ผญาพอสำนี้

[เซียงข่อล่อ]

เชียงข่อล่อขอกล่าวถ้อยแถลง ยามมื่อแล้งเข้ามาบ้านมหาหม่องนี้
ย้อนยากมีควมฮู้ เก็บผญาให้เต็มปูม มาพ้อซุมอาจารย์กล่าวผญาหม่องนี้
ข่อยหล่ะมักหลายเด่ มักหลายเด้ หม่องนี้
ไปเที่ยวมาหลายเว็ป มีแต่เฮ็ดให้เจ็บ(เจ็บตาแนมหลาย) บ่คือหม่องนี้

ฮ้วย คือเป็นจั่งซี้น้อ.....ซอยเซียงข่อล่อเว้าผญาแน่เด้อ

[ตะวันนา]

.....มาเด้อเซียงข่อล่อรูปหล่อคนอีสาน อย่าสุมัวย่างผ่านย่างเลยเฮื้อนน้อย
เข้ามาจอย...มาจาต้านผญา คันแม่นเก่งแล้วหนา....สอนคะน้อยนำเด้อเจ้า....อิอิอิ

[เซียงข่อล่อ]

สาวเอยอย่าสิมา จาล้อ ให้เซียงข่อล่อนั้นคึดหลาย สาวผูเพิ้นคนไค อย่าสุมาจาต้าน
เซียงข่อล่อคนขี้ค้าน ฮูปฮ้ายซำกับผี ดำกะดำขี้หมี่ ปานถ่านไม้บักโก.....พู้นได๋...สาวเอยย

[ตะวันนา]

.....ดำ...กะดำแต่กาย ใจอย่าดำเด้อคุณพี่ ให้มันใสม่อง...ม่อง คือใจน้อง กะส่ำกัน เด้ออ้ายเด้อ.....อิอิอิ