กำลังแสดงผล 1 ถึง 3 จากทั้งหมด 3

หัวข้อ: สุดท้ายคืออ้ายเจ็บ

  1. #1
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201

    อายหน้าแดง สุดท้ายคืออ้ายเจ็บ

    สาวเอ๊ย
    เจ็บเหลือเกินสาวเมินหน้า ได้วิชา"อกหักศาสตร์"ตื่ม
    เจ้ามาลืมอ้ายเหมิดแล้ว หัวใจแป้วหล่นลงดิน
    ความสัมพันธ์คงจบสิ้น เจ้าถวิลหาคนใหม่
    ตัดเยื้อใยกับบักอ้าย คนฮักพ่ายใจระทม
    เจ็บระบมโทรมคิงไข้ ในหัวใจแตกดัง"พาง"
    ในเมื่อนางเจ้าถิ่มอ้าย ผลสุดท้ายคืออ้ายเจ็บ ทอนั่นละนาง
    :l-:l-:l-

  2. #2
    ศึกษาหาความรู้ สัญลักษณ์ของ บ่าวหัวเขียง
    วันที่สมัคร
    Jun 2012
    กระทู้
    406

    ไผเจ็บกว่ากัน...(ปลาทูเค็ม กับ บ่าวหัวเขียง)

    ฮักเจ้าหลายอยากอายเว้า สักลายเอาไว้ระลึก
    ให้คอยนึกเห็นแต่หน้า สาว"เครือฟ้า" นั้นผุเดียว
    บ่มีไผมาเกี่ยวข้อง ให้หมองเศร้าเมื่อยหัวใจ
    บาดห่าเจ้ามาจากอ้าย แขนข้างซ้ายเฮ็ดจังใด๋
    มันบ่ลบออกไปได้ คอยตำใจ สุเช้าค่ำ...คอยตำใจ สุเช้าค่ำ

    บาดแต่พอสิลืมได้ สิไปหาจีบผุสาวอื่น
    เขาสิบ่ตื่นท้วง แขนข้างซ้าย อ้ายบ่น้อ
    หึเอาผ้าห่อไว้ ว่ามดแดงมันกัด
    หึเอาผ้ามามัด บอกหมากัดพอเหลินๆ
    อายเผิ่นเอิ้น ว่าหลายใจ คือผุลังคน

    (เวรกรรม...อยากตัดแขนถิ่มกะคึดเสียดาย...555)

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644

    สุดท้ายคืออ้ยเจ็บ

    ฮักครั้งแรก

    ฮักแรกนั้น ใจสิสั่นงันงก

    ตกตะลึงจังงัง ดังเป็นบ้าใบ้

    หัวใจสิโตนเต้น ตูมตามตุ้มตึง

    สะเทือนฮอดก้นบึ้ง ถึงขั้วก้นหัวใจ

    คือกำลังเป็นไข้ หนาวในในใจสั่น

    ใจผูกพันแหน่นอิ้งติ้ง ติงได้ตั้งแต่ตา นางเอย
    แก้ไขครั้งสุดท้ายโดย lungyai1123; 31-10-2012 at 17:29.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •