บ่าวสารคามกลุ้ม(กลุ้มแบบมีตำนาน)...ครับ

**บ่าวหัวเขียง** · 12-10-2012, 09:18

.....สารคามขอนแก่น เส้นทางใจสลาย จากอุดรฮอดหนองคาย ศักดิ์สยามพ่อเคยซ้ำ
ถึงลำโขงสิมากั้น กะดั้นฮอดน้อเวียงจันทร์
แต่สุมื้อนี้นั้น ผุสาวเผิ่นทันสมัย เข้าเมืองหลวงศิวิไลย์ เอ้ปานดาราโก้
หลงลืมโตแล้วถิ่มถิ่น คิดโบยบินอยู่เทิงฟ้า ปานว่าเจ้านั้นเชื้อหงษ์
พลัดเข้าไปสู่แดนดง น้ำประปาป่าคอนกรีต ลัยลืมบ้านผ่านอดีต ไปพบพ้อบ่าวผุใด๋
เสื้อผ้างามซื้อให้ใส่ กำไรแขนขากะพอง นำคอน้องสีเหลืองเหลือง
หรือว่าทางน้องนั้นเตื้อง ไปฮอดเมืองพัทยา นั่งตามคลับอยู่ตามบาร์ คองคอยถ่าผุมาเทียว
ลืมข้าวเหนียวเคยปั้นจ้ำ ไปสุขล้ำอยู่แจใด๋
หรือว่าทางน้องได้ ข้ามทะเลไปต่างแดน พอมีกิ๊กกะลืมแฟน ท่งนาแห้งกะแห่งเหงา
คำจ๊ะจ๋าเคยจาเว้า ฮักสองเฮาสิมั่นแก่น ซางลืมแฟนซางลืมชู้ ให้อดสู่เหลือขนัด
งานกาชาดของจังหวัด ฮอดงานวัดกะสำคัญ เคยเลาะเทียวอยู่นำกัน ซางมาลืมหล่าคำแพง
เทิงหมอลำมาแสดง หนังกลางแปลงจอบักใหญ่ กะลืมใด๋น้อผุสาว
อ้ายวิงวอนขอให้เจ้า คืนบ้านเฮาแนเด้อนาง ให้หลูตนผุคอยทาง ย่านฮักม้างเพราะห่างไกล
ย่านแต่เจ้านั้นปันใจ ปล่อยให้อ้ายหลงคอยถ่า คอยเครือฟ้าแต่ผุเดียว...คำเอย

**PLA2KEM** · 12-10-2012, 09:49

บอกชื่อนำแนเด้อครับ ผมจะซอยตามหาให้ อยู่แถวไหนของ พัทยาน้อ

**บ่าวหัวเขียง** · 12-10-2012, 09:56

ชื่อ...เครือฟ้า...ม่วนบ่ครับ

จักไปอยู่แจใด๋ครับบอกบ่ถืก

อ้ายปลาทูอยู่พัทยาแถวใด๋ครับ(ผมไปอาทิตย์ละ2เทื่อ(พัทยาเหนือครับ))

**ธิดายาเย็น** · 12-10-2012, 10:26

บ่แม่นเพิ่นเปลี่ยนชื่อจาก เครือฟ้า ไปเป็น เชอร์รี่..แล้วบ่จ้าปานนี้..:l-

**บ่าวหัวเขียง** · 12-10-2012, 10:34

ย่านแม่นอยู่ครับ...อยู่บ้านเอิ้น...(หวึ่ง)

สาวซ่า...พุ้นเด้...(นางไอ่เนาะ)

**คนจนผู้ยิ่งใหญ่** · 12-10-2012, 13:50

ขอมอบเพลงนี้ให้กะแล้วกันเด้อครับ

ลิขสิทธิ์บน YouTube Credit By : https://www.youtube.com/watch?v=MpweqbLs7hM

**lungyai1123** · 12-10-2012, 15:21

เครือฟ้ากะม่วนบ่พออาจหาบ่พ้อติบ่ยากดอกบอกให้ขะเจ้าซ่อยหาเอาเผื่อเาเปลี่ยนชื่อใหม่

**เขย ตระการ** · 12-10-2012, 15:59

ปานนี้บ่แมนเพิ่นไปอยู่เมืองนอกล่ะบ้ออ้าย...

ปล.มันแมนผู้สาวคนเดียวกันบ่ครับกับที่อ้ายถ่าอยู่รถสายบ้านแพงนั่นนะครับ
ถ้าบ่แมน...แสดงวาอ้ายคือสิมีผู้สาวหลายคักเนาะครับ...