หลังจากได้เบิ่งหอไอเฟลไปแล้ว กะขอต่อด้วยการล่องเรือค่ะ อันนี่บ่เว้าหยังหลาย ขอบรรยายตามภาพเอาน้อค่ะ :l-
เบิ่งหน้าตาเรือก่อนว่าจะไปลำใด๋ดี เดี๋ยวสิไปสะเทือนสุภาษิตที่ว่า "บ่เบิ่งตาม้าตาเรือ"
เรือลำสีเขียวๆน่ะเป็นเรือสำหรับคนมักกินข้าวลอยน้ำ เป็นจั่งใด๋กะบ่ฮู้ค่ะบ่เคยขึ้น
ลานใต้สะพานด้านหน้าหอไอเฟลค่ะ จะมีท่าขึ้นเรือกันหลายท่าแล้วแต่เฮาสิเลือกขึ้นค่ะ แต่ลานมีขั้นบันไดเป็นตาลอยกระทงดีเนาะค่ะ
กะเลยเลือกขึ้นเรือลำนี่ค่ะเพราะว่าเบิ่งตาเรือดีแล้วค่ะ
ลงเรือแล้ววิวแรกที่ถ่ายกะคือหอไอเฟลล่ะค่ะ
Palais Bourbon พระราชวังบูร์บอง สร้างสมัยหลุยส์ 14 (คศ. 1722-1728) แต่ปัจจุบันถืกยึดเป็นสมบัติของชาติ
และนี่กะคือต้นแบบของ White House ค่ะ
ปกติแม่น้ำกะสะอาดดี แต่เป็นคนที่เฮ็ดให้แม่น้ำเสีย บ่ว่าอยู่ใส่ทั่วโลก
ขอจ่มแน
pont Alexandre lll สะพานอเลกซานเดอร์ ที่ 3 ความสำคัญคือเบิ่งแล้วงามตา อิอิ บ่แม่นงามตามอย่างเดี่ยวค่ะ แต่เป็นสะพานประวัติศาสต์รัสเซีย-ฝรั่งเศสค่ะ เว้าง่ายๆกะคือ"สะพานมิตรภาพรัสเซีย-ฝรั่งเศส" และเป็นสะพานที่ข้ามไปพิพิธภัณฑ์ทหาร
ด้านนี้จะเป็นสัญญาลักษณ์ของฝรั่งเศส
และอีกด้านหนึ่งจะเป็นสัญญาลักษณ์ของรัสเซียค่ะ
หนิกะอีกวิวหนึ่งของฝั่งแม่น้ำเซน
เรือทหารดับเพลิงทางน้ำค่ะ
หนิกะเป็นพิพิธภัณฑ์แสดงศิลปะต่าง แต่ก่อนเป็นสถานีรถไฟ ส่วนป้ายนั่นเป็นป้ายโฆษนาเด้อค่ะ
Bookmarks