ตำบักยอ (อีกครกเด้อครับ)

[หนุ่มลาวสาวขะแมร์]

บักยอปลูกไว้สามปี เพิ่งรอดปากงัว ต้นน้อยๆ แต่หน่วยใหญ่หน่วยดก
บ่ได้กินตำบักยอโดนแล้ว เอาละมื้อนี่ละ










เก็บบักยอสุกเฮิ่มมาแล้ว กะเอามาฟักใส่เขียง โอ้ยเนาะ สิได้กินตำหรือกินลาบบักยอน้อบาดนี่




บ่แล้วมือกล้องคือเก่า บักยอหลายอยู่ อย่าเอาในเถาะมันกินยากกับสิเผ็ดโพด




ตำแบบลาวตำบักฮุ่งเด้อน้า บ่เน้นน้ำตาล ซองข้างๆ นั่นกะแซบพอแฮงแล้ว




แล้วๆ มากินตำบักยอเผ็ดๆ นำกันเด้อพี่น้อง




ตำบักยอ ตำบักฮุ่ง ก๋วยเตี๋ยว ปิ้งปลาเข็งน้อย ดักแด้ คาบสวยมื้อนี่ครับ มีแต่กับเข่าเหนียว กินกับเข่าจ้าว กะแซบคือกันนั่นละ




กินแล้วกะหาหม่องทอดทะเนิ้งยามบ่าย บ่ได้เวียกยังดอกครับ สบายๆ ตามปะสาคนบ้านนอก บรรยากาศมันบังคับเนาะ

[paula]

เคยกินอยู่จ้า แต่บ่มักป๋านใด๋ กินแล้วมันวินๆจังใด๋บุ๊

[เซียงสีผีเป้า]

ตำใส่มดแดงจั่งแซบคับ
กินแล้วกะพากันทอดถะเนิ้งเป็นตามีควมสุขคัก นี่ล่ะบ้านเฮาเนาะครับ

[suny]

เป็นตามีความสุขเนาะครับพร้อมหน้าพี่น้อง กินข้าวสวยแล้วกะทอดทะเนิ่งคือว่าละครับ ยังบ่เกี่ยวข้าวเนาะ

[ณัฐ ภูไท]

ตำหมากยอหนิยังบ่เคยกินนำเพิ้นจักเทือแต่กะเป็นตะแซ่บยุครับขั่วดักแด้หนะอยากกินเด้เนาะอุดมสมบูณร์ยุซอมเบิ่งนานแล้วบ้านของหนุ่มลาวสาวขะแมร์นั้นถือว่ามีความสุขหลายครับ

[lungyai1123]

กะลองเบิ่งแซบคือกันหละว่าแต่กินยามหิว

[หนุ่มลาวสาวขะแมร์]

ขอบพระคุณพี่น้องทุกท่านที่มาเยี่ยมเยียนครับ

ตำบักยอเทิงใน มันเผ็ดฮ้อนแฮงเนาะครับพี่ปุ้ย อาจสิบ่ถืกธาตุฯ ผู้ลางคนกะได้ ผมว่า
เที่ยวหน้าสิลองตำใส่มดแดงเบิ่งครับอ้ายเซียงฯ
บ้านสาวขะแมร์ เข่าเย้าแล้งแก่บ่ทันกัน หลัง เลข ออก งวดนี่เพิ่นจังสิเกี่ยววาซั่นครับ อ้าย suny
คาบมีกะไคแน่ คาบบ่มีกะจ้ำแจ่วนั่นละครับ อ้ายณัฐ ภูไท
กินปีละเทือพอเหยอยากครับลุงใหญ่

[บ่าวชัยภูมิ]

เป็นตาแซบแท้นัอครับ ตำบักยอ

[คนตระการ...]

บ่อได้กินโดนแล้วเด้อตำบักยอ จนว่าจื่อรสชาดบ่อได้พุ้นละ
ขอบคุณสำหรับภาพ และคำบรรยาย ที่เฮ็ดบ่อไห้ลืม...

[sompoi]

เป็นตาสะออนอิหลีบรรยากาศเนาะ อั่นอนโลนซา นั่นแม่ะ นอนเวนดีๆเนาะ อิอิ