แกงหน่อไม้ส้มใส่เนื้อ

[ร้อยหมื่นพันไมล์ไกลบ้าน]

แกงหน่อไม้ส้มใส่เนื้อ

เมนูรีเควสจากคุณโค่โม่(Como) เพิ่นอยากได้สูตรแกงหน่อไม้ส้มใส่เนื้อแบบอิสาน ทางนี้เลยได้เมนูพอดีค่ะขอบคุณหลายๆค่ะ
ได้สูตรบางส่วนก็จำมาจากยาย ซึ่งภาคอิสานแต่ละท้องที่อาจจะมีวิธีการบ่คือกันค่ะ
และบางส่วนจากอ้ายพลคนบ่เถ่า อิอิ ขอบคุณหลายๆเด้อค่ะ



เครื่องปรุง

เนื้อ และผักจากสวนครัวน้อยๆ คงสิเป็นรุ่นสุดท้ายที่ได้เก็บก่อนหนาวค่ะ หอม พริก ผักอิตู่(ใบบ่งามเริ่มมีจุดแห้ง) ตะไคร้ทุบ หั่นเป็นท่อน


และหน่อไม้ส้มล้างให้สะอาด เป็นหน่อไม้กระป๋อง ลองมาเกือบทุกยี่ห้อ ที่บ่แข็งเป็นต้นไผ่คือยี่ห้อพันท้ายฯเด้อค่ะ(บ่ได้ค่าโฆษณาเด้อค่ะ)


วิธีทำ

โขลกเครื่องแกง พอละเอียด


รวนเนื้อพร้อมพริกเครื่องแกง ใส่น้ำพอขลุกขลิก เติมน้ำปลา น้ำปลาร้า


ใส่ตะไคร้ทุบ หอมทุบ จนน้ำงวด


เติมน้ำ รอให้เดือด ใส่หน่อไม้ส้ม


ต้มต่อจนเดือด แล้วใส่ผักอิตู่ ใบมะกรูดฉีก แล้วยกลง


ซดฮ้อนๆตอนควันพวยพุ่ง หอมฟุ้งไปทั่วบ้านเลยค่ะ


ลงเพลงให้เข้ากับบรรยากาศน้อค่ะ คิดถึงพ่อ คิดถึงแม่ คิดถึงบ้าน

[4SHARED]http://www.google.co.th/embed/1036204781/931ee945[/4SHARED]

[ณัฐ ภูไท]

เป็นตะแซ่บเนาะเมนูชุดนี้มักคือกันแกงเนื้อใส่หน่อไม้ส้มเบิ่งสีสันก็น่าแซ่บยุจ๊ะ:*-:*-:*-

[sompoi]

ได่สูตรใหม่อิกเมนูแล้วบาดนิ ขอบใจสำหรับสูตรจ้าหน่อย
ตะกี้มีแต่บ่าวปอบพาเฮ็ดดอกแนวอ่อมๆ แกงๆลาวนิจ้า
บาดนิขี้ค้านหลายหรือได๋บุ มิดอิ่มสิ่ม ..

[pcalibration]

ขอบคุณครับคนบ้านไกล..เคล็ดบ่ลับ...สำหรับเมนูแกงเนื้อใส่หน่อไม่ส้ม
ถ้าแกงตอนมื้อเย็นต้องไปกินตอนมื้อเช้าของอีกวันถึงจะอร่อย
ภาษาแบบบ้านๆกะคือต้องอุ่นก่อนถึงจะได้รสชาต
..ไม่เชื่ออย่าลบหลู่..ถ้าอดรนทนบ่ได้ กะอณุญาต กินเลยได้
และเหลือไว้อุ่นกินตอนมื้อเช้า ดูว่ารสชาดมันสิต่างกันบ่....
:l-:l-:l-:l-:l-:l-:l-:l-:l-:l-:l-

[lungyai1123]

มาเป็นตาอร่อยแท่ไปอยู่ไสกะยังหันกลับมาเฮ็ดอยู่เฮ็ดกินคือเก่าน้อคนบ้านเฮา
อาหารทางพี้บ่แซบซั่นบ้อจั๊งค่อยได้เฮ็ดอาหารบ้านเฮาแมนยุเพราะกินแล้วมันอิ่มดน

[suny]

เป็นตาแซบครับเห็นแล้วกะหิวข้าวละ บ่ได้กินดนแล้วบาดนี้ละสิได้ไปแกงกิน ลืมคิดพ้อว่าแกงเนื้อใส่หน่อไม้ส้มมันแซบ เพิ่นเฮ็ดแนวกินเก่งเนาะครับ เห็นพริกแล้วมาเป็นตาตำแจ่วแซบแท้ครับ

[คำพอง]

ขนาดใส่เนื้อยังเป็นตาแซบปานนี้ ถ้าใส่ซี้น คือสิคักเนาะ

[มะเหมี่ยว]

เป็นตาแซบจร้าพี่หน่อย............หน่อไม้ส่มนี่แนวมักแกงใส่หยังกะแซบเนาะจร้า
แต่ว่ากินแล้ว เจ็บท้องตลอด ตะกะกินคือเก่า..........ย้อนว่ามัก

[พล พระยาแล]

วางซ้อนแน สิซดต่อ....อิอิ .....แซบ

[บ่าวจัย]

เป็นตาแซบแท้น้อ มื้อแลงไปซื้อมาเฮ็ดกินก่อนน๊า