แคทฟิซถูกย่างซะแร่ะ อิอิ เป็นตาแชบเด้ค่ะ
สวัสดีจ้าน้องร้อยหมืิ่นพันไมล์ไกลบ้าน
โอ้ว เห็นรูปกระปุกปลาแดกของน้องแล้วใจเอื้อยแทบละลาย
เพราะเป็นตาหอมหลายๆเด้อจ้า น่าสิเฮ็ดส่งมาขายทางนิวยอร์คแน้เนาะจ้า
ขอบคุณสำหรับสูตรหมักปลาแดกน้อจ้า
บักGerman turnip ที่น้องแนะนำ พี่สิลองไปหาเบิ่งดูจ้า
ตลาดเอเชียแถวบ้านพี่บ่มีเล้ย หาแนวกินแบบบ้านเฮาบ่ค่อยเห็นจ้า
มีแต่ข้าวหอมมะลิจากเมืองไทยขายอยู่ห้าง Bj ส่วนมากจะสั่งร้านไทยให้ส่งพวกน้ำปลา
ซีอิ้ว พริกขี่หนู เครื่องแกง มาทางไปรษณีย์จ้า::*-
สวัสดีจ้าคุณสะใภ้อิสาน
ถ่ามีอีหยังในตู้เย็นเอามาดัดแปลงได้เป็นตาแซ่บก็ส่งภาพมาให่เบิ่งแนเด่้อจ้า
สวัสดีจ้าน้องปุ้ย
พี่มักปลาดุกย่าง ลาบปลาดุกจ้า ตำซั่วก็มักคัก เมือบ้านได้กินจนหายอยากเลยจ้า
สวัสดีจ้าคุณcatfish
ขอโทษเด้อจ้าที่เอาชื่อมาย่างกิน อิอิ
แต่วาแซ่บอีหลีจ้า
มาจอบเบิ่งกระทู้จ้า ตอนแรกกะบ่ฮู้ว่าหน้าตาเป็นแบบได๋เน๊าะ
แนวที่เพิ่นนำมาทดแทนบักหุ่งเห็นแล้วจ้าบาดนี่ สุดยอดจ้าเบิ่งอาหารที่เฮ็ด
กะหน้าตา น่ากิ้นน่ากินจ้า ไว้มีโอกาสสิโพดสูตรปลาร้าจากลำน้ำสงครามให้เด้อจ้า
แต่กะทันโพส เก็บภาพไว้สิฮอด 2 ปีแล่วลูกหินกะดาย เป็นกำลังใจให้คนไกลบ้านเด้อจ้า
อุปสรรคเป็นได้ทั้งบันไดให้ก้าวขึ้นไป...หรือเป็นภูผาที่ขวางกั้น...ขึ้นอยู่กับว่าจะมองมุมไหน
สวัสดีจ้าคุณlukhin_inter
ขอบคุณหลายๆที่แวะมายามกันเนาะจ้า แถมยั้งใจดีสิหาสูตรปลาร้ามาให่อีก
ขอบคุณสำหรับกำลังใจให่คนไกลบ้านเด้อจ้า
พวกป้ายุทางแสกนฯสิพากันตำแครอทจ้า(ปกติ)ใช้มีดสับอย่าขูดมันนิ่มโพดจ้า(ผุเพิ่นรวยเพิ่นกะตำบักกอละจ้า) ส่วนยามงานช้าง(งานวันเกิด)เจ้าภาพจั่งสิไปหาบักฮุ่งมาตำแต่กะใส่แครอทคือกันเพิ่มสีสันจ้า กะหล่ำปมคือร้อยพันไมล์ไกลบ้านว่า กะได้กินแต่ยามฮ้อนที่ปลูกได้นะจ้ากรอบๆแซบยุจ้า ตอนนี้หลบมายุเมืองไทยกินตำแครอทบ่อได้จ้อย(มันแพงคัก)อิอิ
สวัสดีจ้าคุณป้าลุนนี
แครอทยังบ่เคยตำเลยน่าสนใจคือกันเด้อจ้า
ป้าอยู่ทางโน้นเป็นตามวนดีน้อจ้า แถวบ้านนางมีแต่บักหุ่งสุกขาย
บ่มีบักหุ่งดิบดอกจ้า อาศัยกินตำแตง ตำถั่วหลายกั่วจ้า
ขอบคุณป้าที่แวะมายามเด้อจ้า
Bookmarks