" สุขภาพดีไม่มีขาย อยากได้ต้องทำเอง"
ซำบายดีพี่น้องซุคนครับ เอาบรรยากาศกรุงเทพมาราธอน มาฝากครับ
ภาพอาจจะบ่ชัดเด้อครับถ่ายจากกล้องมือถือและถ่ายรูปบ่เป็นเรื่องมุมกล้อง มืดตื้บ อิอิ เอาบรรยากาศเอาเนาะครับ มาๆสิพาไปเบิ่งครับ
ตื่นตั้งแต่ตีสี่ นัดกับหมู่อยู่หน้าศาลหลักเมืองครับ มาฮอดตอนตีห้ากั่ว คะเจ้ากะลำลังมาเป็นหมู่คณะ
บริษัทนี้มาในชุดสีชมพู
จักรยานกะมาครับ
พิธีเปิดโดยผู้ว่ากทม
บางคนกะเตรียมยืดเส้นยืดสาย เตรียมวิ่ง
ปล่อยโตแล้วครับ
เริ่มปล่อยโต เริ่มวิ่ง มีโตอิหยังสีเหลี่ยมๆมาวิ่งด้วย
ผ่านไปสองกิโล ขอสักภาพ :l-:l-
ถึงป้อมพระสุเมรุ
กองเชียร์กะมี
สี่กิโลแล้ว ใกล้แล้วๆ เริ่มเมื่อย
ใกล้สิถึงเส้นชัยแล้วครับ
อยู่กทม มา 20 ปี เพิ่งสิได้นั่งกลางถนนคักๆกะเทียนี่ล่ะ ขะน่อย
ถ่ายรูปกับเฒ่าเหลี่ยมๆ เทิงถ่ายเทิงฟ้าว เพราะว่าพวกทางหลังไล่มา
เมื่อยแล้ว ย่างเอาเด้อบาดนิ
ฮอดเส้นชัยแล้ว พุได๋ยังไหวกะไปหาแนวกิน พุได๋บ่ไหวกะมานอนนี้ มีหมอมานวดขาให้พ่อม
เก็บภาพที่ระลึกกับหมู่สมัยมัธยม ยามงานบ่ค่อยว่างเจอกัน สิได้พ่อกันกะเวลาแบบนี้ ดีใจคัก
ลาด้วยภาพสนามหลวงยามมื่อเซ่า บ่ทันมีคนหลาย ย่างลัดมาขึ้นรถเมล์เมียบ้านครับ
ผมลงวิ่ง มินิมาราธอน 4.5 กิโลเมตร ความจริงอยากลง 10 กิโล แต่ต้องกลับมาทำงานต่อย้านบ่ไหว เลยเอาพอหอมปากหอมคอ
พ่อแม่พี่น้องชาวบ้านมหาอย่าลืมดูแลสุขภาพเด้อครับ หาเวลาออกกำลังกายบ้างเพื่อเป็นการผ่อนคลายร่างกายและจิตใจจากการทำงาน
มื่อนี้ขอจบแค่นี้เด้อครับ มื่อลุนสิหาภาพมาลงให้ชมใหม่ ขอบคุณพื้นที่บ้านมหาดอทคอมที่เอื้อเฟื้อพื้นที่ให้ได้แบ่งปันครับ ขอบคุณพี่น้องบ้านมหาทุกท่านที่เข้ามาชมครับ
อ้างข้อความนี้
ถามแหน่ จ้า คุณหมอ อั่นโตเหลี่ยมๆ นั่น ได้ถามเผิ่นแหน่ว่า มาแล่นคือเอาบักแตงโมมานำ บ่หนักพุ่งตริ ฮ่าๆๆๆ ออยยยย อย่าให้พ้อยามข่อนสิแจ้งเด้อ วิ่งสู้ฟัดเลยละ นางนิ 
? ในรูปสี่คนนั้น มีลาวเกษตรวิสัย 2 คน อีกสองคนถามหมู่มื่อคืนนี้คะเจ้าบอกว่าเป็นคนใต้ พะนะ
Bookmarks