ผัวเมียคู่หนึ่ง อยู่ด้วยกันมาจนครบ 40 ปี
ในคืนแรกที่พวกขะเจ้าแต่งงานกันผัวเพิ่นกะบอกกับเมียว่า
"ข้อยสิเก็บกล่องใบนี้ไว้ใต้เตียงเด้อ เจ้าต้องสัญญากับข้อยเด่ะว่า จากมื้อนี้ไปอีก ๔๐ ปีเจ้าสิบ่เปิดกล่องใบนี้ออกมาเบิ่ง" เมียเพิ่นกะให้สัญญา ตามนั้น
ตลอด 40 ปีที่ผ่านมา เมียเพิ่นกะบ่เคยเปิดกล่องออกมาเบิ่งเลยเฮ็ดตามสัญญาที่ให้ไว้มาตลอด
จนบ่ายวันครบรอบ 40 ปีของการแต่งงานฝ่ายเมียกะทนความอยากฮู้อยากเห็นบ่ไหวกะเลยแกะกล่องปริศนาใบนั้นออกมาเบิ่ง
ในกล่อง...มีขวดเบียร์ว่างเปล่า 3 ขวด พร้อมกับเศษแบงค์และเศษตังค์
นับรวมกันได้ 34,768.50 บาท เมียกะเก็บกล่องใบนั้นเอาคือเก่า แต่กะยังสงสัย
หนักเข้าไปใหญ่ว่า เป็นยังผัวเพิ่นจั่งต้องเก็บของพวกนี้ไว้ในกล่องนั้นหน่อ?
คืนมื้อนั้น ผัวกับเมียเพิ่นกะออกไปฉลองครบรอบแต่งงาน ณ ร้านอาหารอันสุดแสนจะ
โรแมนติค หลังอิ่มหนำสำราญแล้ว เมียเพิ่นกเลยเอ่ยปากสารภาพกับผัวว่า
"ขอโทษเด้อเฒ่า ข้อยเปิดกล่องใบนั้นเบิ่งแล้วหล่ะ ย้อนข้อย..อดทนบ่ได๋อีหลี เจ้าบอกข้อยได้บ่หว่า เป็นยังเจ้าคือเก็บขวดเปล่าไว้ในกล่องนั้นหล่ะ?"
ผู้ผัวเพิ่นกะคึดอยู่คราวนึงพร้อมสารภาพไปว่า
"เฒ่าเอ้ย..หลังจากที่เฮาผ่านช่วงเวลาที่พิเศษสุดมาตลอด 40 ปี ข้อยว่าเจ้าควรสิฮู้ ความจริงซะที... ทุกเที้ยวที่ข้อยเฮ็ดหยังนอกใจเจ้า..ข้อยกะเอาขวดเบียร์เปล่าใบหนึ่งลงไปไว้ในกล่อง เพื่อเตือนสติข้อยเองว่าสิบ่เฮ็ดเรื่องแย่ๆ แบบนั้นอีก"
เมียได้ยินกะตกใจกับคำตอบ แต่กะได้แต่ทอดถอนใจ...ตอบไปว่า
"ข้อยผิดหวังในโตเจ้าหล้าย หลาย เฮ็ดผิดแล้วยังปิดบังข้อยมาตลอด แต่ก็ยังดีที่ตลอด 40 ปีมานี่ เจ้าแอบหนีไปเที่ยวแค่สามเที้ยวเอง..."
ปานยกภูเขาออกจากอก ทั้งสองน้ำตาไหลรินพร้อมโผเข้ากอดกัน อย่างมีความสุข กอดกันได้ซักพัก ผู้เมียเพิ่นกะเกิดเอะใจขึ้นมา เลยถามไปหว๋า
"เอ้า..เป็นหยัง เจ้าคือจั่งเก็บเงินไว้ในกล่องนั่นหลายหมื่น..แท่..หล่ะ?"
"อ๋อ....พอกล่องมันเต็มยามใด๋ ข้อยกะเอาขวดไปขายท่อนั่นล่ะเฒ่า"
ขอบคุณภาพประกอบจาก internet
เวปบ้านมหาฯ
ไทบ้านพระเสาร์
๑๒/๐๒/๕๖
อ้างข้อความนี้
แบบนี้กะมี
Bookmarks