แกงเห็ดปลวก ใส่หน่อไม่ส้มครับ

[หยก ยโสธร]

มาพี่น้องผม มื่อนี้ได้มีโอกาศเอาแนวกินมาสู่พี่น้องบ้านมหาเบิ่ง
แกงเห็ดปลวก ใส่หน่อไม่ส้มครับ ตะโดนล่ะๆ เดิอนมิถุนา 55 อีแม่ฝากนำรถตู้มาให้

พ่วนน่ะ หน่อไม้ส้มใหม่ๆ อิแม่ลาวเฮ็ดเอง ขาวอั้วซั่ว ส้มพอดีปานหยัง



เห็ดปลวกอิแม่เพินนึ่งมาแล้วครับ มาฮอดกะตำบักพริก หอมแดง ทุบหัวซิงไคใส่นำ หยอดน้ำหน่อยนึง แล้วค้างไฟเลย



ถ้าจักคาว ให้หม้อเดือดแล้วจั่งเอาหน่อไม้ส้มใส่ (ถ้ามันส้มแฮงกะล้างก่อนเด้อ จักน้ำนึง) ใส่นำปลาจักหน่อย ผงนัวนำหน่อยนึงบ่ต้องใส่หลายดอก เห็ดมันหวานยุแล้ว



รอให้เดือดอีก ใส่ผักอีตู่ ซีมเบิ่ง ถ้าแซบแล้วกะตักใส่ถ้วย หาพาเข้าสู่กันกิน เลยครับ







มาพี่น้อง กินข้าวนำกัน แนวกินตื่มกะได้ หมกน่อไม้ หมกส้มปลา ปิ้งตับ กับบักนัดหวานๆ



ขอบคุณบ้านมหา และพี่น้องที่เข้ามาเยี่ยมยามครับ

:,1- :,1-

[ณัฐ ภูไท]

เออเป็นตะแซ่บเนาะแกงเห็ดปลวกใส่หน่อไม้ส้มทางบ้านบ่เคยแกงเด้สิลองเฮ็ดกินเบิ่งยุคือสิแซ่บยุเนาะห่อหมกกะน่ากินครับ

[ร้อยหมื่นพันไมล์ไกลบ้าน]

อยู่ยโสธรยุค่ะ แต่บ่เคยกินแกงเห็ดใสหน่อไม้ส้มคือกัน
คือแกงเห็ดมีแต่แกงแต่เห็ด ส่วนแกงหน่อไม้ส้มมีปลา เนื้อ หมู ไก่ พวกนี้ใส่ค่ะ
แต่ยามได้เมือบ้านสิลองแกงเบิ่งเด้อค่ะ หรือสิลองหาเห็ดแถวๆนี้แกงเบิ่งค่ะ

[ปูน้อย]

เป็นตาแซ่บน้อจ้า
ขอจ้ำนำแน

[เซียงสีผีเป้า]

มาซางวาแท่ แกงเห็ดปลวกใส่หน่อไม้ส่มพะนะ

เดี๋ยวต้องลองเบิ่งจักเทียก่อนคับ

เห็โปลวกดอกใหญ่คือสิหวานดีเนาะคับ

[หนุ่ย..บ่าววีโก้]

เป็นตาแซบอยู่แกงเห็ด...เเต่ใสหน่อไม้ส้มบ่อเคยเห็นจักเทื่อครับ

[หยก ยโสธร]

ฮ่วย บ่แมนมีตะบ้านผมเบาะสั่น ที่แกงใส่หน่อไม้ส้ม ... ลองเบิ่งเด้อครับ แซบไปอีกแบบ แต่เห็ดอื่นบ่แนะนำเด้อ เคยแกงใส่ตะเห็ดปลวกนี่ล่ะ ... อีกอย่าง เป็นการเพิ่มปริมาณไปในโต ยามเห็ดมีหน่อยๆ แต่กินหลายคนหนิ ซอยได้ดีคัก มันจั่งสิอิ่มนั่นนา

[หมอบ้านนอก]

บ้านผมกะแกงเห็ดปลวกใส่หน่อไม้ส้มคือกัน คือสิบ้านเดียวกันเนาะ(คำเขื่อนแก้ว,ลุมพุก)แกงใส่แนวอื่นกะได้อีกเช่น เห็ดเผาะ ปลาลูกคอก ฮวก ไก่แม่ไข่(แซบคัก):b-b

[หยก ยโสธร]

ตอบบ่าว หมอบ้านนอก : แมนแล้วครับ ผมอยู่ อ.คำเขื่อนแก้ว นั่นล่ะ
สงสัยสิมีตะแถวบ้านเฮาตี๊เนาะ แกงใส่เห็ดปลวก

[pui.lab]

ทางโคราชก็แกงเห็ดใส่หน่อไม้ส้มจ้า แซบเด้อค๊า