มาส่งข่าวพี่น้อง ทิดจ่อยยังมีชีวิตอยู่
พี่น้องเอย วันเดือนปีได้เคลื่อนย้าย มาหนาวใจตอนปีใหม่
สองห้า ห้า ห้า ไปลับแล้ว ถิ่มฮอยแป้วไว้หว่างใจ
นอนหนาวกายจนสะบั้น ผสมกันกับเจ็บแผลหัวใจแหว่ง
กินเหล้าแสงกะคึดพ้อ กินหงส์ซ้ำบ่อส่วงเซา
กินเหล้าขาวทังเบียร์วุ้น ผ่องสปายเทลงตื่ม
ดื่มเพื่อให้ลืมหน้าน้อง ลมผัดฟ้องพัดบ่อเซา
กินสองแปดห้าละเมอเว้า ออกซื่อสาวปานเป็นไข้ป่า
กินสาโทผสมรีเจนซี่ ทางใจพี่ผัดหั่งเหงา
ไปนำเขาบ่ออ่าวเอื้อ บ่อเหลือฮอยพอปานซ้างเหยียบขี้ดินแก่น
ไปเป็นแฟนเขามิดจ้อย ปะให้อ้ายเป็นหมู่หมา
อ้ายตั้งตาคองถ่า คำสัญญาว่าปีใหม่ สิกลับไปให้อ้ายหอมแก้ม เจ้ารับรอง
ตกหว่างคลองได้ลืมห้วย ตกหว่างควายลืมเชือกข่าว
ตกหว่างสาวพ้อคู่ซ้อน สัญญาเจ้าบ่อจื่อจำ
บ่อหัวซาผู้ใด๋ซ้ำ คำหมู่คนเขาป้อยด่า
นอนให้หมาเลียปาก ฮากบ่อยังฮอดขี้เพลี้ย เสียดายเหล้ากะผ่องกัน...อ๊วก!!..แอ๊ะ!
อ้างข้อความนี้
)
Bookmarks