------- : อำลาพาจาก :------

[บ่าวโจ่โล่]

วางคำจาหน้าสุดท้าย บทบรรยายป้ายเขียนส่ง เว้าตามตรงคงลาแล้ว แนวหยอกย้อนอ้อนส่งคำ

บทความนำทำกลอนย่อ ผูกเงื่อนต่อก่อภาษา หลากคำจาหาคำเคียง ด้วยคิดเรียงอักษรร่าง

สุดคำวางภาษาเค้า คือคนเก่าเข้าตามกาล อวสานนานเหลือโข "บ่าวโจ่โล่" โอ่นามเว้า

หยุดพักเซาในวันนี้ ขอเป็นพี่ผู้มาหลัง หรือเอิ้นหยังในตำนาน "บ้านมหา" คราคราวนั้น

หมู่เดียวกันผั่นลืมส้น หนีไปดนจนเหมิดไหง่ บ่พ้อไผใคร่แบ่งค้ำ เหลือคางบ้ำสิแม่นเฮา (ซ่าแหลวววว)

เริ่มเขียนแต่ปีสี่เก้า ฮอดหม่องเซาแล้วผมว่า ฮอดบาดลาป๋าพี่น้อง สองคำเว้าเล่า "ขอบคุณ" ถ่อนแล้วววพี่่น้องเอ๊ยยย

[4SHARED]http://www.google.co.th/embed/3024174799/efaa3f02[/4SHARED]

----------------------------------------------

พ้อกันเห็นกันกะอย่าลืมเอิ้นไส่แน่เด้อครับพี่น้องครับ มีโอกาสสิต่าวมายามเอาเนาะครับ

[ไก่น้อย]

ฮ่วยๆ อย่าว่าจั่งสั่นเถอะเหว่ย ว่างๆกะมาระบายผ่อนคลาย ยามว่างไปสั่นดอก อย่าสิว่าอำลาพาจากเถอะอ้าย มาๆ ..

[ใบไม้สีชมพู]

แวะมายามกันเรื่อยๆเป็นระยะแหน่เด้อจ้า แวะมายามได๋ก็สิได้พอกันจ้า

[เขมราฐ]

มาแนวได๋น้อบาดนี่ ญาอ้ายข่อย

[แจ่มใสยิ้มสวย]

พี่ไม่ได้ลาจากเน้อก็ยังมาเรื่อย ใฉนท่านจึงสั่งลาเช่นนี้

[วัฒนชัย หาริโร]

อกหักติอ้าย เฮ็ดคือบ่าวชำน้อยนิเนาะ สิหนีไปใส
สินำส้นคือเก่าล่ะ

[มะเหมี่ยว]

อะฟ่าวไปเด้อจร้าาาาา ยุเล่นเป็นหมู่กันก่อน...........
ว่างๆกะแวะเวียนเข้ามา...........มื่อได๋ล่ากะนอนพัก

[sompoi]

มะส่างว่าแท่ะ..
หน้าที่ไผ๋หน้าที่เพิ่นเนอะ..อาจสิมีเหตุผลให้อำลาพาจากกะได่..(ซั่นล่ะแต่งม่วนหลาย )
จั่งได่กะคือสิเข้ามาเว่านัวหัวม่วนนำพี่น้องได่อยู่ดอกเนาะจ้า..บ่แต่งกลอนลาวกะดาย ฮ่าๆๆ

ปล..เสียงพิณเพิ่นแม๋ะเป็นตาฟ้อนใส่คัก ..

[อาวอ้วนเมืองยศ]

แนะคือสิมาหนีป่ากันบาดนี่ แวะมายามกันแน่เด้ออ้าย จั่งได๋กะมาเว่าจาเว่านัวหัวม่วนนำกันอีกแน่เด้อครับอ้าย

[PLA2KEM]

อย่าฟ้าวหนีฮิจากเด้อครับ ท่าน อาจารย์ ยังอยากอ่าน กลอนม่วนๆ และติดตาม ผลงานอาจารย์อยู่เด้อครับ