แม่จ๋า...ลูกพาหลานเมือบ้านเฮา

[พวงพยอม]

ทุกครั้งที่นางได้กลับมายามบ้านพวงพะยอม ในหมู่บ้านแห่งหนึ่งในอำเภอสุวรรณภูมิ ร้อยเอ็ด
บ้านเกิดของพ่อใหญ่แม่ใหญ่และแม่ของนาง

ความอบอุ่นและความสงบรายล้อม หอมกลิ่นดอกพะยอม เสียงกอไผ่ดังปานเสียงดนตรี เข้ากันกับเสียงไก่ขันอันไพเราะ ทำให้นางต้องหวลคิดฮอดอดีตเมื่อยามที่พ่อยังมีชีวิตอยู่
พ่อจะพาเดินเข็นรถลากไปหาฟืนในนาและพาไปแหย่ฮังมดแดง พ่อจะมีคุถังใส่น้ำเอาไว้แยกไข่มดแดง
ลาบไข่มดแดง เป็นอาหารโปรดของพวกเฮาทุกคน แม่จะขุดหน่อไม้เอามาแกงใส่น้ำใบย่านางที่แม่ปลูกไว้
ในสวนหลังบ้านมีต้นมะพร้าว ขนุน กล้วย มะยม บักเสียบ และพืชสวนครัวทุกอย่าง
ตั้งแต่กระเพรา โหระพา ข่า ตะไคร้ ใบมะกรูด ผักอีตู่ กระถิน มันข้าวก่ำ ผักติ้ว พริกขี้หนู
แนวอยู่แนวกินแทบจะไม่ต้องซื้อหาจากตลาด ปลานาก็พอหากินได้ นางชอบแกงปลาดุกใส่ผักติ้ว
ลาบปลาดุก กินกับข้าวเหนียวร้อนๆ แซ่บอีหลีเพราะฝีมือแม่
หน้าหนาวพ่อจะก่อกองไฟเผาข้าวหลามข้าวก่ำใส่ถั่วดำและกะทิจากมะพร้าวในสวน
ตอนเช้ามืดแม่จะห่อข้าวต้มมัดสำหรับใส่บาตร นางจะคอยเป็นลูกมือตัดใบตองให้แม่
ตอกที่ใช้มัดข้าวต้ม พ่อทำจากไม้ไผ่หน้าบ้าน ดอกพุดบานยามเช้าให้แม่เด็ดไปบูชาพระที่วัด
สวรรค์บ้านนา เป็นชีวิตที่นางปรารถนาว่าคงได้กลับมาอยู่อย่างถาวรในอีก5ปีข้างหน้าถ้ายังมีลมหายใจอยู่



นางกลับมายามบ้านปีนี้ ได้สร้างธาตุให้พ่อตามที่ได้ตั้งใจไว้ พระคุณพ่อแม่นั้นมากมายแม้ตายไปก็ยังใช้ไม่มีวันหมด แม่พาไปทำบุญที่วัดกับญาติพี่น้อง ทุกคนดีใจที่ลูกสาวคนโตของนางเรียนสำเร็จไปได้อีกระดับหนึ่ง
และสอบเรียนต่อได้ตามความใฝ่ฝัน ทุกคนรอคอยให้หลานกลับมาทำงานที่บ้านเกิดเมืองนอน
เมื่อถึงวันนั้น นางกับพ่อบ้านคงจะได้มีโอกาสใช้ชีวิตแบบพ่อแม่ของเฮาอีกในบั้นปลาย
ทำไร่ทำนาตามประสาเกษตรกร อยู่อย่างพอเพียงเลี้ยงตนและครอบครัวได้

[พวงพยอม]

:*-รูปภาพกำลังตามมาเด้อจ้า:,1-

[คนจนผู้ยิ่งใหญ่]

ถ่าเบิ่ง เรื่องราวหน่าติดตาม ฟ่าวๆเอามาเบิ่ง

[ณัฐ ภูไท]

:สุขใด๋กะบ่คือได้อยู่บ้านเกิดตัวเองดอกเนาะบั้นปลายชีวิตกะคือสิหวนคืนเมือบ้านคือกันได้อยู่กับไฮ่สวนปลูกผักเลี้ยงปลาหาความสุขอยู่กับธรรมชาติถ้าฮู้จักวางคนเฮากะสิมีความสุขเนาะ

[พวงพยอม]

[หนุ่มลาวสาวขะแมร์]

คนไทยอีสานบ่ว่าไผกะมีความคิดบ่ต่างกันเนาะครับ ต่างชาติเห็นกะเลียนแบบนำ "บั้นปลายชีวิตเราจะกลับไปใช้ชีวิตที่อีสาน" พะนะ แฮะๆ

เว้าม่วนครับ บ่ได้ล้อเลียนเด้อ

เข้ามาสวัสดีคุณแม่ คุณป้าอาจารย์พวงพะยอมครับ (บ่ฮู้สิเอิ้นแบบได๋น้อ) ขอให้ฝันของคุณแม่พวงพะยอมเป็นจริงไวๆ เด้อครับ

เทือผมพาพี่พาน้องไปเบิ่งบั้งไฟล้านเมืองพนมไพร สุวรรณภูมิ สิได้แวะขอกินน้ำกินท่า หรือสิมายามอีพ่อทางวาปีฯ กะแฮงสิดีใจหลายครับ

ผมเองกะฝันความเดียวกันนี่ละครับ แต่ต่างกันที่ผมบ่อยากให้ถึงบั้นปลายของชีวิต อยากกลับไปไวๆ ไปอยู่กับอีพ่ออีแม่

กลับไปเบิ่งแงงตอบบุญแทนคุณเพิ่นแน่(เว้าทรงคือแท้ดอกละ) ใหญ่มากะบ่เคยได้อยู่กับพ่อกับแม่ครับ พ่อไปไทยลูกอยู่บ้านพ่อไปบ้านลูกมาไทย

[suny]

ดีใจนำเด้อครับกับความสำเร็จของลูกสาว จังแม่นเก่งเนาะ สิได้จากพ่อกับแม่เพิ่นเนาะครับ.....ครับความฝันบั้นปลายของคนบ้านเฮาเนาะครับ ไปอยู่ไสกะอยากกลับมาอยู่บ้านเกิดคือเก่า ผมคือกันครับตั้งใจว่าส่งลูกเรียนจบแล้วกะสิกลับไปไปอยู่บ้านกับพี่น้องยุครับ แต่จักสิเป็นคือตั้งใจไว้รึบ่ดอกครับ จักสิอยู่ฮอดบ่บุ

[ฅนภูค่าว]

เป็นควมคึดที่ถึกต้องแล้ว บ้านเกิดเฮานี่หละคือหม่องที่ดีที่สุดสำหรับเฮา พ่อแม่พี่น้องกะมีมายามได๋มีแต่ควมอบอุ่นเด้อสิบอกให่....

[สาวหนองคาย]

ดีใจแทนผู้เป็นพ่อกับแม่เนาะ ลูกสาวเรียนขั้นหนึ่งละ น้องกะฝันไว้คือกันว่าสิกลับเมืออยู่บ้านเฮา อยู่ไสกะบ่คืออยู่อิสานบ้านเฮากับพ่อกับแม่ อยู่บ้านเฮากินข้าวกับแจ่วปลาแดกกะแซ่บ ว่าแต่ใด้กินกับพี่กับน้องครอบครัว เว้ามาแล้วกะคิดฮอดบ้านแฮ่งแฮง

[ณัฐ ภูไท]

เมื่อวานยังบ่เห็นรูปน้อครับกะเลยเข้ามาใหม่ออนซอนบ้านงามกำลังพอดีเลยหลังกะทัดรัดดีทำความสะอาดง่ายสุมื้อนี้มีบ้านหลังใหญ่ๆๆกะอยู่กันแค่ 2เฒ่าเนาะคิดต่อลูกต่อหลานกะบ่หลายคือแต่กอ่นแล้วเนาะครับ