อ่อมหอยจู๊บ

[ชิงช้าชาลี]

หอยขม แต่ทางมหาชนะชัย เอิ้น หอยจูบ เอามาต้มใส่ใบบักขามอ่อน น้ำปลาร้า ตะไคร้ แล้วกินกับตำบักหุ่ง บ่เปลืองข้าวเลยเพราะมัวแต่แคะหอย

มื้อนี้เพิ่นอ่อมใส่ข้าวคั่ว ผักอีเลิด หรือใบชะพลู ผักชีลาว ผักกวางตุ้ง ผักอีตู่ พิเศษ อ่อมแบบแกะเนื้อหอยออกมาแล้ว บ่ต้องจูจุ๊บ ดูดก้นหอย

[sompoi]

ออนซอนนำเด้เนาะ ซดฮ้อนๆกับตำหมากหุงเผ็ดๆ.. เหย๋ยย..น้ำลายไหย๋...

[คุณฉุยเลย]

ขอซดนำจักคำแด่เด้อพี่น้อง เป็นตาแซบคัก

[มะเหมี่ยว]

อ่อมบักหอยนี่ได้กินตะผักล่ะจร้า.............เพราะว่าจุฟฟฟฟบ่เป็นอิอิ

[ชิงช้าชาลี]

แม่นอยู่จ้ามะเหมี่ยว เวลาดูดก้นบักหอยถ้าลมบ่ดีอีหลี กะดูดบ่ออก หรือถ้าดูดแฮงโพดกะแล่นลงคอ
สะมักบักหอย หันใจกะบ่ออก

พี่Sompoi ,คุณฉุยลุย กินเผื่อแล้วเด้อจ้า

[บ่าวจัย]

สิให้แงบต้องได้ดูดครับมันจั่งแซบ

[pcalibration]

มันต้องแกงพร้อมกับเปลือกครับตัดก้น บ่แหม่นจิ้มเอาแต่หัวมันมาแกง
ขาดรสชาตในการรับประทาน กินหอยขมมันต้องจุ๊บจุ๊บ เลยเป็นที่มาของ
..รักนะหอยขม.(รักนะจุ๊ฟจุ๊ฟ)555555

[สุดสาคร]

อันหอยจูบ นี่ต้องใช้พลังในการจูบต้องใช้แรงที่ออกมาจากใส้ติ่ง อ่อมใส่เข่าเบือหลายๆ ต่อยก้นหอยนำ สุกแล้วเข่าเบือกะไปอัดยูนำปากหอย จูบแล้วนัวขนาด พะนะ:l-

[ณัฐ ภูไท]

น่ากินเนาะแกงหอยจุ๊บแกงทั้งเปลือกคือหมู่เพิ้นเว้านั้นกะได้รสชาดดีแกงแบบนี้กินง่ายแต่กะบ่คักคือตัดก้นหอยแกงทั้งเปลือกเนาะโบราณเพื้นจั๋งว่ากินหอยข้าวยังกินหนังเค็มข้าวเมิดเนาะ

[บ่าวชัยภูมิ]

อยากกินแท้น้อนิ ส่ง ems ได้บ่น้อนิ คึดฮอดตอนจูบหอยให้โตออกมา