คึดฮอด....ความหลัง..(^___^)

[สาวประทาย]

เซื้อซาติแฮ้งอย่าเหม็นสาบกุยกัน
เกิดเป็นคนอีสานให้ฮักแพงกันไว้
ไผเฮ็ดดีให้ซอยยู้ ซอยซูอย่าหย่านลืน
ไผเฮ็ดผิดให้ซอยเว้า ไขแก้ดอกซอยกัน

บนเส้นทางของชีวิต ...ซึ่งยังคงดำเนินไปกับกาลเวลา....วันแล้ววันเล่า
เดือนแล้วเดือนเล่า ปีแล้วปีเล่า....ซึ่งกำหนดให้แต่ละชีวิตแตกต่างกัน......

เฮ็ดให้หวนคิดฮอดวันเก่าในวัยเยาว์ (แสดงว่าเฒ่าแล้ว555++):l-
บรรยากาศแบบนี่..




แต่เป็นเด็กน้อยม่วนอิหลีแล่นนำก้นอิพ่อยามเพิ่นไถนา..






:,1-คิดฮอดตำบักหุ่งกลางท่ง...




สูบน้ำเก็บปลาอยู่สระ(บางเทือกะเอิ้นส่าง (สระน้ำ=ส่าง))


ปิดโรงเรียนเสาร์อาทิตย์กะไปเลี้ยงงัวเลี้ยงควาย (บ่กล้าลงไปลอยน้ำเล่นนำควายดอกล่ะ...ย้านปลิง55555++++)




ฮอดยามเก็บเกี่ยวกะสิเป็นอีกบรรยากาศนึง (ยามเกี่ยวข้าวกะเกี่ยวไปได้ห้าฟ่อนกะพักห้านาทีอยู่เบิ่ดมื่อ...อิอิ ยามเที่ยงกินข้าวแล้วกะนอนเวนก่อนจั่งลงไปเกี่ยวข้าวซอยพ่อกับแม่ต่อ..)






:,1-ยามหนาวๆ กะล้อมวงผิงไฟ เผาเผือกเผามันกินกัน



คิดฮอด..ความหลัง

ขี่หลังควายหาเล็มหญ้า.............นำคันนากินหญ้าอ่อน
ตั้งแต่ก่อนข้อยผู้น้อย...............คอยเลี้ยงตั้งแต่ควาย
ย้อนบ่รวยคือชาวบ้าน...............การศึกษานั้นบ่ได้ต่อ
ซ่อยอีพ่อเพิ่นเลี้ยง...................งัว ควายนั้นอยู่ท่งนา
ซ่อยไถนา ซ่อยหลกกล้า.............ดำนา นำพ่อแม่

:l-
คืนวันที่ผันผ่าน เนิ่นนานยังมองเห็น
สืบสานตำนานเป็นทั้งชีวิตและจิตใจ
จากบ้านมานานนับ โบยบินกลับหวลหา
ข้าวน้ำซ่ามปลาผักป่าพาแลงแกงนัว
กลับสู่ไอดินกลิ่นหญ้า ฟางทุ่งนาและเถียงน้อย
นับวันเวลาข้าเฝ้าคอย นางน้อยจะคืนนาอีแม่เอย

Credit to อากู๋ ...ขอคุณอากู๋ค่ะ..สำหรับเรื่องราวดีๆ

[lungyai1123]

สุดยอดเลยทางบ้านสาวประทายยังมีภาพบรรยากาสที่น่ากลับไปอยู่
ไปอิงแอบเอาความสุขก่อนที่สบ่มีให้ได้เห็น

[เซียงสีผีเป้า]

โตนน้ำใกล้ๆตากล้า ระวังสิเป็นตุ่มฮังกล้าเด้อ

[สาวประทาย]

ตุ่มฮังกล้าว่าติ บ่เป็นจักเทือเด้ล่ะเนาะ สงสัยผิหนังสิหยาบกล้านดีคัก ทนแดนทนฝน:l-

[สาวประทาย]

บรรยากาศแบบนี่ทางประทายหาบ่มีแล้วจ้าลงใหญ่ สุมื่อนี่เฮ็ดนาเพิ่นกะหว่านเอาเบิ่ด..ยามเกี่ยวกะใช้รถเกี่ยว ยามไถกะใช้รถแท็กเตอร์ไถนาแทนควายล่ะจ้า....เบิ่ดแล้วววบรรยากาศแบบนี่ บ่มีอีกแล้ววสูญหายไปตามกาลเวลาและยุคสมัยเบิ่ดแล้วจ้า...หรือเรียกว่าถูกกลืนไปกับยุคสมัยแล้วจเาา