว้พระธาติอินฮังนำกันจ้า
    ขอบคุณบ้านมหา ขอบคุณพี่น้องที่เข้ามาเม้นท์มาเบิ่งนำกันจ้า

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928

    เข้าสู้สะหวันนะเขต ไหว้พระธาตุอินฮัง

    ตื่นเช้าไก่น้อยกะไปติดต่อด่าน เพื่อสิเอารถข้ามไปเที่ยวทางฝั่งลาว
    แต่ไก่น้อยพลาดจ้า เจ้าหน้าที่เพิ่นบอกว่า ถ้าสิเอารถข้ามไปต้องไปทำเรื่องยุขนส่ง
    แล้วกะต้องเสียค่าะรรมเนียม คันละ1พันบาท และมื้อนี้เป็นวันศุกร์ คงจะต้องใช้เวลานาน
    ว่าซั่น (แม่นต้มลาวบ่ดอก)
    ไก่น้อยกะเลยตัดสินใจ เหมารถตู้ เข้าไปเที่ยวในราคาสองพันบาท เพิ่นดูแลดีมากเลยจ้า
    คุ้มค่าเงินสองพันยุจ้าพี่น้อง คนขับชื่อพี่เอก ใจดีเว่านัวหัวม่วนจ้า :l-


    พากันเฮดหนังสือผ่านแดนนชั่วคราว คนละ 30 บาทจ้า


    ค่าเอารถข้ามไป ฝั่งบ้านเพิ่น


    ปะกบสาวลาว ฮ่าๆๆ (เปลี่ยนใส่ผ้าถุงเข้าัวัดจ้า )


    ดอกไม้ กระทง เพิ่นมีขายยุที่วัดชุดละ20บาทจ้า


    ไก่น้อยรู้สึกถึงความรักศอลปะวัฒนธรรมแบบลาว แต่สมัยน้อยๆอิแม่กะบอกไปวัดไปวาให้นุ่งซิ่นไป แต่สูมื้อนิบ้านเฮากะตามยุคคือว่าหละจ้า (ค้านจ่ม ฮ่าๆๆ)


    บริเวณรอบๆในเขตรั้วด้านในพระธาตุเพิ่น ห้ามสตรีเข้าไปว่า่สาน...


    สิมเก่าๆที่ยังคงงดงามยุจ้า


    อิพ่อ มองพระรอบๆกำแพงวัด (คิดอิหยังยุดอกเลา)


    อ้ายศรีสะท้านไปไสน่อ มาอ่าน-แปล ให้น้องฟังแน้ ได้ใบที่เก้าแต่อ่านบ่ออก ฮ่าๆๆ


    ไก่น้อยหิวข้าวหลาย เลาะหาร้านอาหาร ไปกินข้าวก่อนเด้อจ้า ถนนบ้านเพิ่นรถบ่ติด แต่ขับรถยากหลาย มอไซด์บ่ค่อยมีระเบียบจ้า :l- (มีจ่มๆ)

  3. #3
    เที่ยวพร้อมหน้าพร้อมตาครอบครัวน้อค่ะ คิดฮอดบ้านเด้ค่ะ อยากไปเที่ยวคือกันค่ะเมืองลาว เคยไปถึงนครพนมแต่บ่เคยข้ามฝั่งไปเลย เพิ่นว่าสาวลาวเป็นตาฮัก อิอิอิ

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    น่าไปเที่ยวคือกันเนาะทางฝั่งพุ้นบรรยากาศกะยังมีความเป็นทรรมชาติคักยุบ่เลาะขึ้นไปทางหลวงพระบางนำทางพุ้นกะงามหลายน่าเที่ยวคือกันขอบคุณจ๊ะที่เอารูปมาแบ่งปันให่ได้เบิ่งได้ชมนำ:*-:*-

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    คุ้มคักเนาะไก่น้อยรอบนี้ ได่ไปเที่ยวทางลาวแม๋ะ
    เถ่าพ่อเล้าคือสิม่วนเนาะเบิ่งทรงสิลืมเมื่อยพุ่นล่ะ ..

  6. #6
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    530


    ขอเดาภาษาลาวเด้อครับเอื้ย มีบางคำว่าบ่เป็น

    กัณฑ์ที่ 9 ชื่อว่า มะที(มัทรี)

    ตกกันนี้ นางมะทีเศร้าโศก
    วิปะโยกพ้อ ตำต้องถืกนาง
    เพราะบ่เห็นลูกน้อย สองอ่อนบุตรา
    คือสาลี(ชาลี)กันหา ที่ถึกทานไปแล้ว
    กันละยาแก้ว โสกาไห้ฮ่ำ
    ถามเพิ่นผู้ ผิวแก้วก็บ่จา
    นางป่่วงบ้า เดินคว้าแสวงหา
    บ่เห็นสองบุตรา อ่อนแรงกอยกั้น
    โทมะนังแค้น สะหลบลงล้มต่าว
    นอนมอดม้อย คาว....ก็จึ่งคืน (น้อน, นั้น )
    เจ้ามันตก...พัด พากหนีไกลข้าง
    เจ้าอย่าวางเวนให้ ของแพงให้ผู้อื่น
    มันซินำเหตุร้าย มาเข้าสู่ตัว

    (....)หม่องนี้บ่ได้อีหลีครับ หาคำสิเว้าบ่ถึก
    แก้ไขครั้งสุดท้ายโดย หนุ่มลาวสาวขะแมร์; 15-10-2012 at 16:27.

  7. #7
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    เข้าท่ายุเอื้อยใส่สิ่นลาวนะแต่....พ่อเลาคือยืนตรงแท้ปานเคารพธงชาติเลยเจ้

  8. #8
    ศึกษาหาความรู้ สัญลักษณ์ของ kaohom
    วันที่สมัคร
    Apr 2010
    กระทู้
    168
    น่าเที่ยวจ้าพี่ไก่น้อย เงินไทยบ้านเฮากะเอาไปใช้ยุลาว
    ได้เลยติจ้า

  9. #9
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    พระธาตุเมืองเพิ่นฝั่งพุ่นยอดกะคือพระธาตุพนมของนครพนมเน๊าะครับคุ้มหลายได้ข้ามไปฝั่งนั่นแล้ว

  10. #10
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    ไปทุกอาทิตย์ ทั้งเส่นทาง กาฬสินมุกดาหาร และผ่านสะพานมิตร และตลาดอินโดจีน แต่กะบ่ได้แวะ ได้ข้ามไปจักเทื่อ มีโอกาสงานบ่รัดโตสิแวะยุดอกครับ เบิ่งภาพให้อยากหลายๆ สาก่อน

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •